Kôlôse 3:11 - Sră Goh 2018

¹¹ Tềng do ò tai gơs cau Grek, cau Juda, cau siat gơltau hala cau ò siat gơltau, cau ò git jơnau, cau Sithe, cau dĭ gơna hala cau khat gơboh, mơya Bơtau Krist la jơh ală bơta mơ tòm jơh ală bơta.

Kôlôse 3:11 Referans Kwoze

I Kôrintô 12:13

Bulah bol he la cau Juda hala cau làng bol bơdìh, hala dĭ gơna hala cau geh khat gơboh, jơh ală bol he neh gơs ƀaptem tòm dô nă Yàng Hwềng nàng gơlik gơs dô nơm să jan; jơh ală bol he neh geh hùc bơh dô nă Yàng Hwềng lơm.

Rôma 10:12

Bơh digùl cau Juda mơ cau Grek ò gơs bơta lơi cah is, bơh Yàng la Yàng jơh tơl nă cau in, Kơnràñ ai pà tơngkah tơngkañ kòp nă cau hòi dan di Kơnràñ.

Ephesô 3:6

Bơta ndơp ndơr hơ̆ la làng bol bơdìh kơnòm di Jơnau Niam geh pơnah bal mơ cau Juda tòm bơta lơngai Yàng Tom Trồ dê; bol khai la ală cau tòm dô nơm să jan bal mơ pơrdòn bơta ho bal Yàng Tom Trồ neh lơh gơs tòm Yàng Krist Jesu.

Ephesô 1:23

Hìu Jum Goh la să jan Kơnràñ dê, tòm hơ̆ gơs bơta lìu làc Bơtau Krist dê, la Bơtau gơs bơta bềng tơl tòm jơh ală bơta.

Rôma 3:29

Hala Yàng Tom Trồ mìng la Yàng Tom Trồ làng bol Juda dê lơm ơ? Kung ò di la Yàng Tom Trồ làng bol bơdìh dê sơl ò ơ? Ơi, ngan behơ̆.

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

Jang 17:23

Añ ơm tòm bol khai mơ Bèp ơm tòm Añ nàng bol khai in gơs dô bă bal wil tơl, tồ dunnia in git lah Bèp neh sồr Añ lòt tus, mơ Bèp neh kòñ gơboh di bol khai kung be Bèp kòñ gơboh di Añ sơl.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

I Kôrintô 7:19

Bơta siat gơltau hala ò siat gơltau ò di la dờng màng; bơta dờng màng la prap gàr ală bơta sồr lam Yàng Tom Trồ dê.

Broă 15:17

Tồ ală cau gam wơl in, Bal mơ jơh làng bol Bơdìh geh hòi mơ sơnđan Añ, rơp jòi jat Añ. Yàng, la Bơtau neh yal loh broă do bơh rài yau đơs behơ̆.

Esai 52:10

Yàng Jehôwa rơp ràng tơlik tơwòr tê sàng goh Kơnràñ dê di đap mat jơh ală lơgar; mơ jơh ală tiah lồi dut plai ù rơp gŏ bơta dong klàs Yàng Tom Trồ bol he dê.

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Sacari 2:11

Tòm ngai hơ̆, oă làng bol rơp pơjum wơl mơ Yàng Jehôwa mơ rơp gơlik gơs làng bol Añ jê. Añ rơp ơm digùl bol mê. Mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus hơ bol mê.

Amôs 9:12

Tian gơs bol khai rơp dòp geh làng bol gam wơl Edôm dê mơ jơh ală lơgar geh tơmoh bơh sơnđan Añ,” Yàng Jehôwa la Bơtau rơp lơh ală bơta do đơs behơ̆.

Mice 4:2

Oă lơgar rơp tus mơ đơs lah: “Tus tĕ, bol he guh tĕ hơ mơnơm Yàng Jehôwa dê, tus hơ hìu Yàng Tom Trồ Jakôp dê. Kơnràñ rơp bơto bol he ală gùng dà Kơnràñ dê, nàng bol he lòt tòm ală gùng Kơnràñ dê.” Jơnau nting sồr rơp lik bơh Siôn, mơ jơnau đơs Yàng Jehôwa dê tus bơh Jerusalem.

Kôlôse 2:10

Oh mi kung geh bềng tơl tòm Kơnràñ, la Bơtau lam bồ jơh ală gơnoar at bồ, mơ jơh ală gơnoar.

Rôma 1:14

Añ kòl dồs mơ ală cau Grek mơ ală cau ò git jơnau, kòl dồs mơ ală cau jak chài mơ ală cau tùl gơla.

Jang 15:5

Añ la tòm ño, bol mê la ntê. Cau lơi ơm sùm tòm Añ mơ Añ ơm sùm tòm khai gen gơlik oă ngan plai, bơh ơm bơdìh Añ, gen bol mê ò rgơi lơh bơta lơi ò.

Broă 28:4

Cau ơm tòm tiah hơ̆ gŏ bơs gơyồng lùi pùi di tê khai, gen đơs bal mơ gơp lah: “Ngan cau do la cau tơnchơt cau, gen tàng bulah neh geh dong klàs bơh dàlềng rau, mơya bơta song ring ò bài lòi khai in kis.”

Broă 28:2

Cau ơm tòm tiah hơ̆ wă rò bol hi dô bă sơrmah sơrmài ngan, tài bơh trồ gam mìu mơ noat mrềt ngan, gen tàng jơh tơl nă tus rềp di gơnru ồs dờng neh sing.

Jang 14:23

Yàng Jesu ho lah: “Dilah cau lơi kòñ gơboh di Añ, gen rơp prap gàr jơnau Añ jê, Bèp Añ rơp kòñ gơboh di khai, bol hi rơp lòt tus hơ khai mơ ơm sùm mơ khai.

Sră Ôse 2:23

Añ rơp tam khai Añ in tòm lơgar; Añ rơp nđàc sơngit di Lôruhama, mơ Añ rơp đơs mơ Lôammi, ‘Mê la làng bol Añ jê;’ mơ khai rơp đơs lah: ‘Kơnràñ la Yàng Tom Trồ añ jê.’”

Đơs Crih 117:2

Tài bơh bơta kòñ gơboh kơ̆ dơn Kơnràñ dê la dờng ngan gơwèt mơ bol he, Mơ bơta dòn song Yàng Jehôwa dê gam sùm sùm. Jòng ro tĕ Yàng Jehôwa!

II Jang 1:9

Cau lơi lòt rlau ir mơ ò ơm sùm tòm bơta bơto sồr Bơtau Krist dê, gen cau hơ̆ ò gơs Yàng Tom Trồ. Ai cau lơi kư̆ ơm sùm tòm bơta bơto sồr hơ̆, gen cau hơ̆ gơs Yàng Bèp mơ Yàng Kòn.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Ephesô 6:8

Kah tĕ lah Yàng rơp ai phan ƀàn kòp nă cau in, bulah cau dĭ gơna hala cau khat gơboh kung behơ̆ sơl, jat be broă niam lơi bol khai lơh.

Ephesô 3:17

tồ Bơtau Krist in bơh bơta dòn mơ ơm tòm nùs ală oh mi, nàng tơnơ̆ mơ tŭ oh mi ơm kơ̆ be chi sro ryas mơ bơtào kơ̆ tòm bơta kòñ gơboh.

I Kôrintô 14:11

Behơ̆ dilah añ ò git jơnau gơtha jơnau đơs hơ̆, gen cau đơs jơnau hơ̆ rơp sền añ la cau lơgar ndai, mơ añ rơp sền khai la cau lơgar ndai sơl.

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Ejekiel 47:22

Mê rơp tă khà tòmpà lơgar lơh gơs phan jơtài bol mê in mơ ală cau lơgar ndai ơm sùm digùl bol mê mơ neh gơs kòn sau. Mê pal kòp bol khai kung be cau làng tòm Israel deh tòm lơgar; bol khai rơp tă khà kung be bol mê mơ dòp leng phan jơtài digùl ală jơi bơtiàn Israel dê.

Rôma 3:22

Hơ̆ la bơta song ring Yàng Tom Trồ dê bơh bơta dòn tòm Yàng Jesu Krist mơ ai jơh ală cau lơi in dòn. Ò gơs cah is cau lơi,

Ephesô 2:14

Bơh Kơnràñ la bơta ring lơngai bol he dê, neh lơh cau Juda mơ cau làng bol bơdìh in gơs dô bă bal, lơh tơrlah dơrñang cah is tòmsò digùl bol he.

Ephesô 2:15

Bơh kơnòm di poac să Kơnràñ dê mơ Kơnràñ neh tơnroh bơta boh lam bal mơ bơta sồr lam mơ gơnoar sồr gơ dê, nàng ai bàr đah mơ crơng gơs dô nă cau pa tòm să tòm Kơnràñ, tồ lơh gơtòmsòr bal.