Lebi 13:40 - Sră Goh 2018

⁴⁰ Tòm tŭ dô nă cau gơjrùh sŏ mơ lòl bồ, khai geh goh.

Lebi 13:40 Referans Kwoze

Galati 4:13

Oh mi git lah tòm tŭ poac să añ kòp jê mơ añ neh bơto yal Jơnau Niam oh mi in dơ̆ sơnròp,

Rôma 8:10

Behơ̆ dilah Bơtau Krist ơm tòm oh mi, gen să jan chơt tài bơh tồi glài, ai hwềng nùs kis bơh bơta song ring.

Rôma 6:19

Añ đơs jat be kòn mơnus đơs, bơh đah poac să oh mi dê la lơbơn lơño. Be oh mi neh ơn să jan he lơh gơs dĭ gơna bơta ngkòr ngkàc mơ bơta tồi glài iơh bơsak be lơi, gen tŭ do ơn tĕ să jan he lơh gơs dĭ gơna bơta song ring in, nàng lơh gơs bơta gơlik gơs sàng goh kung behơ̆ sơl.

Rôma 6:12

Behơ̆ bañ lòi tồi glài in at bồ tòm să jan òs chơt oh mi dê, mơ lơh oh mi in jat bơta hàm kòñ is gơ dê,

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Esai 15:2

Cau Dibôn lòt tus hơ bơmồng nàng duh khoai, guh hơđang ală tiah jơnhoa nàng ñìm. Cau Môap ñìm rac pơt wòl bơh Debô mơ Medeba. Kòp nơm bồ neh kơlờl, mơ kòp nơm sơnò tềp neh koah.

Đơs Chò 5:11

Bồ khai mơ màh goh ngan, sŏ khai rkồn be ryà dà, mơ jù be kơnđà.

II Ală Bơtau 2:23

Bơh tềng hơ̆, Elise guh tus hơ Betel; mơ tòm tŭ khai gam lòt rò gùng, gơs ală cau kơnòm klau lik bơh ƀòn dờng bơrsèl tơnhial khai, lah: “Lòt ngài tĕ ơ cau lòl bồ! Lòt ngài tĕ ơ cau lòl bồ!”

Lebi 13:41

Dilah khai jrùh sŏ mơ lòl bồ di đap bìng liang, gen khai geh goh.

Lebi 13:39

gen cau gơnoar ơn phan duh khoai pal sền sơwì ală tiah hơ̆, mơ dilah ală tiah bò hơ̆ la ò bò ngan gen hơ̆ la dô bă tiah kiat gòi lơm, gơ ò sa rì tòm gơltau; cau hơ̆ la goh.