Jôsue 17:14 - Sră Goh 2018

¹⁴ Kòn sau Jôsep đơs mơ Jôsue lah: “Ñchi bơh tài ồng neh ai bol hi in mìng dô pơnah ù tiah nàng lơh gơs sre brê taih? Ntum khà bol hi la gal ngan mơ Yàng Jehôwa neh ai lơngai bol hi in dô bă lìu làc.”

Jôsue 17:14 Referans Kwoze

Sơnròp Gơlik Gơs 48:22

Añ ai mê in rlau mơ ală oh mi mê dê, dô pơnah añ neh ai bơh di tê cau Amôrit bơh đào mơ àtak.”

Sơnròp Gơlik Gơs 48:19

Mơya bèp khai ò bài mơ đơs lah: “Añ git, ơ kòn, añ git. Khai rơp gơlik gơs dô nơm làng bol, khai kung rơp gơs dờng, mơya oh khai kung rơp gơs dờng rlau, mơ jơi bơtiàn khai dê rơp gơlik gơs oă ngan làng bol.”

Khà Làng Bol 13:7

Igal kòn klau Jôsep bơh di jơi bơtiàn Issaka;

Jôsue 16:4

Behơ̆ jơi bơtiàn Jôsep la Manase mơ Epraim dòp geh sre brê bol khai dê.

Jôsue 17:15

Jôsue ho lah: “Dilah ntum khà bol mê la gal ngan behơ̆, gen guh tĕ hơ tiah dơr brê, mơ lơh goh ù tềng hơ̆ bol mê in tòm ù tiah cau Pherijit cau Rephaim mơ dilah lơgar mơnơm Epraim la hat hal bol mê in.”

Ejekiel 48:5

Epraim rơp gơs dô pơnah; gơ rơp lòt jat nhàr ù tiah Manase dê bơh đah mattơngai lik tus hơ đah mattơngai mut.

Sơnròp Gơlik Gơs 48:20

Ngai hơ̆ khai ai lơngai bàr nă kòn klau hơ̆ in mơ đơs lah: “Hơ̆ la bơh bol mê mơ làng bol Israel rơp ai lơngai bal lah: ‘Dan Yàng Tom Trồ ai mê in be Epraim mơ Manase.’” Behơ̆, Jakôp ơn Epraim lài mơ Manase.

Khà Làng Bol 26:54

Jơi bơtiàn lơi gơs oă cau gen ai tĕ sre brê dờng, mơ jơi bơtiàn lơi dô êt cau gen ai tĕ sre brê dềt; kòp mpồl pal dòp geh sre brê jat ntum khà ală cau neh geh cih sơnđan tòm sră.

Khà Làng Bol 36:12

Bol khai tòmbau tòm mpồl kòn sau Manase kòn klau Jôsep dê, mơ sre brê bol khai dê gam ơm tòm mpồl jơi bơtiàn bèp bol khai dê.