Lebi 18:5 - Sră Goh 2018

⁵ Prap gàr tĕ ală bơta lơh nền mơ ală bơta boh lam Añ jê; bơh cau lơi lơh jat ală bơta hơ̆ gen bơh hơ̆ rơp kis. Añ la Yàng Jehôwa.

Lebi 18:5 Referans Kwoze

Rôma 10:5

Môise cih lah dilah cau lơi lơh jat bơta song ring bơta boh lam dê, gen bơh hơ̆ mơ kis.

Ejekiel 20:11

Añ neh ai bol khai in jơnau sồr Añ jê, mơ sơnio bol khai in git ală bơta boh lam Añ jê, bơh cau lơi lơh jat ală bơta hơ̆ gen rơp geh kis.

Galati 3:12

Mơ tai, bơta boh lam ò di be bơta dòn, mơya: “Cau lơi lơh jat bơta boh lam gen rơp kơnòm di bơta hơ̆ mơ geh kis.”

Luka 10:28

Kơnràñ đơs lah: “Mê đơs di; lơh tĕ bơta hơ̆ gen rơp geh kis.”

Ejekiel 20:21

Mơya ală kòn sau pơrlơ̆ dră mơ Añ; bol khai neh ò lơh jat ală jơnau sồr Añ jê, bol khai neh ò kơrhia prap gàr ală bơta boh lam Añ jê, bơh cau lơi lơh jat gen kòp nă rơp geh kis; mơ bol khai sền òsơp di ală ngai Saƀat Añ jê. Gen Añ kơlôi Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm ƀlàng ngềt ngơt.

Ejekiel 20:13

Mơya hìu Israel tòmdră mơ Añ tòm ƀlàng ngềt ngơt; bol khai ò lơh jat jơnau sồr Añ jê, mơya sang lòi ală bơta sồr lam Añ jê, bulah cau lơi lơh jat gen rơp geh kis bơh gơ, mơ bol khai neh sền òsơp oă ngan di ală ngai Saƀat Añ jê. Behơ̆ Añ neh kơlôi Añ rơp tuh bơta gơjrañ dờng Añ jê hơđang bol khai tòm ƀlàng ngềt ngơt, nàng tơnroh bol khai.

Lik Ejiptơ 6:6

Behơ̆, mê đơs tĕ mơ cau Israel lah: ‘Añ la Yàng Jehôwa, mơ Añ rơp tă tơlik bol mê klàs bơh di yô cau Ejiptơ dê. Añ rơp toh bol mê klàs bơh di bơta ơm dĭ bol khai, mơ Añ rơp pò tơwòr tê Añ lơh ală broă gơnap gơnoar nàng cahrña mơ tơwài bol mê.

Lik Ejiptơ 6:2

Yàng Tom Trồ đơs tai mơ Môise lah: “Añ la Yàng Jehôwa.

Malaci 3:6

“Bơh Añ la Yàng Jehôwa ò tŭ lơi tòmgơl; behơ̆, ơ bol mê la kòn sau Jakôp dê, bol mê ò gơkòl roh rui.

Lik Ejiptơ 6:29

gen Kơnràñ đơs mơ khai lah: “Añ la Yàng Jehôwa. Đơs tĕ mơ Pharaôn, bơtau Ejiptơ, jơh ală jơnau Añ đơs mơ mê.”

Mathiơ 19:17

Yàng Jesu ho lah: “Ñchi bơh tài mê lùp Añ bơh broă niam taih? Mìng gơs dô Bơtau niam lơm. Dilah mê kòñ mut tòm bơta kis, gen pal prap gàr ală bơta sồr lam.”

Rôma 7:10

behơ̆ bơta sồr lam pal lam añ tus hơ bơta kis, mơya gơ lam añ tus hơ bơta chơt.

Lebi 18:6

Bañ gơs dô nă cau lơi tus rềp mơ dô nă cau gơp bơtiàn khai dê mơ bic mơ khai. Añ la Yàng Jehôwa.

Yal Wơl 4:1

Ơ Israel, tŭ do iat tĕ ală bơta lơh nền mơ ală bơta boh lam mơ añ rơp bơto bol mê. Lơh jat ală bơta hơ̆ tồ bol mê geh kis mơ rgơi mut mơ dòp geh lơgar Jehôwa Yàng Tom Trồ ală ồng pàng bol mê dê ai bol mê in.

Nehemi 9:29

Kơnràñ kung neh pơrhơng nàng lam bol khai rê wơl hơ bơta boh lam Kơnràñ dê. Bulah behơ̆, bol khai neh lơh lòt dô bă pơnhừ să, ò lơh jat ală gơnoar sồr Kơnràñ dê, tìs glài mơ bơta sồr lam mơ dilah cau lơi lơh jat bơta hơ̆ gen khai geh kis. Bol khai kơldang nùs wèt ngkòi hơ Kơnràñ, kơldang bồ mơ ò bài dòn bơr.

Esai 55:3

Ơn tồr iat mơ tus tĕ hơ Añ; iat tĕ Añ gen bol mê rơp geh kis. Añ rơp lơh dô bơta ho bal gam sùm sùm mơ bol mê, la bơta kòñ gơboh kơ̆ dơn nền cê neh ho pơgon mơ Dabit.

Ejekiel 18:9

Khai lơh jat ală jơnau sồr Añ jê mơ dòn song prap gàr bơta sồr lam Añ jê. Cau hơ̆ la cau song ring; di ngan la khai rơp kis, Jehôwa Yàng Tom Trồ đơs behơ̆.

Yal Wơl 30:6

Jehôwa Yàng Tom Trồ bol mê dê rơp siat gơltau nùs bol mê dê mơ nùs ală kòn sau bol mê dê, tồ bol mê rơp jơh nùs mơ jơh hwềng soàn kòñ gơboh di Jehôwa Yàng Tom Trồ bol mê dê, nàng bol mê in geh kis.

Yal Wơl 30:20

kòñ gơboh tĕ Jehôwa Yàng Tom Trồ bol mê dê, dòn bơr Kơnràñ mơ ntào kơ̆ tòm Kơnràñ; hơ̆ la bơta kis bol mê in mơ ală ngai jŏ jòng tồ bol mê in kis tòm lơgar mơ Yàng Jehôwa neh srat să ai ală ồng pàng bol mê in la Abraham, Isak mơ Jakôp.