Jôsue 3:5 - Sră Goh 2018

⁵ Gen Jôsue đơs mơ làng bol lah: “Lơh tĕ să tòm bol mê in sàng goh, bơh ngai hìng Yàng Jehôwa rơp lơh ală bơta crih crài digùl bol mê.”

Jôsue 3:5 Referans Kwoze

Jôsue 7:13

Guh tĕ, lơh sàng goh làng bol in, mơ đơs mơ bol khai lah: ‘Bol mê lơh tĕ să tòm he sàng goh tòm ngai hìng, bơh do la jơnau Jehôwa Yàng Tom Trồ Israel dê đơs lah: “Ơ Israel, ală phan pal tơnroh gam ơm digùl bol mê: bol mê ò rgơi tòmdră jai mơ ală cau sò tơm bol mê dê jơl tus di tŭ bol mê neh tă sang ală phan pal tơnroh hơ̆ bơh digùl bol mê.”

Lebi 20:7

Ơn is tĕ sàng goh să tòm bol mê dê tài bơh Añ la Jehôwa Yàng Tom Trồ bol mê dê.

Jôel 2:16

Pơjum tĕ làng bol, ơn is tĕ mpồl jơnum; jà tĕ ală cau kwang kra pơjum bal, pơjum tĕ ală kòn dềt, la ală kòn gam pô toh. Lòi cau bơrtơu pa lik bơh di ơdŭ khai dê, mơ cau ƀan pa lik bơh di ơdŭ bic khai dê.

I Samuel 16:5

Samuel ho lah: “Ơi, tòm bơta lơngap lơngai. Añ tus nàng ơn phan duh khoai Yàng Jehôwa in; lơh tĕ sàng goh să tòm bol mê mơ añ tòm bơta ơn phan duh khoai.” Gen khai lơh sàng goh Jese mơ ală kòn klau khai dê mơ jà bol khai tus hơ bơta ơn phan duh khoai.

Jang 17:19

Añ bơh bol khai mơ ơn is să Añ jê nàng bol khai in gơlik gơs sàng goh tòm jơnau song.

Lebi 10:3

Gen Môise đơs mơ Arôn lah: “Do la jơnau Yàng Jehôwa neh đơs bơh bơta hơ̆: Digùl ală cau tus rềp di Añ; Añ rơp yal tơlik să tòm Añ sàng goh, mơ di đap jơh ală làng bol Añ rơp geh jòng ro.” Arôn ơm mŏ mŏ.

Đơs Crih 86:10

Bơh Yàng la dờng ngan, lơh ală broă crih crài; Mìng dô nă Yàng lơm la Yàng Tom Trồ.

Sră Jop 1:5

Tòm tŭ ală ngai ñô sa hơ̆ neh tơl wềr bol khai dê rau, Jop sồr cau lòt rcang nàng lơh sàng goh bol khai in, khai guh gòñ bơh àng drim, mơ ơn ală phan chu duh khoai jat be khà jơh ală kòn khai dê, bơh Jop neh đơs lah: “Digơlan ală kòn añ jê neh tìs glài, mơ tòm nùs bol khai srat rma di Yàng Tom Trồ mòn!” Hơ̆ la bơta Jop òs lơh behơ̆ sùm.

Jôsue 3:13

Tòm tŭ ală cau gơnoar ơn phan duh khoai tùng Đài Bơta Ho bal Yàng Jehôwa dê la Yàng jơh dunnia dê, ơn mpàng jơng bol khai dê tòm dà hiòng Jordan gen dà tòm hiòng hòr bơh tồ rơp kòl cah bàr đah, mơ gơ ơm dơh wơl lơh gơs kung be dô nơm gơnru.”

Jôsue 3:15

Tŭ hơ̆, dà Jordan tih dờng bam jơh bàr gah hiòng jơh tòm kơnhai toès. Mơya tòm tŭ ală cau gơnoar ơn phan duh khoai tùng Đài Bơta Ho Bal tus di hiòng Jordan mơ tòm tŭ mpàng jơng bol khai dê jă di gah dà,

Khà Làng Bol 11:8

Làng bol lòt gùt dar mơ pơjum tơrgòm gơ, lồc behơ̆ piah. Tơnlề gơtòm dô nơm mpal hala mơ rnai piah kòi. Bol khai gơm gơtòm dô nơm glah hala lơh gơlik gơs be piang lă mơ sa gơ gơlơh kung be phan sa lơh mơ mơñà ôlibe.

Jôsue 3:4

nàng bol mê in git gùng pal lòt, bơh bol mê òhềt lòt gùng do bơh lài. Mơya digùl bol mê mơ Đài Bơta Ho Bal pal gơs dô pah ngài pơgap sin rhiang met; bañ lòt rềp ir di gơ.”

Jôsue 3:6

Jôsue đơs mơ ală cau gơnoar ơn phan duh khoai lah: “Tùng tĕ Đài Bơta Ho Bal lòt lài mơ làng bol.” Behơ̆, bol khai tùng Đài Bơta Ho Bal mơ lòt lài mơ làng bol.

Đơs Crih 77:15

Kơnràñ ngui tơwòr tê Kơnràñ mơ tơwài làng bol Kơnràñ dê, Hơ̆ la ală kòn sau Jakôp mơ Jôsep dê. Selah