Jơnau Niam Jat Mak 10:48 - Sră Goh 2018

⁴⁸ Gơs oă cau lah pơrhơng khai, sồr ơm mŏ mŏ, mơya khai sơlo hòi driau dờng rlau tai lah: “Ơ Kòn bơtau Dabit, dan nđàc sơngit di añ ƀà!”

Jơnau Niam Jat Mak 10:48 Referans Kwoze

Hebrơ 5:7

Yàng Jesu Krist tòm tŭ gam kis hơđang ù, neh hòi driau dờng, ñìm rac nàng hòi dan mơ rac dan mơ Yàng Tom Trồ la Bơtau rgơi dong tă Kơnràñ bơh bơta chơt, mơ bơh nùs duh rngòt song ngan Kơnràñ dê, gen geh Yàng Tom Trồ dòp jơnau.

Luka 18:39

Ală cau lòt lài lah pơrhơng khai, sồr ơm mŏ mŏ, mơya khai sơlo driau dờng rlau lah: “Ơ Kòn Dabit, dan nđàc sơngit di añ.”

Jơnau Niam Jat Mak 5:35

Tòm tŭ Yàng Jesu gam đơs jơnau do, gơs cau bơh hìu jum Jeru tus đơs mơ khai lah: “Kòn ùr ồng neh chơt rau, ñchi kòñ lơh tơmbòl tai Cau Bơto taih?”

Mathiơ 20:31

Mpồl làng bol lah pơrhơng bol khai, sồr ơm mŏ mŏ, mơya bol khai sơlo driau dờng rlau tai lah: “Ơ Yàng, Kòn Dabit, dan nđàc sơngit di bol hi.”

Mathiơ 19:13

Tŭ hơ̆ cau cèng ală kơnòm dềt tus hơ Yàng Jesu, nàng Kơnràñ ơn tê hơđang bol khai mơ hòi dan bol khai in, mơya ală cau bơtê lah pơrhơng ală cau cèng hơ̆.

Jeremi 29:13

Tòm tŭ bol mê jòi Añ, bol mê rơp bàn Añ, dilah bol mê jòi Añ jơh nùs.”

Đơs Crih 62:12

Mơ tai, ơ Yàng Jehôwa, bơta kòñ gơboh kơ̆ dơn gơrê bal mơ Kơnràñ; Bơh Kơnràñ tơm wơl kòp nă cau in jat be broă lơh bol khai dê.

Ephesô 6:18

Jơh nùs tĕ hòi dan mơ rac dan; tŭ lơi kung hòi dan tĕ kơnòm di Yàng Hwềng; bơh bơta hơ̆ drơng kơp tĕ, kơ̆ nùs wền dơngoh tòm jơh ală bơta mơ hòi dan jơh ală cau sàng goh in.

Mathiơ 9:27

Yàng Jesu lòt bơh tềng hơ̆, gơs bàr nă cau jơngo jat Kơnràñ mơ hòi lah: “Ơ Kòn Dabit, dan nđàc sơngit di bol hi.”

Jơnau Niam Jat Mak 10:13

Cau cèng ală kơnòm dềt tus hơ Yàng Jesu, nàng Kơnràñ in ơn tê hơđang bol khai. Ală cau bơtê lah pơrhơng ală cau cèng hơ̆.