Lebi 16:3 - Sră Goh 2018

³ Do la bơta mơ Arôn pal lơh jat tồ geh mut tòm Tiah Sàng Goh Ngan: khai pal cèng dô nơm kơnrồ dam gam dềt lơh gơs phan ơn tơwài glài mơ dô nơm belàt dam lơh gơs phan ơn chu pơrguc.

Lebi 16:3 Referans Kwoze

Lebi 4:3

Dilah la cau gơnoar ơn phan duh khoai neh geh bong mơñà mơ tìs glài, cèng bơta tồi glài hơ̆ hơđang làng bol in, gen khai pal cèng Yàng Jehôwa in dô nơm kơnrồ dam gam dềt ò gơs tềl sồt lơh gơs phan ơn duh khoai tơwài glài mơ khai neh tìs.

Hebrơ 9:7

mơya pơnah đah dơlam, gen mìng cau gơnoar dờng lam bồ ơn phan duh khoai mut tòm hơ̆ dô nam dô dơ̆ lơm, mơ pal cèng mhàm la mhàm pal ơn tơwài glài să tòm khai in mơ bơh tồi glài làng bol dê sơl.

Lebi 8:18

Lồc behơ̆, khai cèng tus belàt dam phan ơn chu pơrguc dê, Arôn mơ ală kòn klau khai dê ơn tê hơđang bồ gơ.

Lebi 1:10

Dilah phan ơn duh khoai la dô nơm phan ơn chu pơrguc bơh di mpồl belàt, la belàt hala ală be, gen khai pal ơn dô nơm belàt hala be dam ò gơs tềl sồt rmàñ.

Hebrơ 9:12

Kơnràñ kung ò ngui mhàm ală be dam mơ kơnrồ kòn dê, mơya ngui mhàm să tòm Kơnràñ dê mơ lòt tus hơ tiah sàng goh ngan dô dơ̆ tơl rau, lơh gơs bơta tơwài glài gam sùm sùm.

Lebi 9:3

Lồc behơ̆ đơs mơ cau Israel lah: ‘Ai tĕ dô nơm be dam nàng lơh gơs phan ơn tơwài glài, dô nơm kơnrồ kòn mơ dô nơm belàt, jơh bàr nơm pal gơs dô nam mơ ò gơs tềl sồt, nàng lơh gơs dô nơm phan ơn chu pơrguc,

Lebi 8:14

Gen khai cèng tus kơnrồ dam phan ơn tơwài glài, gen Arôn mơ ală kòn klau khai dê ơn tê bol khai dê hơđang bồ gơ.

Lebi 1:3

Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.

Lebi 4:1

Yàng Jehôwa đơs mơ Môise:

Lebi 16:6

Arôn pal ơn kơnrồ dam lơh gơs phan ơn tơwài glài nàng tơwài glài să tòm khai mơ hìu nhă khai in.

Lebi 9:2

Khai đơs mơ Arôn lah: “Bi kup tĕ dô nơm kơnrồ kòn dam nàng lơh gơs phan ơn tơwài glài bi dê mơ dô nơm belàt dam nàng lơh gơs phan ơn chu pơrguc, jơh bàr nơm pal ò tềl sồt, mơ cèng bol gơ tus di đap Yàng Jehôwa.