Jơnau Niam Jat Mak 6:4 - Sră Goh 2018

⁴ Mơ Yàng Jesu đơs mơ bol khai lah: “Cau gơnoar hwơr geh cau ki ngàm tòm ală tiah ndai, mơya mìng tòm ƀòn tòm khai, gơp bơtiàn khai, mơ tòm hìu nhă sền òsơp di khai.”

Jơnau Niam Jat Mak 6:4 Referans Kwoze

Jang 4:44

bơh să tòm Kơnràñ neh đơs nền lah dô nă cau gơnoar hwơr ò gơs cau sền dờng màng tòm lơgar tòm khai dê.

Luka 4:24

Gen Kơnràñ đơs lah: “Di ngan Añ đơs mơ bol mê, ò gơs cau gơnoar hwơr lơi geh dòp rò tòm ƀòn tòm khai dê.

Mathiơ 13:57

Gen bol khai gơtup tìs bơh Kơnràñ. Mơya Yàng Jesu đơs mơ bol khai lah: “Cau gơnoar hwơr ò gơs cau ki ngàm mìng tòm ƀòn tòm mơ hìu tòm khai dê lơm.”

Jeremi 12:6

Să tòm oh mi mê mơ hìu bèp mê Ơm tòmdră mơ mê, Bol khai kung driau dờng sòdră đah ngkòi mê tai sơl. Bulah bol khai đơs ală jơnau niam, Mê kung bañ dòn bol khai!

Jeremi 11:21

Gen tàng do la jơnau Yàng Jehôwa đơs bơh cau Anatôt, la cau kòñ tă bơta kis mê, mơ lah: “Dilah mê ò kòñ chơt bơh tê añ, gen bañ ai sơnđan Yàng Jehôwa mơ đơs hwơr!”

Jơnau Niam Jat Mak 6:1

Yàng Jesu ñă lòt bơh tềng hơ̆ mơ rê hơ ƀòn tòm Kơnràñ dê; gơs ală cau bơtê lòt jat bal sơl.