Jôsue 10:2 - Sră Goh 2018

² gen bơtau mơ làng bol khai dê gơlik rngòt rngơt dờng ngan, tài bơh Gabaôn la dô nơm ƀòn dờng, kung be dô nơm tòm ală ƀòn dờng bơtau dê, dờng rlau mơ ƀòn Ahi, mơ jơh ală cau klau gơ dê la cau ling jak tòmlơh.

Jôsue 10:2 Referans Kwoze

Yal Wơl 11:25

Ò gơs cau lơi rgơi ntào tòmdră mơ bol mê; jat be jơnau Jehôwa Yàng Tom Trồ bol mê dê neh ho gen Kơnràñ rơp dùh bơta rơm să mơ rngòt rngơt bơh bol mê hơđang jơh lơgar lơi mơ bol mê rơp tus.

Jôsue 2:24

Bol khai đơs mơ Jôsue lah: “Di ngan Yàng Jehôwa neh jào jơh lơgar tòm tê bol he dê; jơh làng bol tòm lơgar neh gơdô nùs rngòt di đap bol he.”

Hebrơ 10:31

Cau lơi dùh tòm tê Yàng Tom Trồ gam kis sùm gen la sơbơng roh ngan!

Hebrơ 10:27

mìng gam kơp gơn dô bă rngòt rngơt di bơta cahrña mơ ồs hơng rơp chu pơrguc ală cau sòdră di Yàng Tom Trồ.

Jơnau Pơnđik 10:24

Bơta lơi cau iơh bơsak rngòt rngơt, ngan rơp tus hơđang bol khai; Mơya cau song ring rơp geh be nùs he kơp kòñ.

II Samuel 12:26

Tŭ hơ̆ Jôap tòmlơh mơ Rapba cau Ammôn dê, mơ neh tòmpìt ai ƀòn dờng cau bơtau dê.

I Samuel 27:5

Gen Dabit đơs mơ Akis lah: “Dilah añ geh bơta nđàc di đap kơnràñ, dan ai añ in dô bă tiah tòm dô nơm ƀòn dềt nàng añ ơm tềng hơ̆. Ñchi bơh tài cau duh broă kơnràñ dê pal ơm tòm gơlang bal mơ bơtau taih?”

Yal Wơl 28:10

Gen jơh ală làng bol hơđang plai ù rơp gŏ la bol mê neh geh hòi sac bơh sơnđan Yàng Jehôwa, mơ bol khai rơp rngòt di bol mê.

Jôsue 9:3

Mơya tòm tŭ làng bol ơm tòm Gabaôn kơno bơta Jôsue neh lơh di Jerikô mơ Ahi,

Yal Wơl 2:25

Tòm ngai do Añ rơp sơntòm tơndùh bơta rơm să mơ rngòt rngơt bơh bol mê hơđang jơh ală làng bol ơm hơđang plai ù. Bol khai rơp kơno ală jơnau yal bơh bol mê mơ bol khai rơp rơm să mơ kơlôi rngòt tài bơh bol mê.’”

Jôsue 9:24

Bol khai đơs mơ Jôsue lah: “Ală cau duh broă ồng dê neh kơno loh làng mbe Jehôwa Yàng Tom Trồ ồng dê neh ai jơnau gơnoar sồr Môise in la cau duh broă Kơnràñ dê, nàng ai ồng in jơh lơgar do mơ tơnroh jơh ală làng bol tòm lơgar bơh di đap ồng. Behơ̆ bol hi rngòt roh bơta kis bol hi dê tòm tê ồng, gen tàng bol hi neh lơh bơta hơ̆.