Jơnau Niam Jat Mak 8:6 - Sră Goh 2018

⁶ Kơnràñ sồr mpồl làng bol nggui di ù. Chòp Kơnràñ ai poh nơm piang lă, ưnngài, gen dơrkă tong ală cau bơtê in, nàng tòmpà ală làng bol in. Gen cau bơtê tòmpà làng bol in.

Jơnau Niam Jat Mak 8:6 Referans Kwoze

Kôlôse 3:17

Dilah oh mi lơh bơta lơi, bulah jơnau đơs hala broă lơh, ai tĕ sơnđan Yàng Jesu mơ lơh jơh ală bơta, kơnòm di Kơnràñ mơ ưnngài Yàng Tom Trồ la Bèp.

Rôma 14:6

Cau prap gàr ngai la bơh Yàng mơ prap gàr; cau sa la bơh Yàng mơ sa, bơh bol khai ưnngài Yàng Tom Trồ; cau ò sa kung bơh Yàng mơ ò sa, mơ bol khai kung ưnngài Yàng Tom Trồ sơl.

Jang 6:23

Mơya gơs ală ơhò ndai bơh Tiberias lòt tus rềp di tiah bol khai neh sa piang lă tòm tŭ Yàng Jesu neh ưnngài rau.

Jang 2:5

Mè Kơnràñ đơs mơ ală cau dong broă lah: “Broă lơi Kơnràñ sồr gen lơh jat tĕ.”

Luka 24:30

Tòm tŭ Kơnràñ nggui di cơnòng sa bal mơ bol khai, gen Kơnràñ ai piang lă, ai lơngai, dơrkă mơ tong bol khai in.

Luka 12:37

Lơngai ală cau dĭ gơna hơ̆ in, dơ̆ cau tòm rê, gŏ bol khai ơm drơng kơp! Di ngan Añ đơs mơ bol mê, cau tòm rơp kơt but he, ai bol khai in nggui, mơ tus duh broă bol khai in.

Mathiơ 26:26

Tòm tŭ sa, Yàng Jesu ai piang lă, ưnngài, dơrkă, gen tong ală cau bơtê in mơ đơs lah: “Ai tĕ mơ sa, do la să jan añ.”

I Samuel 9:13

Tòm tŭ ală ồng mut tòm ƀòn dờng gen ală ồng rơp bàn khai lài mơ tŭ khai guh hơ tiah jơnhoa nàng sa. Làng bol rơp ò sa lài mơ tŭ khai tus, tài bơh khai pal ai lơngai phan ơn hơ̆ in; lồc behơ̆ ală cau geh jà rơp sa. Tŭ do guh tĕ; ală ồng rơp tìp khai tòm jơ do mo.”

Jơnau Niam Jat Mak 8:5

Kơnràñ lùp lah: “Bol mê gơs nđò nơm piang lă taih?” Bol khai đơs lah: “Gơs poh nơm.”

Jơnau Niam Jat Mak 8:7

Ală cau bơtê kung gơs dô êt ka dềt sơl; Yàng Jesu ai lơngai rau, gen kung sồr pà bol khai in sơl.

Jơnau Niam Jat Mak 8:20

“Ai tòm tŭ Añ dơrkă poh nơm piang lă ai poan rbô nă cau in, bol mê dòñ pet tơngkah bềng nđò bài dờng taih?” Bol khai ho lah: “Poh bài.”