Jôsue 3:14 - Sră Goh 2018

¹⁴ Behơ̆ tòm tŭ làng bol lik bơh ală sàl bol khai dê nàng tiă hiòng Jordan, gen ală cau gơnoar ơn phan duh khoai tùng Đài Bơta Ho Bal mơ lòt di đap làng bol.

Jôsue 3:14 Referans Kwoze

Hebrơ 9:4

gơs cơnòng màh chu kơlhô, mơ Đài Bơta Ho Bal ƀềp mơ màh; tòm đài gơs dô nơm gri màh ơn mana, gai jra cat sơmbut Arôn dê, mơ bàr nơm mpàn lŭ bơta ho bal dê;

Jeremi 3:16

Yàng Jehôwa đơs: “Tòm tŭ bol mê neh tơnggơs bơtơl oă tòm ù, tòm ngai hơ̆ cau rơp ò đơs bơh Đài Bơta Ho Bal Yàng Jehôwa dê tai! Cau rơp ò kơlôi sơnơng tai, ò kah tai, ò pơlai tai, mơ ò lơh dô nơm Đài ndai tai.

Đơs Crih 132:8

Ơ Yàng Jehôwa, dan guh mơ lòt tus hơ tiah rlô Kơnràñ dê, Kơnràñ bal mơ Đài Ho Bal gơnoar pràn Kơnràñ dê.

Jôsue 6:6

Behơ̆ Jôsue kòn klau Nun hòi ală cau gơnoar ơn phan duh khoai mơ đơs mơ bol khai lah: “Tùng tĕ Đài Bơta Ho Bal Yàng Jehôwa dê mơ gơs poh nă cau gơnoar ơn phan duh khoai at poh nơm kơlwòk ngke belàt dam lòt hơđap Đài Yàng Jehôwa dê.”

Jôsue 3:6

Jôsue đơs mơ ală cau gơnoar ơn phan duh khoai lah: “Tùng tĕ Đài Bơta Ho Bal lòt lài mơ làng bol.” Behơ̆, bol khai tùng Đài Bơta Ho Bal mơ lòt lài mơ làng bol.

Jôsue 3:3

mơ ai jơnau sồr làng bol lah: “Tòm tŭ bol mê gŏ ală cau gơnoar ơn phan duh khoai bal mơ ală cau Lebi tùng Đài Bơta Ho Bal Jehôwa Yàng Tom Trồ bol mê dê, gen bol mê pal tă sàl bol mê dê mơ lòt jat gơ,

Yal Wơl 31:26

“Ai tĕ Sră Bơta Boh lam do mơ ơn gơ di gah Đài Bơta Ho Bal Jehôwa Yàng Tom Trồ bol mê dê. Tềng hơ̆ gơ rơp ơm kung be dô nơm cơng tàng tòmdră mơ bol mê.

Jôsue 24:11

Lồc behơ̆ bol mê neh tiă hiòng Jordan mơ tus hơ Jerikô. Làng bol Jerikô tòmlơh mơ bol mê, kung be ală làng bol Amôrit, Pherijit, Kanaan, Hetit, Girgasit, Hebit mơ Jebusit, mơ Añ neh jào bol khai tòm tê bol mê dê.