Kôlôse 4:2 - Sră Goh 2018

² Kơ̆ nùs tĕ tòm bơta hòi dan, ai bơta ưnngài mơ drơng kơp tòm broă hơ̆.

Kôlôse 4:2 Referans Kwoze

Philip 4:6

Bañ kơlôi rcang bơh bơta lơi, mơya tòm jơh ală bơta ai tĕ jơnau hòi dan, rac dan, mơ bơta ưnngài mơ yal tơlik ală bơta kòñ dan he dê Yàng Tom Trồ in git.

Ephesô 6:18

Jơh nùs tĕ hòi dan mơ rac dan; tŭ lơi kung hòi dan tĕ kơnòm di Yàng Hwềng; bơh bơta hơ̆ drơng kơp tĕ, kơ̆ nùs wền dơngoh tòm jơh ală bơta mơ hòi dan jơh ală cau sàng goh in.

Rôma 12:12

Hòn chò tĕ tòm bơta gơn kơnòm, ơt ơl tĕ tòm bơta rung rài, kơ̆ nùs tĕ tòm bơta hòi dan.

Mathiơ 26:41

Drơng kơp tĕ mơ hòi dan, nàng bol mê ò gơtơmut tòm bơta ơniai; Hwềng nùs kòñ ngan mơya poac să lơbơn lơño.”

Luka 18:1

Yàng Jesu yal cau bơtê in dô jơnau pơnyơu, nàng bơto bol khai pal hòi dan sùm, bañ tŭ lơi gơplơ̆ nùs.

Luka 21:36

Behơ̆ bol mê pal drơng kơp tĕ mơ hòi dan sùm, tồ bol mê in gơs tơl pràn nàng lik klàs bơh di ală bơta pal tus hơ̆ mơ ntào di đap Kòn Mơnus.”

Đơs Crih 109:4

Bol khai yă añ gơwèt mơ bơta kòñ gơboh añ jê, tian gơs tòm tŭ añ hòi dan bol khai in.

I Pier 4:7

Bơta lồi dut jơh ală phan neh rềp rau, behơ̆ ngac mat tĕ, mơ drơng kơp tòm bơta hòi dan.

Kôlôse 1:9

Tài bơh hơ̆, bơh ngai bol hi kơno jơnau hơ̆, gen kung bơh oh mi mơ hòi dan ò dơh, dan oh mi in geh bềng lìu bơta git wă nùs kòñ Yàng Tom Trồ dê tòm jơh ală bơta jak chài mơ bơta git loh đah hwềng,

Jơnau Niam Jat Mak 13:33

Kơrhia, mơ drơng kơp tĕ, bơh bol mê ò git tŭ tơngai hơ̆ la tŭ lơi.

Kôlôse 3:17

Dilah oh mi lơh bơta lơi, bulah jơnau đơs hala broă lơh, ai tĕ sơnđan Yàng Jesu mơ lơh jơh ală bơta, kơnòm di Kơnràñ mơ ưnngài Yàng Tom Trồ la Bèp.

Kôlôse 2:7

Ơm kơ̆ tĕ be chi sro ryas mơ bơt bơtào tĕ tòm Kơnràñ, kơ̆ nền tòm bơta dòn, jat be oh mi neh geh bơto, kung tơngkah tơngkañ tĕ tòm bơta ưnngài.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

I Samuel 12:23

Ai añ gen añ rơp ò tŭ lơi tìs glài tòmdră mơ Yàng Jehôwa mơ ò hòi dan bol mê in. Mơ añ rơp bơto bol mê in git gùng niam mơ song.

Kôlôse 3:15

Lòi tĕ bơta lơngap lơngai Bơtau Krist dê at bồ tòm nùs oh mi, la bơta lơngap lơngai mơ oh mi neh geh hòi tus tòm dô nơm să jan; kung gơs tĕ nùs ưnngài.

Sră Jop 15:4

Mơya ồng sang lòi bơta duh rngòt di Yàng Tom Trồ, Mơ kơryan bơta dòn duh di đap Yàng Tom Trồ.

Broă 1:14

Jơh ală cau hơ̆ gơs dô nùs bal hòi dan sùm mơ ală cau ùr, mơ Mari la mè Yàng Jesu bal mơ ală oh Kơnràñ dê sơl.

I Samuel 1:12

Tòm tŭ khai ơm hòi dan mơ Yàng Jehôwa, Heli sền sơwì bơr khai dê.