Jôsue 15:10 - Sră Goh 2018

¹⁰ Mơ bơh hơ̆ gơ lòt gùt dar đah mattơngai mut bơh Baalah tus hơ mơnơm Seir, lòt tơn hơ đah đang mơnơm Jearim (hơ̆ la Kesalôn), mơ mù tus hơ Bet Semes bơh Thimna.

Jôsue 15:10 Referans Kwoze

Ală Kwang Cahrña 14:1

Samsôn mù hơ Thimna mơ tềng hơ̆ khai gŏ dô nă cau ơruh Philistin.

Ală Kwang Cahrña 14:5

Gen Samsôn mù hơ Thimna bal mơ mè bèp khai. Tòm tŭ bol khai tus rềp hơ ală suơn ño Thimna dê, nisơna gơs dô nơm klìu triă ơhùm di khai.

Jôsue 15:57

Kain, Gibeah, mơ Thimna: jơt nơm ƀòn dờng bal mơ ală ƀòn dềt gơ dê.

Jôsue 15:11

Nhàr gơ lòt tus hơ kơh mơnơm đah đang Ekrôn, gen lòt wơl hơ đah Sikerôn, lòt gan rò gah mơnơm Baalah mơ tus hơ Japneel. Nhàr gơ lồi di dàlềng.

Jôsue 21:16

Ain bal mơ ƀlàng ñhơt gơ dê, Juttah bal mơ ƀlàng ñhơt gơ dê mơ Bet Semes bal mơ ƀlàng ñhơt gơ dê; jơh ală la sin nơm ƀòn dờng bơh di bàr jơi bơtiàn hơ̆.

I Samuel 6:9

Mơya kơp sền tĕ, dilah gơ lòt guh hơ đah lơgar tòm gơ dê hơ̆ la đah Bet Semes, gen hơ̆ la Yàng Jehôwa neh đùh bơta rung rài dờng do hơđang bol he. Mơya dilah ò di behơ̆ gen bol he rơp git la ò di tê Kơnràñ neh lơh glài bol he, bơta hơ̆ neh tus is gơ dê lơm.”

II Samuel 6:2

Dabit mơ jơh ală cau ơm bal mơ khai lik lòt bơh Baale gơrê mơ Juda nàng cèng brê Đài Bơta Ho Bal Yàng Tom Trồ dê bơh tềng hơ̆, la đài geh tơmoh jat sơnđan Yàng Jehôwa Gơnap Gơnoar Dờng Làm Jơh, la Bơtau nggui hơđang ceruƀim.

Jôsue 19:38

Irôn, Mikdal El, Hôrem, Bet Anak mơ Bet Semes, gơs jơt sin ƀòn dờng bal mơ ală ƀòn dềt bol gơ dê.

II Ală Bơtau 14:11

Amajiah ò bài iat Jôas. Behơ̆ gen, Jôas bơtau Israel guh, lồc behơ̆ khai tòmlơh mơ Amajiah, bơtau Juda tòm Bet Semes lơgar Juda.

II Yal Yau 28:18

Tòm tŭ ală cau Philistin phà kơñau ală ƀòn dờng di jơng mơnơm mơ đah đơm Juda, mơ neh tòmpìt ai Bet Semet, Aijalôn, Gederôt, Sôkô mơ ală ƀòn gơ dê, Timna mơ ală ƀòn gơ dê, Gimjô mơ ală ƀòn gơ dê; mơ bol khai ơm tòm hơ̆.