Lebi 16:21 - Sră Goh 2018

²¹ Khai pal ơn bàr đah tê hơđang bồ be gam kis hơ̆ mơ yal tơlik hơđang gơ jơh ală bơta iơh bơsak mơ tòmdră cau Israel dê, hơ̆ la jơh ală bơta tồi glài bol khai dê, mơ ơn ală bơta tồi glài hơ̆ hơđang bồ be. Khai rơp sồr dô nă cau klau neh geh pồ bơtào lam behơ̆ tus hơ ƀlàng bràs.

Lebi 16:21 Referans Kwoze

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Esai 53:6

Bol he jơh tơl nă kung be belàt lòt tìs nrah, kòp nă neh lòt jat gùng is he dê; mơ Yàng Jehôwa neh ơn tồi glài jơh tơl nă bol he dê hơđang Kơnràñ.

Đơs Crih 51:3

Tài bơh añ git ală bơta tìs glài añ jê, Tồi glài añ jê gơ ơm sùm di đap añ.

Ejra 10:1

Tòm tŭ Ejra hòi dan mơ yal glài, ñìm rac mơ tơmbic să di đap hìu Yàng Tom Trồ dê, gơs dô mpồl gal ngan cau Israel, cau klau, cau ùr mơ cau kơnòm dềt, pơjum bal gùt dar khai, bol khai kung ñìm rac sràt bơtang ngan.

Rôma 10:10

Bơh cau lơi ai nùs dòn gen geh bơta song ring, cau lơi ai bơr yal tơlik gen geh bơta dong klàs.

Jơnau Pơnđik 28:13

Cau lơi pồn prap tồi glài he rơp ò geh bơtoah; mơya cau lơi yal tơlik gơ mơ sang lòi gơ gen rơp geh nđàc sơngit.

Đơs Crih 32:5

Añ neh yal tơlik glài añ jê Yàng in, ò pồn bơta tồi glài iơh bơsak añ jê; Añ đơs lah: “Añ rơp yal ală bơta tìs glài añ jê Yàng Jehôwa in,” Gen Yàng neh toh bơta tồi glài añ jê.

Lebi 26:40

Mơya dilah bol khai rơp yal ală bơta tồi glài bol khai dê mơ ală bơta tồi glài ală ồng pàng bol khai dê, hơ̆ la bơta neh tòmdră mơ Añ mơ ală bơta neh sò tơm di Añ,

Lik Ejiptơ 29:10

Tề tĕ kơnrồ dam tus di đap Sàl Tòm Mat, Arôn mơ ală kòn klau khai dê rơp ơn tê hơđang bồ gơ.

Lebi 5:5

Tòm tŭ cau lơi neh tìs glài tòm ală gùng behơ̆, khai pal yal glài khai neh tìs,

Lebi 1:4

Khai pal ơn tê khai dê di bồ phan ơn chu pơrguc hơ̆, gen gơ rơp geh dòp ala khai nàng tơwài glài khai in.

Lebi 16:20

Tòm tŭ Arôn neh sir lơh bơta tơwài glài Tiah Sàng Goh Ngan, Sàl Tòm Mat mơ cơnòng duh khoai in rau gen khai cèng tus dô nơm be gam kis.

Lebi 16:22

Be rơp àñ hơđang să tòm gơ jơh ală bơta tồi glài tus hơ dô bă tiah ngềt ngơt; mơ cau hơ̆ rơp hồ toh gơtòm ƀlàng bràs.