Kôlôse 1:27 - Sră Goh 2018

²⁷ Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Kôlôse 1:27 Referans Kwoze

Jang 14:20

Tòm ngai hơ̆ bol mê rơp git lah Añ ơm tòm Bèp Añ, bol mê ơm tòm Añ mơ Añ ơm tòm bol mê.

Rôma 8:10

Behơ̆ dilah Bơtau Krist ơm tòm oh mi, gen să jan chơt tài bơh tồi glài, ai hwềng nùs kis bơh bơta song ring.

I Jang 4:4

Ơ ală kòn añ jê, ală bol mê la bal mơ Yàng Tom Trồ mơ neh geh pha lin mơ bol khai rau, tài bơh Bơtau ơm tòm bol mê la dờng rlau mơ bơtau ơm tòm cau dunnia.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

I Kôrintô 3:16

Oh mi ò git he la hìu duh khoai Yàng Tom Trồ dê, mơ Hwềng Yàng Tom Trồ ơm tòm oh mi ò ơ?

Yal Tơlik 3:20

Do, Añ ntào di mpồng mơ teh; dilah cau lơi kơno jơnau Añ mơ pò mpồng, gen Añ rơp mut mơ sào bal mơ khai, khai bal mơ Añ.

Jang 14:17

Hơ̆ la hwềng Jơnau song dê mơ dunnia ò rgơi dòp, bơh ò gŏ Kơnràñ, kung ò git Kơnràñ sơl; ai bol mê gen git Kơnràñ, bơh Kơnràñ ơm sùm mơ bol mê, mơ rơp ơm tòm bol mê sơl.

Galati 4:19

Ơ ală kòn dềt añ jê, bơh ală kòn tàng añ kong tai bơta jê sồt kung be cau jê deh, jơl tus di tŭ Bơtau Krist gơs rùp să tòm ală kòn;

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

I Timôthe 1:1

Pol la cau gơnoar bơto dờng bơh Yàng Krist Jesu, jat gơnoar sồr Yàng Tom Trồ dê la Yàng Dong Klàs bol he, mơ Yàng Krist Jesu dê la bơta gơn kơnòm bol he dê,

Kôlôse 2:3

Kơnràñ la kai mpồng nàng pò jơh ală bơta dờng màng neh pồn ndơp bơh bơta jak chài mơ bơta git jak Yàng Tom Trồ dê.

Jang 14:23

Yàng Jesu ho lah: “Dilah cau lơi kòñ gơboh di Añ, gen rơp prap gàr jơnau Añ jê, Bèp Añ rơp kòñ gơboh di khai, bol hi rơp lòt tus hơ khai mơ ơm sùm mơ khai.

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

Kôlôse 3:11

Tềng do ò tai gơs cau Grek, cau Juda, cau siat gơltau hala cau ò siat gơltau, cau ò git jơnau, cau Sithe, cau dĭ gơna hala cau khat gơboh, mơya Bơtau Krist la jơh ală bơta mơ tòm jơh ală bơta.

Jang 17:26

Añ neh yal bol khai in git sơnđan Bèp, mơ rơp yal bol khai in git tai, tồ bơta kòñ gơboh Bèp neh kòñ gơboh di Añ, ơm tòm bol khai, mơ Añ kung ơm tòm bol khai sơl.”

Ephesô 2:22

Tòm Kơnràñ oh mi kung geh bơt bơtào bal tòm hìu hơ̆ nàng lơh gơs tiah ơm Yàng Tom Trồ dê tòm Yàng Hwềng.

Jang 6:56

Cau lơi sa poac Añ mơ hùc mhàm Añ, gen ơm tòm Añ mơ Añ ơm tòm cau hơ̆.

Ephesô 1:7

Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

Philip 4:19

Yàng Tom Trồ añ jê rơp ai oh mi in ală bơta oh mi pal càng, jat be bơta pas gơs bơta gơklŏ Kơnràñ dê tòm Yàng Krist Jesu.

Rôma 9:23

Kơnràñ kung kòñ yal tơlik bơta pas gơs bơta gơklŏ Kơnràñ dê gơwèt hơ bol he la ală cau pal kòñ nđàc mơ Kơnràñ neh rcang lài nàng dòp bơta gơklŏ Kơnràñ dê;

Rôma 5:2

Kung kơnòm di bơta dòn Kơnràñ lơh bol he in geh mut tòm bơta nđàc Yàng Tom Trồ dê, bol he gam ơm ntào tòm bơta nđàc hơ̆, mơ hòn chò tòm bơta gơn kơnòm geh dòp bơta gơklŏ Yàng Tom Trồ dê.

Kôlôse 1:5

tài bơh bơta gơn kơnòm prap lòi oh mi in hơđang trồ, la bơta lài òr oh mi neh kơno bơh jơnau song Jơnau Niam dê.

II Kôrintô 4:17

Bơh bơta bòl glar nggòc mơ ing bol he dê tơnggơs bol he in bơta gơklŏ màng ryŭ gam sùm sùm, ò git lồi ò git jơh.

Luka 17:21

Cau kung rơp ò rgơi đơs lah: ‘Tềng do,’ hala ‘Tềng hơ̆!’ Bơh lơgar Yàng Tom Trồ ơm tòm bol mê.”

Mathiơ 13:11

Kơnràñ ho lah: “Neh ai bol mê in git ală bơta ndơp ndơr lơgar đang trồ dê, mơya ò ai bol khai in.

II Kôrintô 2:14

Mơya ưnngài Yàng Tom Trồ, Kơnràñ lam bồ bol hi dô bă pha lin tòm Bơtau Krist sùm sùm, mơ bơh bol hi Kơnràñ rsìh ƀô bơlhu bơh bơta dòp git Kơnràñ làm bă tiah.

Rôma 11:33

Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!

Rôma 2:4

Hala mê sền òsơp nùs lơbơn niam, jak toh glài mơ kong ơt Kơnràñ dê ơ? Mơ mê ò git nùs lơbơn niam Yàng Tom Trồ dê lam mê lòt tus hơ bơta gơjrañ sang glài ò ơ?

Hebrơ 6:19

Bol he gơs bơta gơn kơnòm hơ̆ be dô nơm lòs kơlnĕ đơng hwềng nùs dê, nền cê mơ kơ̆ ngan, mut tus tiah sàng goh đah dơlam kơrnìng;