Lebi 10:17 - Sră Goh 2018

¹⁷ “Ñchi bơh tài bol mê ò sa phan ơn tơwài glài tòm tiah gơrê bal mơ hìu duh khoai taih? Hơ̆ la phan sàng goh rlau jơh; gơ neh geh ai bol mê in nàng tă sang bơta tồi glài mpồl jơnum dê kơnòm di phan ơn tơwài glài bol khai in di đap Yàng Jehôwa.

Lebi 10:17 Referans Kwoze

Khà Làng Bol 18:1

Yàng Jehôwa đơs mơ Arôn lah: “Mê, ală kòn klau mê dê mơ hìu nhă bèp mê gơs broă tòmbơh ală bơta tìs glài gơwèt mơ Tiah Sàng Goh, mơya mìng mê mơ ală kòn klau mê dê lơm pal kong broă tòmbơh ală bơta tìs glài gơwèt mơ gơnoar broă ơn phan duh khoai.

Lik Ejiptơ 28:38

Gơ rơp ơm di bìng liang Arôn dê, mơ khai rơp àñ bơta tồi glài cau Israel dê tòm tŭ bol khai ơn ală phan ơn tơwài glài, ò git la phan lơi. Gơ rơp ơm sùm di bìng liang Arôn dê nàng bol khai geh Yàng Jehôwa dòp rò.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Lebi 22:16

bơh sa ală phan ơn sàng goh neh lơh bol khai in gơkòl glài mơ pal tơm wơl ală phan hơ̆. Añ la Yàng Jehôwa, la Bơtau lơh bol khai in gơs sàng goh.’”

Lebi 16:22

Be rơp àñ hơđang să tòm gơ jơh ală bơta tồi glài tus hơ dô bă tiah ngềt ngơt; mơ cau hơ̆ rơp hồ toh gơtòm ƀlàng bràs.

Lik Ejiptơ 28:43

Arôn mơ ală kòn klau khai dê pal soh srồmpha hơ̆ tŭ lơi bol khai mut tòm Sàl Tòm Mat hala tus rềp di cơnòng duh khoai nàng duh broă tòm Tiah Sàng Goh, tồ bol khai ò tìs glài mơ klàs chơt. Hơ̆ la dô bơta sồr lam gam sùm sùm Arôn mơ kòn sau khai dê.

Lebi 21:22

Khai rgơi sa phan sa sàng goh rlau jơh Yàng Tom Trồ khai dê, kung rgơi sa phan sa sàng goh;