Lebi 14:10 - Sră Goh 2018

¹⁰ Tòm ngai dơ̆ phàm, khai pal cèng tus bàr nơm belàt dam gam dềt, mơ dô nơm belàt me tơl dô nam, kòp nơm pal ò gơs tềl sồt, bal mơ pe pơnah jơt epha kơmbuh phe rhền bơcă bal mơ mơñà nàng lơh gơs phan ơn mơ kòi mbo, mơ dô lok mơñà.

Lebi 14:10 Referans Kwoze

Lebi 2:1

Tòm tŭ gơs cau lơi cèng ơn Yàng Jehôwa in dô nơm phan ơn mơ kòi mbo, gen phan ơn khai dê pal geh sac la kơmbuh phe rhền. Khai pal tuh mơñà hơđang gơ, ơn kơlhô hơđang gơ.

Luka 5:14

Kơnràñ sồr khai lah: “Bañ yal mơ cau lơi, mơya lòt tĕ sơnio să mơ cau gơnoar ơn phan duh khoai; bơh mê neh geh goh, gen ơn tĕ phan be Môise neh sồr, nàng lơh cơng bol khai in.”

Jơnau Niam Jat Mak 1:44

“Bañ yal jơnau hơ̆ mơ cau lơi, mơya lòt tĕ sơnio să mê mơ cau gơnoar ơn phan duh khoai; mơ bơh mê neh geh goh, gen ơn tĕ phan be Môise neh sồr nàng lơh cơng bol khai in.”

Mathiơ 8:4

Yàng Jesu đơs tai mơ khai lah: “Bañ yal mơ cau lơi, mơya lòt tĕ sơnio să mê mơ cau gơnoar ơn phan duh khoai, mơ ơn phan be Môise neh sồr nàng lơh cơng bol khai in.”

Lebi 14:21

Bulah behơ̆, dilah cau hơ̆ rƀah mơ ò rgơi gơs ală phan hơ̆, khai pal cèng dô nơm belàt dam lơh gơs phan ơn tơwài glài bơta gơtup tìs ơn tơyài ma kiau nàng lơh gơs bơta tơwài glài khai in, bal mơ dô pơnah jơt epha kơmbuh phe rhền bơcă bal mơ mơñà nàng lơh gơs phan ơn mơ kòi mbo, dô pơnah pe lit mơñà,

Lebi 14:15

Gen cau gơnoar ơn phan duh khoai rơp ai dô pơnah pe lit mơñà, tuh gơtòm mpàng tê đah kiau să tòm khai dê,

Lebi 14:12

Gen cau gơnoar ơn phan duh khoai pal ai dô nơm tòm bàr nơm belàt kòn mơ ơn gơlơh gơs phan ơn tơwài glài, bal mơ dô pơnah pe lit mơñà; khai pal tơyài ală phan hơ̆ di đap Yàng Jehôwa lơh gơs dô nơm phan ơn tơyài.

I Pier 1:19

mơya bơh mhàm màng Bơtau Krist dê, kung be mhàm belàt kòn dê ò sồt rmàñ, ò tềl ƀơ̆.

Jang 6:51

Añ la piang lă kis bơh đang trồ mù, dilah cau lơi sa piang lă hơ̆, gen rơp kis gam sùm sùm, mơ piang lă Añ rơp ai, tài bơh bơta kis dunnia dê, hơ̆ la poac Añ.”

Jang 6:33

Bơh piang lă Yàng Tom Trồ dê la piang lă bơh đang trồ mù mơ ai bơta kis dunnia in.”

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Khà Làng Bol 28:20

Bal mơ kòp nơm kơnrồ dam pal rcang gơs dô nơm phan ơn mơ kòi mbo la pe pơnah jơt epha kơmbuh phe rhền bơcă bal mơ mơñà; bal mơ belàt dam gen pal gơs bàr pơnah jơt epha,

Khà Làng Bol 6:14

Tềng hơ̆ khai rơp ơn ală phan ơn khai dê Yàng Jehôwa in: dô nơm belàt dam dô nam ò tềl sồt lơh gơs phan ơn chu pơrguc, dô nơm belàt dam ò tềl sồt lơh gơs phan ơn tơwài glài, dô nơm belàt dam lơh gơs phan ơn bơta ring lơngai dê,

Lebi 23:13

bal mơ phan ơn mơ kòi mbo gơ dê la bàr pơnah jơt epha kơmbuh phe rhền bơcă bal mơ mơñà lơh gơs dô nơm phan ơn chu tòm ồs gơs ƀô bơlhu niam ơn Yàng Jehôwa in, mơ phan ơn pơdơng ñô dô lit tơrnòm ño.

Lebi 9:1

Tòm ngai phàm Môise hòi Arôn mơ ală kòn klau khai dê tus bal mơ ală cau kwang kra Israel dê.

Lebi 4:32

Dilah khai cèng dô nơm belàt lơh gơs phan ơn tơwài glài gen khai pal cèng dô nơm belàt dra ò tềl sồt.

Lebi 2:13

Tĕ bơtơl boh di jơh ală phan ơn mơ kòi mbo bol mê dê. Tài bơh boh la tềl sơnio bơta ho bal digùl Yàng Tom Trồ mơ bol mê. Bol mê pal ơn tĕ boh di jơh ală phan ơn bol mê dê.

Lebi 2:11

Kòp nơm phan ơn mơ kòi mbo mơ bol mê cèng ơn Yàng Jehôwa in pal la phan ơn ò gơs kañ, bơh bol mê ò di chu kañ hala dà lơwe tòm dô nơm phan ơn chu mơ ồs ơn Yàng Jehôwa in.

Lebi 1:10

Dilah phan ơn duh khoai la dô nơm phan ơn chu pơrguc bơh di mpồl belàt, la belàt hala ală be, gen khai pal ơn dô nơm belàt hala be dam ò gơs tềl sồt rmàñ.

Lik Ejiptơ 29:40

Bal mơ belàt sơnròp gen ơn tĕ dùl kơr kơmbuh rhền kòi mi bơcă bal mơ dùl lit mơñà ôlibe bơh di mpal pat mơñà, mơ dùl lit tơrnòm ño nàng lơh gơs phan ơn ñô.

Lebi 14:11

Cau gơnoar ơn phan duh khoai la cau rơp yal tơlik cau hơ̆ la goh pal lam cau geh goh bal mơ ală phan ơn cau hơ̆ dê tus di đap Yàng Jehôwa di tiah mut Sàl Tòm Mat dê.

Khà Làng Bol 7:43

Phan ơn duh khoai khai dê la dô nơm prềng priă kơnjơ̆ dô rhiang pe jơt sieklơ, mơ dô nơm jơrlŭ priă ơn dà rsìh kơnjơ̆ poh jơt sieklơ, jơh bàr nơm kơr jat sieklơ tiah sàng goh dê, kòp nơm ơn bềng kơmbuh phe rhền bơcă bal mơ mơñà lơh gơs dô nơm phan ơn duh khoai mơ kòi mbo;

Lebi 1:3

Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.