Jôsue 7:3 - Sră Goh 2018

³ Tòm tŭ bol khai rê wơl hơ Jôsue gen yal lah: “Ò càng jơh làng bol guh hơ Ahi, mìng bàr hala pe rbô nă cau klau lơm pal lòt nàng brồ lơh ƀòn hơ̆; tài bơh bol khai gơs mìng dô êt cau lơm ơm tềng hơ̆, bañ lơh jơh làng bol in bòl glar guh tềng hơ̆.”

Jôsue 7:3 Referans Kwoze

II Pier 1:10

Behơ̆, ơ oh mi, jơh nùs tĕ rlau tai nàng lơh nền cê bơh bơta Yàng hòi sac mơ sac rwah he; dilah lơh bơta hơ̆ gen oh mi ò gơs tŭ lơi gơtup tìs.

II Pier 1:5

Tài bơh hơ̆ oh mi pal jơh nùs bơtơl bơta kơ̆ dơn hơđang bơta dòn, bơtơl bơta git jak hơđang bơta kơ̆ dơn,

Hebrơ 4:11

Behơ̆ gen, bol he pơnđơl tĕ jơh nùs nàng mut tòm bơta rlô lơngai hơ̆, tồ ò gơs dô nă cau lơi rơp gơpừ đòm krơh cau ò gơs bơta dòn ne.

Luka 13:24

“Pơnđơl tĕ jơh pràn mut tòm mpồng wềt, bơh Añ đơs mơ bol mê, oă cau rơp jòi gùng kòñ mut mơ ò rgơi.

Jơnau Pơnđik 21:25

Bơta kơp kòñ cau lơh alah dê tơnchơt khai; tài bơh tê khai ò bài lơh broă.

Jơnau Pơnđik 13:4

Nùs cau lơh alah kơp kòñ mơ ò geh phan lơi; Ai nùs cau tơryang tơryồng geh lìu làc phan ngui sa.

Jôsue 7:2

Jôsue sồr cau lòt bơh Jerikô tus hơ Ahi rềp Bet Aben đah mattơngai lik Betel dê, mơ đơs mơ bol khai lah: “Guh tĕ sền òm ù tiah hơ̆.” Gen ală cau hơ̆ guh sền òm ƀòn Ahi.

Jôsue 7:4

Behơ̆, pơgap pe rbô nă cau tòm làng bol neh guh tềng hơ̆; mơ bol khai ntoat dô bơh di đap cau Ahi.