Jude 1:7 - Sră Goh 2018

⁷ Be Sôdôm, Gômôrơ mơ ală ƀòn dờng gùt dar kung neh jat behơ̆ mơ lơh bơta rềs àr bơrnàn mơ ting jat bơta hàm kòñ poac să dê la bơta cau ò òs lơh, gen neh kong lơh glài jàm tòm ồs gam sùm sùm, mơ lòi krơh di đap bol he.

Jude 1:7 Referans Kwoze

Yal Wơl 29:23

Jơh dô nơm lơgar rơp gơlik kung be dô bă tiah sang lòi gòi bơh neh ồs sa, gơs mìng boh mơ siau, ò tùc tam, ò phan lơi hòn lik, ò chi che biap nha lơi hòn tềng hơ̆. Gơ rơp gơlik gơs kung be bơta tơnroh Sôdôm mơ Gômôrơ, Atma mơ Sebôim mơ Yàng Jehôwa neh tơnroh tòm bơta gơjrañ dờng Kơnràñ dê.

II Pier 2:6

Dilah Kơnràñ neh lơh nền glài ƀòn dờng Sôdôm mơ Gômôrơ gơlik gơs bùh, nàng lòi krơh ală cau in ò duh rngòt tòm rài tơnơ̆.

Sơnròp Gơlik Gơs 18:20

Yàng Jehôwa đơs lah: “Tài bơh jơnau hòi driau bơh Sôdôm mơ Gômôrơ la oă ngan, tồi glài ală ƀòn hơ̆ la kơnjơ̆ ngan,

Luka 17:29

mơya tòm ngai Lot lik bơh Sôdôm, gen gơs mìu ồs mơ siau bơh trồ tơnroh jơh bol khai.

Mathiơ 25:41

Gen Kơnràñ rơp đơs mơ ală cau ơm đah kiau lah: ‘Ơ ală cau gơkòl srat rma, lik tĕ bơh di Añ mơ mut tòm ồs gam sùm sùm, la tiah neh rcang sir cà ràk in mơ ală cau gơnrơh gơ dê.

Jeremi 50:40

Yàng Jehôwa đơs: “Be tòm tŭ Yàng Tom Trồ sơrbì Sôdôm mơ Gômôrơ mơ ală ƀòn cau ơm rềp mơ bol khai, behơ̆ rơp ò gơs dô nă cau rơp ơm tềng hơ̆, hala ò gơs dô nă kòn mơnus lơi tus ơm tềng hơ̆.

Sơnròp Gơlik Gơs 13:13

Mơ tai, làng bol Sôdôm la iơh bơsak mơ gơs glài dờng ngan tòmdră mơ Yàng Jehôwa.

I Kôrintô 6:9

Ngan oh mi ò git lah ală cau ò song ring ò geh pơrdòn lơgar Yàng Tom Trồ dê. Bañ pơrlồm să he, ală cau rềs àr, cau duh rùp ràk, cau bơrnàn, cau klau dri tơlàr,

Esai 1:9

Dilah Yàng Jehôwa Gơnap Gơnoar Dờng Làm Jơh ò lòi wơl bol he in dô êt nă cau gam kis, gen bol he rơp gơlik gơs be Sôdôm, mơ tòm toh be Gômôrơ.

Amôs 4:11

“Añ neh tuh tơlup cau ƀà tòm bol mê, kung be Añ neh tuh tơlup Sôdôm mơ Gômôrơ. Bol mê kung be dô nơm ntê chi neh cau sơmbat tơlik bơh di ồs, bulah behơ̆ bol mê kung ò rê wơl mơ Añ.” Yàng Jehôwa đơs behơ̆.

Sơnròp Gơlik Gơs 19:5

Bol khai hòi Lot mơ lùp lah: “Ntềng đah ală cau klau neh mut tòm hìu mê mho do taih? Lam tĕ bol khai lik hơ do, nàng bol hi in git bol khai.”

II Pier 3:7

Mơya trồ tiah gam tŭ do kung la bơh jơnau đơs Kơnràñ dê mơ prap lòi ồs in, geh prap gàr jơl tus di ngai cahrña, la ngai cau ò duh rngòt kong roh rui.

Sră Ôse 11:8

Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Esai 13:19

Babilôn la bơta gơklŏ ală lơgar dê, bơta hòn să mơ jòng să ală cau Kalde dê, rơp tòm toh be Sôdôm mơ Gômôrơ, Tòm tŭ Yàng Tom Trồ sang tơlik bol khai.

Mathiơ 11:24

Mơya Añ đơs mơ bol mê, tòm ngai cahrña, Sôdôm rơp kong nggòc rlau mơ mê.”

Jeremi 20:16

Lòi cau hơ̆ in kung be ală ƀòn Mơ Yàng Jehôwa neh phà tơrlah ò nđàc sơngit! Lòi khai in kơno jơnau ñìm rac tòm àng drim, mơ tòm tŭ nggùl ngai kơno driau tòmlơh;

Ñìm Rac 4:6

Bơta tồi glài làng bol añ jê dờng rlau mơ bơta tồi glài Sôdôm dê, La ƀòn kong tơrlah tơrling tòm dô ơthoa, ò gơs dô nơm tê lơi ơn hơđang gơ.

Esai 33:14

Ală cau tồi glài tòm Siôn rngòt rngơt; ală cau ò dòn duh rơm să rngòt. “Ñcau tòm bol he rgơi ơm digùl ồs sa loan taih? Ñcau tòm bol he rgơi ơm tòm ồs hơng gam sùm taih?”

I Ală Bơtau 22:46

Ală bơta ndai Jôsaphat dê mơ gơnoar pràn khai neh yal tơlik, mơ bơta tòmlơh khai dê, neh geh cih tòm sră yal broă kòp nam ală bơtau Juda dê.

Mathiơ 10:15

Di ngan Añ đơs mơ bol mê, tòm ngai cahrña, lơgar Sôdôm mơ Gômôrơ rơp kong nggòc rlau mơ ƀòn dờng hơ̆.”

II Tesalônika 1:7

gen Kơnràñ ngan rơp ai oh mi in la cau kong jê sồt bòl glar geh rlô bal mơ bol hi, tòm tŭ Yàng Jesu bơh đang trồ tơlik mat bal mơ ală cau gơnrơh bềng gơnoar pràn Kơnràñ dê digùl lơmpiat ồs hơng,

II Tesalônika 1:8

nàng lơh glài ală cau ò dòp git Yàng Tom Trồ, mơ cau ò dòn jat Jơnau Niam Yàng Jesu bol he dê.

II Pier 2:2

Bulah behơ̆, gơs oă cau rơp jat ală bơta bung jang bol khai dê; tài bơh bol khai mơ gùng jơnau song rơp kong cau dơñŏ tơnhial.