Jôsue 3:17 - Sră Goh 2018

¹⁷ Ală cau gơnoar ơn phan duh khoai tùng Đài Bơta Ho Bal Yàng Jehôwa dê ntào kơ̆ hơđang ù rañ rsơh digùl hiòng Jordan, jơl tus tŭ jơh làng bol Israel lòt gan hơđang ù rañ rsơh jơl tus di tŭ jơh làng bol neh tiă hiòng Jordan sir rau.

Jôsue 3:17 Referans Kwoze

Lik Ejiptơ 14:29

Mơya cau Israel lòt gan dàlềng hơđang ù rañ rsơh, gơs dô nơm dơrñang dà đah ma mơ dô nơm đah kiau bol khai dê.

Lik Ejiptơ 14:22

Cau Israel lòt gan dàlềng hơđang ù rañ rsơh, gơs dô nơm dơrñang dà đah ma mơ dô nơm đah kiau.

Đơs Crih 66:6

Yàng tòmgơl dàlềng gơlik ù rañ rsơh; Cau lòt jơng gan hiòng. Tềng hơ̆ bol hi chò hòp tòm Kơnràñ.

Esai 25:8

Gen Jehôwa Yàng Tom Trồ rơp jùt dà mat bơh di jơh ală mat, mơ bơta sền òsơp làng bol Kơnràñ dê rơp tă tơlik jơh bơh di plai ù, Yàng Jehôwa neh đơs behơ̆.

II Ală Bơtau 2:8

Gen Eli ai ào jrùh khai dê, pồt gơ mơ pòng hơđang dà; gen dà cah bàr đah, tian gơs bàr nă bol khai tiă gan hơđang ù rañ.

Jôsue 4:3

mơ sồr bol khai lah: ‘Ai tĕ jơt bàr pơnai lŭ bơh digùl hiòng Jordan, di tiah ală cau gơnoar ơn phan duh khoai neh ntào, mơ cèng gơ bal mơ mê, ơn gơ di tiah mơ bol mê rơp bơtào sàl mang do.’”

Hebrơ 11:29

Bơh bơta dòn làng bol tiă Dàlềng Pơrhê be lòt hơđang tiah rañ rsơh, ai ală cau Ejiptơ tòm tŭ lòng lòt tiă gen kòl dà bŭ chơt jơh.

Lik Ejiptơ 14:21

Gen Môise pò tê hơđang dàlềng, mơ tòm mang hơ̆ Yàng Jehôwa sồr dô ròs càl đah mattơngai lik khồm pràn chồl dàlềng ruc wơl, dà tòmcah is mơ gơs ù rañ rsơh.

Khà Làng Bol 33:51

“Yal tĕ ală cau Israel in mơ đơs mơ bol khai lah: Tòm tŭ bol mê tiă hiòng Jordan mơ mut tòm Kanaan,

Jôsue 4:1

Tòm tŭ jơh làng bol neh tiă hiòng Jordan rau, gen Yàng Jehôwa đơs mơ Jôsue lah:

Jôsue 4:22

Gen bol mê yal tĕ bol khai in lah: ‘Làng bol Israel neh tiă hiòng Jordan hơđang ù rañ rsơh.’

Jôsue 4:10

Ală cau gơnoar ơn phan duh khoai tùng Đài Bơta Ho Bal neh ơm digùl hiòng Jordan jơl tus di tŭ làng bol neh lơh sir jơh ală bơta mơ Yàng Jehôwa neh sồr Jôsue yal wơl làng bol in, jat jơh ală bơta Môise neh nting sồr Jôsue. Làng bol tiă hiòng sơrbac sơrbang.

Jôsue 4:11

Tòm tŭ jơh làng bol neh tiă gan hiòng rau, gen Đài Bơta Ho Bal Yàng Jehôwa dê mơ ală cau gơnoar ơn phan duh khoai kung lòt gan di đap làng bol.

Jôsue 5:1

Tòm tŭ jơh ală bơtau làng bol Amôr ơm đah mattơngai mut hiòng Jordan dê, bal mơ jơh ală bơtau cau Kanaan ơm rò gah dàlềng, kơno bơh bơta Yàng Jehôwa neh lơh rañ rsơh dà hiòng Jordan di đap làng bol Israel jơl tus di tŭ bol khai neh tiă hiòng, gen ală cau bơtau hơ̆ gơdô nùs jơh, mơ hwềng nùs tòm bol khai ò gam tai, tài bơh làng bol Israel.