Jôsue 15:13 - Sră Goh 2018

¹³ Jat be jơnau gơnoar sồr Yàng Jehôwa dê, gen Jôsue ai Kalep kòn klau Jephune in dô pơnah ù tiah digùl làng bol Juda la Kiriat Arba, hơ̆ la Hebrôn, (Arba la bèp Anak dê).

Jôsue 15:13 Referans Kwoze

Khà Làng Bol 13:30

Gen Kalep lơh làng bol ơm pal ơm mŏ mŏ di đap Môise mơ đơs lah: “Bol he pal guh mơ tòmpìt lơgar lơh gơs lơgar tòm bol he dê, bơh ngan la bol he rgơi lơh bơta hơ̆.”

Sơnròp Gơlik Gơs 23:2

Sara chơt tòm Kiriat Arba, hơ̆ la Hebrôn, tòm lơgar Kanaan. Abraham tus moat ƀồc mơ ñìm rac Sara in.

Khà Làng Bol 13:6

Kalep kòn klau Jephune bơh di jơi bơtiàn Juda;

Jôsue 21:11

Bol khai geh tòmpà Kiriat Arba (Arba la bèp Anak dê), hơ̆ la Hebrôn, ơm tòm tiah kơh mơnơm Juda dê, bal mơ ală ƀlàng ñhơt gùt dar.

Ală Kwang Cahrña 1:10

Bol khai lòt tòmlơh mơ cau Kanaan ơm tòm Hebrôn (lài òr sơnđan la Kiriat Arba); mơ pha rlau mơ Sesai, Ahiman mơ Thalmai.

I Samuel 25:3

Sơnđan khai la Nabal, mơ sơnđan bau ùr khai dê la Abigail. Cau ùr hơ̆ la jak chài mơ hàng mơnĕ, mơya bau klau khai dê la kră kơldang mơ sềt pơniă, khai gơrê bal mơ jơi bơtiàn Kalep dê.

I Samuel 30:14

Bol hi neh brồ lơh Negep tòm Keret ù tiah gơrê mơ cau Juda, mơ Negep Kalep dê; mơ bol hi neh chu Jiklak.”

I Yal Yau 6:56

Mơya ală ƀlàng sre mơ ală ƀòn dềt gùt dar ƀòn dờng gen geh ai Kalep kòn klau Jephune in.

Sơnròp Gơlik Gơs 13:18

Lồc behơ̆, Abram cèng sàl khai dê tus ơm di tiah ală tòm cha Mamre dê, tòm Hebrôn, mơ tềng hơ̆ khai lơh dô nơm cơnòng duh khoai Yàng Jehôwa in.

Jôsue 11:21

Tòm tŭ hơ̆ Jôsue lòt tơnroh cau Anak ơm tiah lơgar kơh mơnơm, bơh Hebrôn, Debir, mơ Anap, bơh jơh ală tiah kơh mơnơm Juda dê, mơ bơh jơh ală tiah kơh mơnơm Israel dê. Jôsue tơnroh bol khai jơh hir bal mơ ală ƀòn dờng bol khai dê.

Jôsue 20:7

Behơ̆, làng bol Israel ơn is ƀòn Kades tòm Galile tòm tiah mơnơm Neptali, Sicem tòm tiah mơnơm Epraim, mơ Kiriat Arba (hơ̆ la Hebrôn) tòm ù tiah kơh mơnơm Juda.

Ală Kwang Cahrña 1:20

Hebrôn neh ai Kalep jat be Môise neh ho, mơ khai neh ting bơtrơh pe nă kòn klau Anak bơh di ƀòn hơ̆.

I Samuel 30:31

mơ tòm Hebrôn, mơ tus hơ ală cau tòm jơh ală tiah Dabit mơ ală cau khai dê neh lòt làm.

II Samuel 2:1

Tơnơ̆ mơ hơ̆, Dabit hòi lùp Yàng Jehôwa lah: “Añ pal guh mut tòm dô nơm ƀòn dờng lơi tòm Juda sơl?” Yàng Jehôwa đơs lah: “Guh tĕ!” Dabit lùp tai: “Añ pal guh tus hơ tiah lơi taih?” Yàng Jehôwa ho lah: “Hơ Hebrôn.”

II Yal Yau 11:10

Jôra, Aijalôn mơ Hebrôn. Hơ̆ la ală ƀòn dờng kơ̆ cê tòm Juda mơ tòm Benjamin.