Lebi 19:15 - Sră Goh 2018

¹⁵ Bañ lơh rkwet rkwe bơta song ring; bañ bơklơn cau rƀah lơòi hala dong tò cau pas sơm, mơya cahrña tĕ song ring cau gơp ƀòn mê in.

Lebi 19:15 Referans Kwoze

Yal Wơl 1:17

Bañ cahrña bơklơn hala dong tò dô đah lơi; iat tĕ cau dềt mơ cau dờng ndròm bal. Bañ rngòt dô nă cau lơi, bơh bơta cahrña gơrê bal mơ Yàng Tom Trồ. Cèng tĕ tus hơ añ bơta lơi kalke bol mê in cahrña, mơ añ rơp iat ală bơta hơ̆.’

Jơnau Pơnđik 24:23

Ală jơnau đơs do kung tus bơh cau jak chài: Bơta ò ring bal, tòm tŭ cahrña la ò niam.

Yal Wơl 27:19

‘Pal srat sơntơm cau lơi ò lơh bơta song ring gơwèt hơ cau làng bơdìh, cau kòn đòi hala cau ùr bơnrau.’ Gen jơh làng bol rơp đơs lah: ‘Amen!’

Lebi 19:35

Bol mê bañ sa kơrlơm tòm ală phan sơnoa rnoas nàng was, kơr hala kòp.

Jơnau Pơnđik 18:5

Ai lơh ò niam ki ngàm di cau iơh, Mơ sang lòi cau song ring tòm bơta cahrña.

Yal Wơl 16:19

Bañ lơh ò tòm toh mơ bơta song ring hala dong tò dô đah lơi. Bañ dòp phan loă, bơh phan loă lơh jơngo mat cau jak chài mơ lơh rkwet rkwe ală jơnau cau song ring dê.

Đơs Crih 82:2

“Ală bol mê rơp cahrña ò song ring, Mơ kơryơn di cau iơh bơsak jơl tus di tŭ lơi taih? (Selah)

Lik Ejiptơ 18:21

Mơya sac rwah tĕ tòm mpồl làng bol ală cau klau chài rgơi, duh rngòt di Yàng Tom Trồ, rgơi dòn kơnòm, gơjrañ di cồng nha ƀơ̆ ƀơl, pồ bơtào bol khai gơs cau at bồ, cau ƀà hơđang dô rbô nă, cau ƀà hơđang dô rhiang nă, cau ƀà hơđang pram jơt nă, mơ cau ƀà hơđang jơt nă.

Jang 7:24

Bañ cahrña jat đah bơdìh, mơya cahrña tĕ jat bơta di ngan.”

Broă 23:3

Pol đơs lah: “Ơ dơrñang hìu kli bò ne, Yàng Tom Trồ rơp lơh ồng; ồng nggui cahrña añ jat bơta boh lam mơ lơh tìs bơta boh lam sồr bol khai lơh añ?”

Yal Wơl 10:17

Bơh Jehôwa Yàng Tom Trồ bol mê dê la Yàng Tom Trồ dờng, gơs gơnoar pràn mơ pal rngòt, Kơnràñ ò cah is cau lơi, ò dòp phan loă.

Sră Jop 13:8

Oh mi rơp cah is gơwèt mơ Kơnràñ ơ? Oh mi tò să bơh ală broă ala Yàng Tom Trồ ơ?

Sră Jop 32:21

Añ rơp ò sền òsơp di cau lơi, hala đơs jơnau rơmhòc mơ cau lơi.

Sră Jop 34:19

Hơ̆ ò di Kơnràñ la Bơtau ò sền òsơp dê ală cau màng ryŭ, Ò sền cau pas gơs dờng màng rlau mơ cau rƀah, Bơh bol khai jơh tơl nă la broă lơh tê Kơnràñ dê ò ơ?

Jơnau Pơnđik 31:9

Pò tĕ bơr kòn cahrña dô bă song ring, mơ cahrña cau moat jrùng mơ cau rƀah lơòi in.