Lebi 18:21 - Sră Goh 2018

²¹ Bañ ai dô nă kòn lơi bol mê dê lơh gơs phan ơn duh khoai Molok in, bơh bol mê ò di lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Lebi 18:21 Referans Kwoze

Yal Wơl 12:31

Bol mê ò di duh khoai Jehôwa Yàng Tom Trồ bol mê dê jat gùng bol khai dê, tài bơh tòm tŭ duh khoai ală yàng bol khai dê gen bol khai kung lơh jơh ală bơta cù kìr iơh rmơh mơ Yàng Jehôwa gơjrañ. Bol khai chu ală kòn klau kòn ùr bol khai dê tòm ồs lơh gơs phan ơn ală yàng bol khai in.

Lebi 19:12

Bañ ai sơnđan Añ nàng srat să blac mơ lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Yal Wơl 18:10

Bañ gơs cau lơi digùl bol mê ơn kòn klau hala kòn ùr he dê tòm ồs, sền tê, sền dà

Lebi 22:32

Bañ lơh ƀơ̆ ƀơl sơnđan sàng goh Añ jê. Cau Israel pal đal git Añ la Bơtau sàng goh. Añ la Yàng Jehôwa,

Broă 7:43

Bol mê tùng wơl sàl duh khoai Molok dê, Mơ sơmañ yàng Remphan dê, Hơ̆ la ală rùp ràk mơ bol mê neh lơh gơs nàng duh khoai. Tài behơ̆, Añ kung rơp cèng bol mê hơ đah ne lơgar Babilôn sơl.’

Malaci 1:12

Mơya bol mê neh lơh ngkòr ngkàc di sơnđan Añ tòm tŭ bol mê đơs lah: “Cơnòng duh khoai Yàng Jehôwa la ƀơ̆ ƀơl,” mơ đơs bơh phan ơn hơđang cơnòng lah: “Hơ̆ la phan pal sền òsơp.”

Jeremi 19:5

Kung bơt bơtào ală tiah jơnhoa Baal in nàng chu ală kòn dềt bol khai dê lơh gơs phan chu pơdơng Baal in, la bơta Añ ò tŭ lơi ai gơnoar sồr, ò tŭ lơi yal, la bơta Añ ò tŭ lơi kơlôi sơnơng tòm nùs Añ.’

I Ală Bơtau 11:33

Bơta do la tài bơh khai neh sang lòi Añ, lòt duh khoai Astarte yàng ùr Sidôn dê, Kemôs yàng lơgar Môap dê, mơ Milkôm yàng làng bol Ammôn dê. Khai ò lòt tòm ală gùng dà Añ jê, ò lơh ală bơta song ngan di đap Añ, mơ kung ò prap gàr bơta sồr lam mơ bơta boh lam Añ jê, be Dabit bèp khai neh lơh.

I Ală Bơtau 11:7

Gen Salômôn bơt bơtào dô bă tiah jơnhoa Kemôs in la yàng ngkòr ngkàc cau Môap dê; mơ bơt yàng Molok la yàng ngkòr ngkàc cau Ammôn dê, hơđang mơnơm đah mattơngai lik Jerusalem dê.

Lebi 22:2

“Yal tĕ Arôn mơ ală kòn klau khai in pal ki ngàm di ală phan ơn sàng goh mơ cau Israel ơn Añ in, nàng bol khai rơp ò lơh ƀơ̆ sơnđan sàng goh Añ jê. Añ la Yàng Jehôwa.

Amôs 5:26

Bol mê neh tùng Sakkut bơtau bol mê dê, mơ Kaiwan yàng sơmañ bol mê dê, mơ ală rùp ràk bol mê neh lơh să tòm he in.

Ejekiel 23:37

bơh bol khai neh tìs glài rềs àr bơrnàn, mơ mhàm neh gơs di tê bol khai dê. Bol khai neh tìs glài rềs àr bơrnàn mơ ală rùp ràk bol khai dê; tian gơs bol khai neh ơn ală kòn bol khai dê lơh gơs phan sa bol gơ in, la ală kòn mơ bol khai neh tơnggơs Añ in.

Ejekiel 20:31

Tòm tŭ bol mê ơn phan ai gòi bol mê dê, ơn ală kòn klau bol mê chu tòm ồs, bol mê pơnjat lơh ƀơ̆ ƀơl să tòm bol mê dê bơh jơh ală rùp ràk bol mê dê jơl tus di ngai do. Ơ hìu Israel, Añ rơp lòi bol mê hòi lùp Añ ơ! Be Añ kis, Jehôwa Yàng Tom Trồ đơs behơ̆.

Jeremi 7:31

Bol khai neh bơt ală tiah jơnhoa Tôphet dê, tòm thòng kòn klau Hinôm dê, nàng chu kòn klau kòn ùr he tòm ồs, hơ̆ la bơta Añ òhềt sồr, la bơta Añ òhềt kơlôi sơnơng.”

II Ală Bơtau 23:10

Khai kung lơh ƀơ̆ ƀơl Tôphet tòm thòng Ben Hinôm, nàng ò gơs cau lơi chu kòn klau hala kòn ùr he tòm ồs, be dô nơm phan ơn rùp ràk Molok in tai.

II Ală Bơtau 21:6

Chu kòn klau he tòm ồs nàng duh khoai, bơtê ngui crìu, sền dà; bơtào ală cau gru bơjơu. Khai lơh bơta iơh di đap Yàng Jehôwa oă ngan, bơrcek bơta gơjrañ Kơnràñ sùm.

II Ală Bơtau 16:3

mơya khai lòt jat gùng ală cau bơtau Israel, tian gơs khai ơn kòn klau khai dê tòm ồs đòm krơh cù kìr ală làng bol mơ Yàng Jehôwa neh bơtrơh bơh di đap làng bol Israel.

Lebi 21:6

Bol khai pal gơs goh Yàng Tom Trồ bol khai in, mơ ò di lơh sơnđan Yàng Tom Trồ bol khai dê gơkòl sền òsơp.

Rôma 2:24

Be jơnau Sră Goh cih lah: Tài bơh bol mê la cau Juda mơ sơnđan Yàng Tom Trồ, gơkòl đơs tràl sơrbil digùl ală làng bol bơdìh.

Rôma 1:23

Bol khai neh tòmgơl bơta gơklŏ Yàng Tom Trồ dê ò ồm lề mơ ai rùp să jơi kòn mơnus dê òs ồm lề, hala ală sềm, ală phan poan jơng, mơ ală phan wìn nsròng dê.

II Yal Yau 28:3

mơ khai chu ală phan ơn tòm thòng kòn klau Hinôm dê, mơ sang ală kòn klau khai dê tòm ồs, jat ală bơta ngkòr ngkàc be ală lơgar mơ Yàng Jehôwa neh ting bơtrơh bơh di đap làng bol Israel.

Jeremi 32:35

Bol khai neh bơt ală tiah jơnhoa Baal in tòm thòng kòn klau Hinôm, chu kòn klau kòn ùr he tòm ồs, ơn Molok in, la bơta Añ ò tŭ lơi ai gơnoar sồr; Añ ò tŭ lơi kơlôi sơnơng lah bol khai rgơi lơh dô bơta cù kìr behơ̆ mơ lơh Juda in tìs glài.

Ejekiel 20:26

Añ lơh bol khai gơlik ƀơ̆ ƀơl bơh ală phan pà bol khai dê, bol khai ơn jơh ală kòn tơnhoa lơh gơs phan ơn duh khoai, tồ Añ tơmbềng bol khai mơ bơta rngòt rngơt, nàng bol khai git Añ la Yàng Jehôwa.

Mice 6:7

Yàng Jehôwa rơp niam nùs di rbô rhiang belàt dam hala di jơt rbô hiòng mơñà sơl ơ? Añ rơp ơn kòn tơnhoa añ jê bơh bơta tìs glài añ jê, mơ bơta kis kòn sau añ tài bơh tồi glài hwềng soàn añ jê sơl ơ?

Lebi 24:15

Đơs tĕ mơ cau Israel lah: ‘Dilah cau lơi srat sơntơm Yàng Tom Trồ khai dê, khai pal kong glài,

II Ală Bơtau 17:31

Cau Abit bơtào rùp ràk Niphas mơ Tartak; cau Sepharbaim chu kòn sau he tòm ồs ơn Adrammelek mơ Anammelek in, bàr nă yàng cau Sepharbaim dê.

Amôs 2:7

Bol khai jă jơng hơđang bồ cau rƀah lơòi tus di thul tòm ù, mơ chồl tơlo cau gơkòl jê sồt bơh di gùng song ring. Bèp mơ kòn bic mơ mìng dô nă cau ơruh, behơ̆ gen sơnđan sàng goh Añ jê neh gơkòl đơs tràl sơrbil.