Lebi 12:7 - Sră Goh 2018

⁷ Khai pal ơn ală phan hơ̆ di đap Yàng Jehôwa nàng lơh gơs phan ơn tơwài glài khai in, lồc behơ̆ khai geh goh jat bơta sồr lam duh khoai bơh di bơta gơlik să khai dê. Hơ̆ la ală bơta boh lam bơh dô nă cau ùr deh kòn klau hala kòn ùr.

Lebi 12:7 Referans Kwoze

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

I Kôrintô 7:14

Bơh bau klau ò dòn Yàng, gen kơnòm di bau ùr mơ geh sàng goh; mơ bau ùr ò dòn Yàng, gen kơnòm di bau klau mơ geh sàng goh; dilah ò behơ̆ gen kòn oh mi dê ò gơrê bal mơ Yàng, mơya tŭ do gơrê bal mơ Yàng.

Rôma 3:26

Mơya tŭ do Kơnràñ kung neh ràng tơlik să tòm Kơnràñ la bơta song ring, mơ kòp la song ring cau lơi in dòn di Yàng Jesu.

Rôma 3:23

bơh jơh tơl nă neh tìs glài, siơ̆u roh bơta gơklŏ Yàng Tom Trồ dê;

Sră Jop 14:4

Ñcau rgơi cèng dô nơm phan sàng goh lik bơh dô nơm phan ò sàng goh sơl ơ? Ò gơs dô nă cau lơi rgơi lơh!

Sră Jop 1:5

Tòm tŭ ală ngai ñô sa hơ̆ neh tơl wềr bol khai dê rau, Jop sồr cau lòt rcang nàng lơh sàng goh bol khai in, khai guh gòñ bơh àng drim, mơ ơn ală phan chu duh khoai jat be khà jơh ală kòn khai dê, bơh Jop neh đơs lah: “Digơlan ală kòn añ jê neh tìs glài, mơ tòm nùs bol khai srat rma di Yàng Tom Trồ mòn!” Hơ̆ la bơta Jop òs lơh behơ̆ sùm.

Lebi 4:35

Khai pal tă jơh dơngi tòm toh kung be khai neh tă bơh di belàt phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai hơđang ală phan ơn chu pơrguc ơn Yàng Jehôwa in. Lơh behơ̆, gen cau gơnoar ơn phan duh khoai rơp lơh gơs bơta tơwài glài cau hơ̆ in bơh tồi glài khai neh tìs, mơ khai rơp geh toh glài.”

Lebi 4:31

Khai pal tă jơh dơngi tòm toh kung be khai neh tă bơh di phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai lơh gơs phan ƀô bơlhu niam nùs Yàng Jehôwa. Lơh behơ̆, gen cau gơnoar ơn phan duh khoai rơp lơh bơta tơwài glài cau hơ̆ in, mơ khai rơp geh toh glài.

Lebi 4:26

Khai kung rơp chu jơh dơngi hơđang cơnòng duh khoai kung be khai neh chu dơngi phan ơn duh khoai bơta ring lơngai dê. Lơh behơ̆ gen cau gơnoar ơn phan duh khoai rơp lơh bơta tơwài glài cau tìs glài in, mơ khai rơp geh toh glài.

Lebi 4:20

mơ lơh di kơnrồ dam do tòm toh kung be khai neh lơh di kơnrồ lơh gơs phan ơn tơwài glài. Lơh behơ̆, gen cau gơnoar ơn phan duh khoai rơp lơh gơs bơta tơwài glài bol khai in, mơ bol khai rơp geh toh glài.

Lebi 1:4

Khai pal ơn tê khai dê di bồ phan ơn chu pơrguc hơ̆, gen gơ rơp geh dòp ala khai nàng tơwài glài khai in.

Lebi 12:6

Tòm tŭ ală ngai lơh goh khai dê bơh kòn klau hala kòn ùr neh tơl, khai pal cèng tus hơ cau gơnoar ơn phan duh khoai di tiah mut Sàl Tòm Mat dô nơm belàt kòn neh gơs dô nam nàng lơh gơs phan ơn chu pơrguc mơ dô nơm kòn sềm ntòp hui hala dô nơm sềm ntòp nàng lơh gơs phan ơn tơwài glài.

Lebi 12:8

Dilah khai ò rgơi gơs dô nơm belàt kòn gen khai rgơi cèng tus dô yô kòn sềm ntòp hui, dô nơm lơh gơs phan ơn chu pơrguc mơ dô nơm ne lơh gơs phan ơn tơwài glài; gen cau gơnoar ơn phan duh khoai rơp lơh bơta tơwài glài cau ùr hơ̆ in, mơ khai rơp geh goh.’”

Lebi 15:15

Cau gơnoar ơn phan duh khoai pal ơn bol gơ, dô nơm lơh gơs phan ơn tơwài glài mơ dô nơm ne lơh gơs phan ơn chu pơrguc. Lơh behơ̆, gen khai lơh gơs bơta tơwài glài di đap Yàng Jehôwa cau hơ̆ in tài bơh bơta gơhòr lik bơh di să khai.