Jôna 4:2 - Sră Goh 2018

² Khai hòi dan mơ Yàng Jehôwa lah: “Ơ Yàng Jehôwa, hơ̆ ò di la bơta mơ añ neh đơs tòm tŭ añ gam ơm tòm lơgar tòm añ jê ò ơ? Tài behơ̆ tàng añ sơrbac sơrbang dô pleh tus hơ Tarsi. Bơh añ git Kơnràñ la Yàng Tom Trồ gơs nùs kòñ nđàc, òbat gơjrañ, bềng bơta kòñ gơboh kơ̆ dơn, mơ tòmgơl nùs ò lơh glài.

Jôna 4:2 Referans Kwoze

Đơs Crih 86:15

Mơya, ơ Yàng, Kơnràñ la Yàng Tom Trồ gơs nùs kòñ nđàc mơ ai bơta nđàc, Òbat gơjrañ, gơs bơta dòn song mơ bơta kòñ gơboh kơ̆ dơn tơngkah tơngkañ.

Đơs Crih 145:8

Yàng Jehôwa ai bơta nđàc mơ gơs nùs kòñ nđàc, Òbat gơjrañ mơ bềng lìu bơta kòñ gơboh kơ̆ dơn.

Đơs Crih 86:5

Ơ Yàng, Yàng gơs nùs niam mơ toh glài, Gơs nùs kòñ gơboh kơ̆ dơn tơngkah tơngkañ gơwèt mơ ală cau hòi dan mơ Yàng.

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Jeremi 18:8

dilah lơgar mơ Añ đơs hơ̆ pơrlac sang bơta iơh gơ dê, gen Añ rơp tòmgơl nùs ò tơndùh bơta rung rài Añ lơh nền hơđang bol khai.

Lik Ejiptơ 32:14

Gen Yàng Jehôwa nđàc mơ ò đùh hơđang làng bol Kơnràñ dê bơta rung rài mơ Kơnràñ neh khơm rơp đùh hơđang bol khai.

Đơs Crih 78:38

Bulah behơ̆, bơh nùs kòñ nđàc Kơnràñ toh bơta tồi glài iơh bơsak bol khai dê. Ò tơnroh bol khai; oă dơ̆ Kơnràñ tơnruc bơta gơhào gơjrañ Kơnràñ dê, mơ ò gơrơndul jơh bơta gơjrañ dờng Kơnràñ dê.

Amôs 7:3

Behơ̆ Yàng Jehôwa tơmù nùs bơh bơta do, Yàng Jehôwa đơs lah: “Bơta hơ̆ rơp ò gơlik tus.”

Jôna 3:10

Tòm tŭ Yàng Tom Trồ gŏ bơta bol khai neh lơh, mbe bol khai neh pơrlac sang ală gùng iơh bơsak bol khai dê, Yàng Tom Trồ tòmgơl nùs bơh bơta rung rài mơ Kơnràñ neh đơs rơp tơndùh hơđang bol khai, mơ Kơnràñ neh ò lơh bơta hơ̆.

Jôna 1:3

Mơya Jôna dô hơ Tarsi nàng pleh bơh di Yàng Jehôwa. Khai mù tus hơ Jôppa, tềng hơ̆ khai tìp dô nơm ơhò lòt hơ rnơs hơ̆. Tơnơ̆ mơ tŭ neh tơm jền hào ơpah, khai hào ơhò lòt tus hơ Tarsi nàng dô pleh bơh di Yàng Jehôwa.

I Ală Bơtau 19:4

Ai să tòm khai gen lòt gùng tòm dô ngai tus tòm ƀlàng ngềt ngơt, tus nggui hơđơm chi pơnggŏ, mơ dan chơt lah: “Ơ Yàng Jehôwa! Neh tơl rau. Tă tĕ bơta kis añ, bơh añ ò niam rlau mơ ală ồng pàng añ jê.”

Amôs 7:6

Behơ̆ Yàng Jehôwa tơmù nùs bơh bơta do. Jehôwa Yàng Tom Trồ đơs lah: “Bơta hơ̆ kung rơp ò gơlik tus.”

Đơs Crih 90:13

Ơ Yàng Jehôwa, dan wèt sền di bol hi, bol hi gơn nđò jŏ taih? Dan nđàc sơngit di bol hi la cau duh broă Kơnràñ dê.

Luka 10:29

Mơya khai kòñ sơnđan is să he la song ring, gen đơs mơ Yàng Jesu lah: “Ñcau la cau gơp ƀòn añ taih?”

Jeremi 20:7

Ơ Yàng Jehôwa, Kơnràñ neh bơto pơndòm añ, Mơ añ neh geh bơto pơndòm; Kơnràñ pràn rlau mơ añ mơ Kơnràñ neh geh pha. Jơh ngai añ gơlik bơta dơñŏ tơnhial, Cau lơi kung bơtat bơtròh añ.

Yal Wơl 4:31

Bơh Jehôwa Yàng Tom Trồ bol mê dê la Yàng Tom Trồ gơs nùs nđàc sơngit, Kơnràñ rơp ò sang lòi hala tơnroh bol mê hala lòi hŭi bơta ho bal mơ ală ồng pàng bol mê dê mơ Kơnràñ neh srat sa ho bal nàng lơh nền.

Đơs Crih 103:8

Yàng Jehôwa gơs nùs nđàc sơngit mơ kòñ nđàc, Òbat gơhào gơjrañ, mơ bềng bơta kòñ gơboh kơ̆ dơn.

Jeremi 26:13

Tŭ do oh mi pal rcang wơl gùng dà mơ broă lơh oh mi dê, dòn bơr lơh jat tĕ jơnau đơs Jehôwa Yàng Tom Trồ oh mi dê, gen Yàng Jehôwa rơp tòmgơl bơh bơta rung rài mơ Kơnràñ neh yal tơnggit tòmdră mơ oh mi.

Jeremi 42:10

‘Dilah bol mê kư̆ ơm wơl tòm lơgar do, gen Añ rơp bơtào bol mê wơl mơ ò phà tơnroh, Añ rơp tam bol mê mơ ò dus sang; bơh Añ neh tòmgơl bơh bơta rung rài mơ Añ neh dùh hơđang bol mê.

Jôna 3:9

Ñcau git taih? Digơlan Yàng Tom Trồ rơp tòmgơl nùs mơ tơnruc bơta gơjrañ dờng Kơnràñ dê, mơ bol he rơp ò chơt roh.”