Lebi 22:15 - Sră Goh 2018

¹⁵ Ală cau gơnoar ơn phan duh khoai ò di lơh ò goh ală phan ơn mơ cau Israel ơn Yàng Jehôwa in,

Lebi 22:15 Referans Kwoze

Khà Làng Bol 18:32

Tòm tŭ ơn pơnah niam rlau jơh gơ dê bol mê rơp ò kong glài bơh bơta hơ̆, gen bol mê ò lơh ƀơ̆ ƀơl ală phan ơn duh khoai sàng goh ală cau Israel dê, mơ bol mê rơp ò chơt.’”

Lebi 19:8

Cau lơi sa gơ gen pal kong glài he dê tài bơh khai neh lơh ƀơ̆ ƀơl phan neh ơn is sàng goh Yàng Jehôwa in; cau hơ̆ pal kong tă tơlik bơh di làng bol khai dê.

Ejekiel 22:26

Ală cau gơnoar ơn phan duh khoai gơ dê sang lòi bơta boh lam Añ jê mơ lơh ƀơ̆ ƀơl ală phan sàng goh Añ jê; bol khai ò cah is phan lơi la sàng goh mơ phan lơi la phan òs; bol khai kung ò bơto gơs bơta krơi is digùl phan ƀơ̆ ƀơl mơ phan sàng goh; mơ bol khai ñềm mat wèt ò kơlôi rcang hơ bơta prap gàr ală ngai Saƀat Añ jê, tian gơs lơh Añ in gơkòl sền òsơp digùl bol khai.

Lebi 22:9

Bol khai pal prap gàr ală jơnau Añ sồr, tồ bol khai ò gơkòl tìs glài mơ chơt bơh neh sền òsơp di ală phan sàng goh hơ̆. Añ la Yàng Jehôwa, la Bơtau lơh bol khai in gơs sàng goh.

Lebi 22:16

bơh sa ală phan ơn sàng goh neh lơh bol khai in gơkòl glài mơ pal tơm wơl ală phan hơ̆. Añ la Yàng Jehôwa, la Bơtau lơh bol khai in gơs sàng goh.’”

Lik Ejiptơ 28:43

Arôn mơ ală kòn klau khai dê pal soh srồmpha hơ̆ tŭ lơi bol khai mut tòm Sàl Tòm Mat hala tus rềp di cơnòng duh khoai nàng duh broă tòm Tiah Sàng Goh, tồ bol khai ò tìs glài mơ klàs chơt. Hơ̆ la dô bơta sồr lam gam sùm sùm Arôn mơ kòn sau khai dê.