Jôsue 16:5 - Sră Goh 2018

⁵ Ù tiah Epraim di jat kòp mpồl jơi bơtiàn bol khai dê be do: Nhàr sre brê bol khai dê gơ lòt bơh Atarôt Adar đah mattơngai lik tus hơ Bet Hôrôn Đah Đang,

Jôsue 16:5 Referans Kwoze

Jôsue 18:13

Bơh tềng hơ̆ nhàr gơ lòt gan đah đơm kơh mơnơm Lus dê (hơ̆ la Betel), mơ mù tus hơ Atarôt Adar hơđang mơnơm đah đơm tiah liah Bet Hôrôn.

Jôsue 16:2

Bơh Betel lòt hơ Lus, lòt tơn hơ Atarôt ù tiah làng bol Arkit dê;

Jôsue 10:10

Yàng Jehôwa lơh bol hơ̆ in gơnsràng rngòt mơ kong alah di đap Israel. Cau Israel geh pha dờng ngan tòm Gabaôn mơ ting jat bol hơ̆ tòm gùng kơh Bet Hôrôn mơ tơnchơt bol khai rò gùng jơl tus di Ajekah mơ Makedah.

I Yal Yau 7:24

Kòn ùr khai dê la Seera la cau neh bơt bơtào Bet Hôrôn Đah Đơm mơ Đah Đang bal mơ Ujen Seera sơl.

Ejekiel 48:5

Epraim rơp gơs dô pơnah; gơ rơp lòt jat nhàr ù tiah Manase dê bơh đah mattơngai lik tus hơ đah mattơngai mut.

II Samuel 2:9

Apner bơtào khai lơh gơs bơtau at bồ Galaat, Asuri, mơ Jejreel, bal mơ Epraim, Benjamin mơ jơh Israel.

I Yal Yau 7:28

Ù tiah mơ tiah jơnum ƀòn bol khai dê tơrgòm bal Betel mơ ală ƀòn gùt dar, Naaran Đah mattơngai lik, Gejer mơ ală ƀòn gơ dê đah mattơngai mut, mơ Sikem mơ ală ƀòn gơ dê lòt tus di Aiya mơ ală ƀòn gơ dê.