Kôlôse 2:4 - Sră Goh 2018

⁴ Añ đơs behơ̆ tồ klàs cau lơi ai jơnau lac lèo mơ pơrlồm oh mi.

Kôlôse 2:4 Referans Kwoze

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

Ephesô 4:14

tồ bol he ò di gam be cau kơnòm tai, gơkòl pơrlồm bơh ală jơnau krơi, bơta pơlìn mơ kai lac lèo kòn mơnus dê, jat kai gơrmơ̆i tìs nrah bol khai dê, kung be càl bơtồ pơrdô ma kiau behơ̆ sơl.

Mathiơ 24:4

Yàng Jesu ho lah: “Kơrhia tĕ, bañ lòi cau pơrlồm bol mê.

II Jang 1:7

Bơh neh gơs oă cau blac pơrlồm lik lòt tòm dunnia, la cau ò dòp Yàng Jesu Krist ai poac mhàm mơ lòt tus; hơ̆ la cau blac pơrlồm mơ la cau sòdră di Bơtau Krist.

Jơnau Niam Jat Mak 13:22

Bơh rơp gơs ală krist ma blac mơ ală cau gơnoar hwơr ma blac gơtơngguh mơ lơh oă bơta krơi, tềl is tian gơs dilah rgơi gen kung pơrlồm ală cau geh sac rwah sơl.

Yal Tơlik 20:8

gen gơlik lòt nàng pơrlồm ală làng bol ơm tòm poan đah plai ù, hơ̆ la Got mơ Magot, nàng pơjum bol khai tồ tòmlơh; ntum khà bol khai dê be bràs dàlềng.

II Timôthe 3:13

Mơya ală cau iơh bơsak mơ cau ma blac gen sơlo gơlik iơh tai, pơrlồm cau ndai mơ bol khai kung kòl cau ndai pơrlồm sơl.

II Timôthe 2:16

Mơya pal pleh tĕ di ală jơnau gơlềng gơlàng ƀơ̆ ƀơl jat dunnia, bơh ală cau đơs jơnau hơ̆ sơlo gơtơntìs tai tòm bơta ò duh rngòt,

Ephesô 5:6

Bañ lòi cau lơi ai jơnau roh lơm mơ pơrlồm oh mi, tài bơh ală bơta hơ̆ mơ bơta gơjrañ dờng Yàng Tom Trồ dê dùh hơđang ală cau ò dòn bơr Yàng.

Broă 20:30

Bơh digùl oh mi kung rơp gơs ală cau bơtào tơngguh mơ bơto jơnau tìs nrah nàng pơndòm pơrlồm cau dòn lòt jat bol khai.

Yal Tơlik 20:3

Mơ sơrbì gơtòm brong jrô hùt hung, til mpồng, mơ tap ƀang kì, tồ gơ in ò geh lòt pơrlồm ală làng bol tai, jơl tus di dô rbô nam neh lồi rau. Tơnơ̆ mơ hơ̆ pal hồ gơtòm dô êt jŏ.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

I Jang 2:26

Añ cih bol mê in bơta do la sơnio bơh ală cau kòñ pơrlồm bol mê.

I Jang 2:18

Ơ ală kòn, do la tŭ lồi dut rau, ală bol mê neh kơno đơs lah cau sòdră di Bơtau Krist pal tus, mơ tòm tŭ do gơs oă cau sòdră di Bơtau Krist neh tus rau; bơh hơ̆ bol he git lah do la tŭ lồi dut.

Kôlôse 2:18

Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,

Kôlôse 2:8

Kơrhia tĕ, rngòt gơs cau lơi ai bơta jak chài dunnia dê mơ jơnau pơrlồm roh lơm, jat jơnau òs yau kòn mơnus dê, jat bơta ƀă liă dunnia dê, ò di jat Bơtau Krist.

Galati 2:4

Bol hi neh lơh behơ̆ la tài bơh ală cau ma blac ne mut òm tòm mpồl bol hi, nàng sền òm bơta khat gơboh bol hi geh tòm Yàng Krist Jesu, bol khai kòñ kup bol hi nàng lơh dĭ.

II Kôrintô 11:3

Mơya añ rngòt lah, nùs oh mi roh bơta song ngan mơ bơta sàng goh gơwèt mơ Bơtau Krist, kung be yau òr bơs neh ngui kai lac lèo mơ pơrlồm Eba behơ̆ sơl.

I Kôrintô 2:4

Jơnau đơs mơ bơta bơto yal añ jê ò di bơh jơnau gơlơh be di pal bơta jak chài dê, mơya bơh bơta yal tơlik tòm gơnap gơnoar Yàng Hwềng dê,

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Ephesô 4:17

Behơ̆, do la bơta añ đơs mơ lơh cơng tòm Yàng lah oh mi bañ lơh lòt be làng bol bơdìh tai, jat bơta roh lơm nùs kơlôi bol khai dê;