Jơnau Niam Jat Mak 7:22 - Sră Goh 2018

²² Hàm hà, rhung rhang, lac lèo, bung jang, gar mat iơh, tràl sơrbil, pơnhừ să, sơnrang sơnrồng.

Jơnau Niam Jat Mak 7:22 Referans Kwoze

Mathiơ 20:15

Ò di, añ ò gơs gơnoar ngui phan mơna añ jê jat nùs kòñ añ ò ơ? Hala bi gơs nùs ƀoah gơjrañ tài bơh añ sơrmah sơrmài ơ?’

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.

I Pier 2:15

Bơh nùs kòñ Yàng Tom Trồ dê la oh mi lơh broă niam nàng tơmềm bơr bơrngơl ală cau tùl gơla dê.

II Kôrintô 10:5

Bal mơ jơh ală bơta geh yò tơngguh sòdră mơ bơta dòp git Yàng Tom Trồ, mơ kup jơh ală bơta kơlôi sơnơng nàng dòn bơr Bơtau Krist.

Mathiơ 6:23

Mơya dilah mat mê ò niam, gen jơh să jan mê gơs klam jơngo. Behơ̆ dilah bơta àng tòm mê la klam jơngo, gen bơta klam jơngo do la dờng ò git nđò.”

Cau Bơto 7:25

Añ tơrwơl bơta kơlôi sơnơng añ jê, nàng git wă, sền sơwì, jòi jat bơta jak chài mơ sơntòm bồ dà ală jơi phan dê, mơ nàng git bơta iơh bơsak la bơrngơl gơla mơ bơta bơrngơl gơla la sơnrang sơnrồng.

Jơnau Pơnđik 28:22

Cau gơs nùs sềt pơniă, mhar gơlik pas gơs, mơ ò git lah bơta roh gơcoh ngan rơp tus.

Jơnau Pơnđik 27:22

Dilah kòn ngui rnai piah mơ piah cau bơrngơl gơla tòm mpal bal mơ kòi, gen bơta bơrngơl gơla khai kung ò lik bơh khai.

Jơnau Pơnđik 24:9

Bơta kơlôi sơnơng bơrngơl gơla hơ̆ la tồi glài; cau dơñŏ tơnhial ai lơh cù kìr kòn mơnus in.

Jơnau Pơnđik 23:6

Bañ sa piang lă cau gơs mat iơh bơsak dê, mơ bañ hàm kòñ ală phan sa bơkah khai dê.

Jơnau Pơnđik 22:15

Bơta bơrngơl gơla neh kơt tòm nùs kòn dềt; mơya mơng pù tơmàl rơp lơh bơta hơ̆ lik ngài.

Jơnau Pơnđik 12:23

Cau chài rgơi pồn bơta he git; Mơya nùs cau tùl gơla yal tơlik bơta lu sơnrang.

Đơs Crih 10:4

Cau iơh bơsak lơh muh mat pơnhừ să đơs lah: “Yàng Tom Trồ rơp ò jòi bàn;” Jơh ală bơta kơlôi sơnơng khai dê la: “Ò gơs Yàng Tom Trồ.”

II Yal Yau 32:31

Kung behơ̆ bơh bơta gơs mpồl cau kong sồr bơh ală cau at bồ Babilôn dê, tus nàng lùp khai bơh tềl krơi neh gơlik gơs tòm lơgar, Yàng Tom Trồ sang lòi khai nàng lòng khai mơ nàng git jơh ală bơta tòm nùs khai dê.

Yal Wơl 28:56

Cau ùr niam lơnhơn mơ git jơnau rlau jơh digùl bol mê, git jơnau mơ niam lơnhơn tian gơs ò jă di ù mơ kơndòl jơng khai dê, khai rơp jròk sa gơwèt mơ bau klau khai kòñ gơboh bal mơ kòn klau kòn ùr tòm khai dê,

Yal Wơl 28:54

Bulah cau gơs nùs niam lơnhơn mơ git jơnau rlau jơh digùl bol mê kung rơp ò nđàc di oh mi tòm khai dê hala di bau ùr khai kòñ gơboh hala di ală kòn sau gam kis bol khai dê,

Yal Wơl 15:9

Kơrhia tĕ bañ prap bơta kơlôi sơnơng iơh do: ‘Nam dơ̆ poh la nam toh jơh ală dồs rơp tus rềp,’ mơ bol mê ò yal tơlik nùs iơh gơwèt hơ oh mi siơ̆u siar bol mê dê mơ ò dong bol khai phan lơi. Bol khai rơp hòi lùp Yàng Jehôwa tòmdră mơ bol mê mơ bol mê rơp gơkòl àñ glài.

Đơs Crih 119:36

Dan lơh nùs añ in wèt hơ ală jơnau sồr kràñ cê Yàng dê; Bañ lòi añ wèt hơ bơta hàm hà.

Esai 59:7

Jơng bol khai ntoat mhar tus hơ bơta iơh bơsak, bol khai sơrbac sơrbang lơh gơhòr mhàm ò gơs glài; Ală bơta kơlôi sơnơng bol khai dê la ală bơta kơlôi sơnơng bơh bơta iơh bơsak, bơta tơnroh mơ bơta phà tơrlah ơm tòm gùng dà bol khai dê.

Esai 59:13

Bol hi neh tòmdră mơ pơndang sang Yàng Jehôwa, pơrlac ngài bơh di Yàng Tom Trồ bol hi dê, bol hi chồl bơta rồn bơklơn mơ tòmdră, bol hi đơs ală jơnau blac mơ bol hi neh đung tòm nùs.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Jơnau Niam Jat Mak 7:21

Ngan la bơh tòm dơlam, hơ̆ la bơh tòm nùs cau, sồng gơlik ală bơta kơlôi iơh, rềs àr, ntung kơñau, tơnchơt cau, bơrnàn.

Jơnau Niam Jat Mak 7:23

Jơh ală bơta iơh bơsak hơ̆ gơlik bơh tòm nùs mơ lơh cau in ƀơ̆ ƀơl.”