Lebi 16:7 - Sră Goh 2018

⁷ Lồc behơ̆ khai pal ai bàr nơm be dam mơ cèng bol gơ tus di đap Yàng Jehôwa di tiah mpồng mut Sàl Tòm Mat dê.

Lebi 16:7 Referans Kwoze

Rôma 12:1

Behơ̆, ơ oh mi, añ ai ală bơta kòñ nđàc Yàng Tom Trồ dê nàng bơto tơngkah oh mi ơn tĕ să jan he lơh gơs phan ơn duh khoai kis mơ sàng goh, niam nùs Yàng Tom Trồ, hơ̆ la bơta duh khoai di ngan oh mi dê.

Mathiơ 16:21

Bơh tŭ hơ̆, Yàng Jesu sơntòm yal ală cau bơtê in git Kơnràñ pal lòt tus hơ Jerusalem, pal kong oă bơta jê sồt bòl glar bơh ală cau kwang kra, ală cau gơnoar lam bồ ơn phan duh khoai, ală cau bơto bơta boh lam, mơ pal kong tơnchơt, tus dê ngai pe gen geh kis wơl.

Lebi 4:4

Khai pal cèng kơnrồ tus di tiah mut Sàl Tòm Mat di đap Yàng Jehôwa. Khai pal ơn tê hơđang gơ mơ tơnchơt gơ di đap Yàng Jehôwa.

Lebi 1:3

Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.

Lebi 16:6

Arôn pal ơn kơnrồ dam lơh gơs phan ơn tơwài glài nàng tơwài glài să tòm khai mơ hìu nhă khai in.

Lebi 16:8

Arôn rơp tă khà sac rwah digùl bàr nơm be, dô khà gơrê mơ Yàng Jehôwa, dô khà ne gơrê mơ Ajajel.