Jơnau Niam Jat Mak 15:10 - Sră Goh 2018

¹⁰ Bơh khai git loh ală cau gơnoar lam bồ ơn phan duh khoai bơtào Yàng Jesu bơh nùs ƀoah gơjrañ.

Jơnau Niam Jat Mak 15:10 Referans Kwoze

Jơnau Pơnđik 27:4

Bơta gơjrañ dờng ngan la iơh rmơh, mơ tŭ gơjrañ be dà tơrlah bơtơt; mơya ñcau rgơi ntào jai di đap bơta gơjrañ mañ taih?

Sră Pơyoa Pol Dê Pơyoa Tit In 3:3

Bơh lài òr bol he kung tùl gơla, ò dòn bơr, gơkòl cau pơrlồm, lơh gơs dĭ gơna ală bơta hàm kòñ is mơ ală bơta iơh bơsak mơ bơta tòmlah tòmring, kong cau gơjrañ kơuềng mơ kung gơjrañ kơuềng bal mơ gơp sơl.

Mathiơ 27:18

Bơh Pilat git loh bol hơ̆ bơtào Kơnràñ bơh nùs ƀoah gơjrañ.

I Jang 3:12

Bañ lơh be Kain, la cau bal mơ cà ràk mơ neh tơnchơt oh khai dê. Ñchi bơh tài khai tơnchơt oh khai taih? Tài bơh ală broă să tòm khai dê la iơh rmơh, ai ală broă oh khai dê la song ring.

Jakơ 4:5

Hala oh mi kơlôi Sră Goh đơs ò kwơ tòm tŭ đơs be do: “Hwềng mơ Kơnràñ neh ai ơm tòm nùs bol he, đềt mềr mơ bol he tian gơs ƀoah pơrñat.”

Broă 13:45

Mơya tòm tŭ gŏ mpồl làng bol oă gen ală cau Juda gơs bềng nùs ƀoah gơjrañ, tòmdră mơ jơnau bơto Pol dê mơ srat rma.

Cau Bơto 4:4

Gen añ kung neh gŏ ală broă bòl glar mơ ală cau chài rgơi lơh broă gơlik bơh bơta tòmpơrlòng dô nă cau dê mơ dô nă cau ndai. Bơta hơ̆ kung la bơta roh lơm, jat dô ròs càl khồm.

Sơnròp Gơlik Gơs 37:11

Ală bi khai ƀoah gơjrañ di khai, mơya bèp ò hŭi bơta hơ̆.

Jơnau Niam Jat Mak 15:9

Pilat lùp lah: “Bol mê kòñ añ hồ Bơtau làng bol Juda bol mê in sơl?”

Jơnau Niam Jat Mak 15:11

Mơya ală cau gơnoar lam bồ ơn phan duh khoai chồl mpồl làng bol dan mơ Pilat hồ Baraba bol khai in wơl.