Lebi 16:13 - Sră Goh 2018

¹³ Khai pal ơn kơlhô hơđang ồs di đap Yàng Jehôwa mơ ñhŭ kơlhô rơp jơm gòm bơnap bơta tơwài glài hơđang Đài Bơta Ho Bal tồ khai in klàs chơt.

Lebi 16:13 Referans Kwoze

Lik Ejiptơ 25:21

Ơn tĕ bơnap bơta nđàc hơđang đài, mơ ơn tòm dơlam đài Bơta Cơng Tàng mơ Añ rơp ai mê in.

Lik Ejiptơ 30:1

Lơh tĕ dô nơm cơnòng mơ chi sitim nàng chu kơlhô.

Hebrơ 9:24

Bơh Bơtau Krist ò di mut tòm tiah sàng goh bơh tê kòn mơnus lơh gơs, la tiah jat rnoas tiah sàng goh ngan, mơya mut hơđang trồ, mơ tŭ do Kơnràñ bơh bol he mơ tơlik mat di đap Yàng Tom Trồ.

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.

Khà Làng Bol 16:46

Gen Môise đơs mơ Arôn lah: “Ai tĕ gri ơn kơlhô bi dê mơ ơn kơlhô tòm hơ̆ bal mơ ồs bơh di cơnòng ơn phan duh khoai, mơ mhar mhar tus hơ mpồl jơnum nàng lơh bơta tơwài glài bol khai in. Bơta gơjrañ dờng neh gơlik tus bơh di Yàng Jehôwa; bơta pluh plàng neh gơ rơp sơntòm rau.”

Khà Làng Bol 16:18

Behơ̆ kòp nă bol khai ai gri ơn kơlhô khai dê, ơn ồs mơ kơlhô tòm hơ̆, mơ ntào bal mơ Môise mơ Arôn di mpồng mut Sàl Tòm Mat dê.

Khà Làng Bol 16:7

mơ ngai hìng ơn ồs mơ kơlhô tòm gri di đap Yàng Jehôwa. Cau mơ Yàng Jehôwa sac rwah rơp la cau sàng goh. Bol mê, cau Lebi neh lòt sơrlèt ngài rlau ir!”

Lebi 22:9

Bol khai pal prap gàr ală jơnau Añ sồr, tồ bol khai ò gơkòl tìs glài mơ chơt bơh neh sền òsơp di ală phan sàng goh hơ̆. Añ la Yàng Jehôwa, la Bơtau lơh bol khai in gơs sàng goh.

Lik Ejiptơ 28:43

Arôn mơ ală kòn klau khai dê pal soh srồmpha hơ̆ tŭ lơi bol khai mut tòm Sàl Tòm Mat hala tus rềp di cơnòng duh khoai nàng duh broă tòm Tiah Sàng Goh, tồ bol khai ò tìs glài mơ klàs chơt. Hơ̆ la dô bơta sồr lam gam sùm sùm Arôn mơ kòn sau khai dê.

Khà Làng Bol 4:15

Tơnơ̆ mơ tŭ Arôn mơ ală kòn klau khai dê neh sir jơm tiah sàng goh mơ ală phan ngui sàng goh sir rau, tŭ hơ̆ sàl ơm neh rcang sir nàng tă cèng, ală cau Kôhat pal tus nàng tùng ală phan do. Mơya bol khai ò di ƀư ală phan sàng goh rngòt bol khai pal kong chơt mòn. Ală cau Kôhat pal tùng ală phan tòm Sàl Tòm Mat.

Khà Làng Bol 4:20

Mơya cau Kôhat ò geh mut tòm dơlam nàng sền gŏ ală phan sàng goh, bulah la mìng sền gŏ tòm dô ơthoa lơm, lơh behơ̆ gen bol khai rơp chơt.”

Yal Wơl 33:10

Khai bơto ală jơnau sồr Kơnràñ dê Jakôp in mơ bơto bơta boh lam Kơnràñ dê Israel in; khai chu kơlhô di đap Kơnràñ, mơ ơn wil tơl ală phan ơn duh khoai chu pơrguc hơđang cơnòng ơn phan duh khoai Kơnràñ dê.