Jơnau Niam Jat Mak 7:6 - Sră Goh 2018

⁶ Yàng Jesu ho lah: “Ơ cau ma blac, Esai neh đơs hwơr di ngan bơh bol mê, be neh cih lah, Yàng Tom Trồ đơs lah: ‘Làng bol do dòn duh Añ mơ bơr sơndồi gòi, Mơya nùs bol khai ngài ngan bơh Añ.

Jơnau Niam Jat Mak 7:6 Referans Kwoze

Esai 29:13

Yàng Jehôwa neh đơs lah: “Tài bơh làng bol do mìng ai bơr tus rềp mơ Añ, ai sơndồi jòng ro Añ, mơya nùs bol khai ơm ngài bơh Añ. Bơta bol khai duh khoai Añ mìng la jat bơta sồr lam kòn mơnus dê, bơtê bơta sồr lam mơ ò git wă.

Sră Pơyoa Pol Dê Pơyoa Tit In 1:16

Bol khai đơs lah bol khai git Yàng Tom Trồ, mơya ală broă lơh bol khai dê la pơndang sang Kơnràñ; cau cù kìr di bol khai, bol khai la cau ò dòn bơr mơ ò rgơi lơh dô nơm broă niam lơi.

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

II Timôthe 3:5

đah bơdìh gơlơh be duh rngòt, mơya neh pơndang sang gơnap gơnoar bơta hơ̆ dê. Ală cau behơ̆ gen mê pleh tĕ ngài.

Jang 5:42

Mơya Añ git bol mê ò gơs bơta kòñ gơboh Yàng Tom Trồ ơm tòm bol mê.

Jang 15:24

Dilah Añ ò lơh ală broă digùl bol khai la broă ò gơs cau lơi rgơi lơh, gen bol khai ò gơs glài, mơya tòm tŭ do bol khai neh gŏ, mơ gơjrañ di Añ bal mơ Bèp Añ sơl.

Broă 28:25

Tài bơh bol khai ò gơs dô nùs bal mơ gơp mơ kòñ lik rê, gen Pol đơs bơtơl mìng dô jơnau do: “Yàng Hwềng Goh neh đơs di ngan tòm tŭ Kơnràñ ngui cau gơnoar hwơr Esai nàng đơs mơ ồng pàng oh mi dê lah: