Lebi 22:21 - Sră Goh 2018

²¹ Tòm tŭ cau lơi cèng kơnrồ hala belàt bơh di mpồl gơ dê nàng lơh gơs dô nơm phan ơn ring lơngai Yàng Jehôwa in nàng lơh gơlik wil tơl dô jơnau srat să ho nền dờng màng lơi hala ơn lơh gơs dô nơm phan ơn jat nùs kòñ, phan ơn hơ̆ pal la phan wil tơl, ò sồt rmàñ sồng geh dòp.

Lebi 22:21 Referans Kwoze

Khà Làng Bol 15:8

Tòm tŭ bol mê rcang gơs dô nơm kơnrồ dam gam dềt lơh gơs phan ơn chu pơrguc hala phan ơn duh khoai, bơh dô nơm jơnau srat să ho nền hala bơh dô nơm phan ơn pơdơng ring lơngai Yàng Jehôwa in,

Khà Làng Bol 15:3

mơ bol mê ơn Yàng Jehôwa in ală phan ơn chu pơrguc, bơh di mpồl kơnrồ hala mpồl belàt lơh gơs phan ƀô bơlhu niam nùs Yàng Jehôwa, bulah la ală phan ơn chu pơrguc hala ală phan ơn duh khoai, bơh ală jơnau srat să ho nền hala bơh nùs kòñ ơn, hala phan ơn tòm ngai pơjum sa,

Lebi 3:6

Dilah khai ơn dô nơm phan poan jơng bơh di mpồl belàt lơh gơs phan ơn ring lơngai Yàng Jehôwa in, khai pal ơn dô nơm dam hala me ò gơs tềl sồt.

Lebi 3:1

Dilah cau lơi kòñ ơn phan ơn duh khoai ring lơngai, dilah khai ơn dô nơm phan poan jơng bơh di mpồl kơnrồ, bulah la dam hala me, khai pal ơn di đap Yàng Jehôwa dô nơm phan poan jơng ò tềl sồt.

Jơnau Pơnđik 7:14

Añ gơs phan ơn pơdơng kah bơta nđàc; Ngai do añ neh tơm sir bơta srat să añ.

Đơs Crih 50:14

Ai tĕ bơta ưnngài lơh gơs phan ơn duh khoai Yàng Tom Trồ in, Mơ tơm bơta ho pơgon mê dê Bơtau Hơđang Rlau Jơh in.

Sơnròp Gơlik Gơs 28:20

Mơ Jakôp ho lah: “Dilah Yàng Tom Trồ ơm bal mơ añ, sền gàr añ tòm tŭ añ lòt gùng, ai añ in piang sào ào soh,

Lik Ejiptơ 35:29

Jơh làng bol Israel, cau klau mơ cau ùr, la ală cau gơs nùs kòñ ơn gen cèng ơn Yàng Jehôwa in ală phan ơn jat nùs kòñ bol khai dê nàng ngui tòm jơh ală broă mơ Yàng Jehôwa neh kơnòm di Môise sồr bol khai lơh.

Lebi 22:22

Bañ ơn Yàng Jehôwa in dô nơm phan poan jơng jơngo mat, pă jơng, gơkòl gơcrè poac hala sồt jê, hala ală bơta ndai kung be toh sa mồr tòm gơltau. Bañ ơn phan lơi behơ̆ hơđang cơnòng duh khoai lơh gơs phan ơn chu tòm ồs Yàng Jehôwa in.