Kôlôse 1:15 - Sră Goh 2018

¹⁵ Kơnràñ la rùp să Yàng Tom Trồ dê he ò rgơi gŏ, la Bơtau neh geh tơnggơs bồ dà lài mơ ală phan crơng gơs.

Kôlôse 1:15 Referans Kwoze

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Jang 14:9

Yàng Jesu đơs lah: “Ơ Philip, Añ ơm mơ bol mê neh jŏ rau, mơ mê òhềt git Añ ơ? Cau lơi neh gŏ Añ la neh gŏ Bèp rau. Mbe mê đơs lah: ‘Dan sơnio Bèp bol hi in, taih’?

Jang 1:1

Bơh sơnròp gơs Bơtau Jơnau, Bơtau Jơnau ơm mơ Yàng Tom Trồ, mơ Bơtau Jơnau la Yàng Tom Trồ.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

Jang 1:18

Ò gơs cau lơi neh gŏ Yàng Tom Trồ, mìng Kòn Dùl ơm tòm nùs Bèp, la Bơtau sơnio bơh Bèp bol he in.

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Philip 2:6

Kơnràñ neh gơs rùp să be Yàng Tom Trồ, mơya Kơnràñ ò sền bơta ring bal mơ Yàng Tom Trồ la bơta pal sơmbat prap;

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Đơs Crih 89:27

Mơ Añ rơp lơh khai in gơlik gơs kòn tơnhoa Añ jê, Gơlik gơs bơtau hơđang rlau jơh mơ ală cau bơtau tòm plai ù.

Rôma 8:29

Bơh ală cau Kơnràñ neh git lài, gen Kơnràñ kung neh lơh nền lài nàng bol khai in gơlik gơs be rùp să Kòn Kơnràñ dê, tồ Kòn hơ̆ lơh gơs kòn tơnhoa ơm digùl oă oh mi;

I Timôthe 1:17

Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

Yal Tơlik 3:14

“Cih tĕ cau gơnrơh Hìu Jum Goh Laodise in lah: Do la ală jơnau đơs Bơtau Amen dê, la Bơtau lơh cơng dòn song mơ song ngan, la tòm ryas bơta crơng gơs Yàng Tom Trồ dê:

Hebrơ 1:6

Mơ tai, dơ̆ Kơnràñ jun Kòn tơnhoa tus tòm dunnia, gen đơs lah: “Jơh ală cau gơnrơh Yàng Tom Trồ dê pal duh khoai Kòn.”

I Timôthe 6:16

mìng dô nă Kơnràñ gơs bơta ò tŭ lơi chơt, ơm tòm bơta àng cau ò rgơi tus rềp, ò gơs cau lơi sền gŏ Kơnràñ mơ kung ò rgơi gŏ Kơnràñ sơl. Dan bơta màng ryŭ gơnap gơnoar gam sùm sùm gơrê jơh mơ Kơnràñ! Amen.

Jang 15:24

Dilah Añ ò lơh ală broă digùl bol khai la broă ò gơs cau lơi rgơi lơh, gen bol khai ò gơs glài, mơya tòm tŭ do bol khai neh gŏ, mơ gơjrañ di Añ bal mơ Bèp Añ sơl.

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

Kôlôse 1:13

Kơnràñ neh dong tă bol he lik klàs bơh gơnoar bơta klam jơngo dê, mơ cèng bol he hơ lơgar Kòn kòñ gơboh Kơnràñ dê.

Hebrơ 11:27

Bơh bơta dòn khai sang lơgar Ejiptơ, ò rngòt cau bơtau gơjrañ, bơh khai ntào kơ̆ be gŏ Yàng la Bơtau he ò rgơi gŏ.

Khà Làng Bol 12:8

Añ tòmbơhbơr tòm toh mat mơ khai, đơs loh làng ò đơs jơnau jrô ndơp; khai sền gŏ rùp să Yàng Jehôwa. Behơ̆ ñchi bơh tài bol mê ò rngòt đơs jơnau tòmdră mơ Môise la cau duh broă Añ taih?”

Lik Ejiptơ 24:10

mơ sền gŏ Yàng Tom Trồ Israel dê. Hơđơm jơng Kơnràñ dê gơs phan gơlơh kung be lŭ màng gơcrà, àng be trồ gơcrà.