Jôel 3:7 - Sră Goh 2018

⁷ Mơya Añ rơp tơngguh bol khai bơh di tiah bol mê neh tac bol khai, mơ Añ rơp tuh wơl hơđang bồ bol mê dê ală bơta bol mê neh lơh.

Jôel 3:7 Referans Kwoze

Jeremi 23:8

Mơya đơs lah: ‘Ngan kung be Yàng Jehôwa kis sùm, hơ̆ la Bơtau neh cèng mơ tề lam ală kòn sau Israel rê wơl bơh đah đang mơ bơh ală lơgar Añ neh bơtrơh bol khai.’ Gen bol khai rơp ơm tòm lơgar tòm bol khai dê.”

II Tesalônika 1:6

Bơh dilah bơta song ring Yàng Tom Trồ dê la ai bơta jê sồt bòl glar sal tê ală cau neh lơh jê sồt bòl glar di oh mi,

Jeremi 30:16

Gen tàng ală cau loan mê rơp kong loan; Jơh ală cau sò tơm mê, kòp nă rơp kong kup cèng gơs dĭ; Ală cau phà kơñau bol mê rơp kong phà kơñau, Ai ală cau ơn dòm mê, Añ kung rơp lơh khai in kong ơn dòm.’

Jeremi 30:10

Yàng Jehôwa đơs: ‘Ơ Jakôp, mê la dĭ gơna Añ, bañ rngòt. Ơ Israel, bañ rngòt rngơt! Añ rơp dong klàs mê bơh tiah ngài, Mơ jơi bơtiàn mê bơh lơgar kong kup cèng gơs dĭ. Jakôp rơp rê wơl geh ring lơngai mơ lơngap lơngai, Ò gơs cau lơi lơh khai in rngòt rngơt.’

Yal Tơlik 19:2

Bơh ală bơta cahrña Kơnràñ dê la song ngan mơ song ring; Kơnràñ neh lơh nền glài cau ùr dri tơlàr dờng, la cau neh ai bơta rềs àr bơrnàn khai dê nàng lơh ồm lề plai ù, mơ Kơnràñ neh sal tê di khai bơh mhàm ală dĭ gơna Kơnràñ dê.”

Yal Tơlik 16:6

Bơh bol khai neh lơh gơhòr mhàm ală cau sàng goh mơ ală cau gơnoar hwơr dê, gen Kơnràñ neh ai bol khai in hùc mhàm, la di pal ngan!”

Yal Tơlik 13:10

Dilah neh lơh nền cau lơi pal kòl kup cèng, gen cau hơ̆ rơp kong kup cèng; dilah cau lơi pal kong chơt mơ đào, gen khai pal kong sreh chơt mơ đào sơl. Do la bơta kong ơt mơ bơta dòn ală cau sàng goh dê.

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.

Mathiơ 7:2

Bơh bol mê cahrña cau ndai be lơi, gen cau kung rơp cahrña di bol mê behơ̆ sơl; mơ bol mê was cau in mơ rnoas lơi, gen cau kung was wơl bol mê in mơ rnoas hơ̆.

Jôel 3:4

Ơ Tirơ mơ Sidôn, mơ jơh ală kơnhwàl lơgar Philistin dê, ñchi bơta bol mê tơm wơl Añ in taih? Bol mê kòñ sal wơl di Añ bơh ală broă Añ neh lơh ơ? Dilah bol mê sal wơl di Añ, Añ rơp sơrbac sơrbang mơ mhar tuh wơl hơđang bồ bol mê ală bơta bol mê neh lơh.

Ejekiel 38:8

Tơnơ̆ mơ oă ngai, mê rơp geh hòi mut tòm mpồl ling. Tòm ală nam rơp tus mê rơp tòmpìt ai dô nơm lơgar pa geh bơt bơtào wơl tơnơ̆ mơ bơta tòmlơh, làng bol gơ dê neh geh pơjum tơrgòm bơh digùl oă làng bol tus hơđang ală mơnơm Israel dê, la tiah neh jŏ rau sang lòi ngềt ngơt. Bol khai neh geh cèng lik bơh di ală làng bol, mơ tŭ do jơh tơl nă bol khai ơm lơngap lơngai.

Ejekiel 36:24

Bơh Añ rơp tă bol mê bơh di ală làng bol mơ tơrgòm bol mê bơh di jơh ală lơgar mơ cèng bol mê mut tòm lơgar tòm bol mê dê.

Jeremi 32:37

‘Añ rơp pơjum tơrgòm bol khai wơl bơh ală lơgar mơ Añ neh bơtrơh bol khai tài bơh gơhào gơjrañ, mơ gơjrañ dờng; Añ rơp cèng bol khai rê wơl tòm tiah do, lòi bol khai in ơm lơngap lơngai.

Jeremi 31:8

Ne, Añ rơp cèng bol khai rê wơl bơh lơgar đah đang, Pơjum wơl bol khai bơh ală tiah lồi plai ù. Tòm mpồl bol khai gơs cau jơngo, cau kwet, Cau ùr bun, cau ùr deh kòn, Dô bă bal dô mpồl dờng mơ rê wơl hơ do.

Esai 49:12

Do, ală cau do rơp tus bơh tiah ngài; cau ƀà rơp tus bơh đah đang, cau ƀà tus bơh đah mattơngai mut, cau ƀà tai tus bơh kơnhwàl Sinim.

Esai 11:12

Kơnràñ rơp bơtào dô nơm bồng bi ală lơgar in, mơ rơp pơjum wơl ală cau Israel neh kòl sang lòi; Kơnràñ rơp tơrgòm wơl làng bol Juda neh gơprah gơpring bơh di poan đah plai ù.

Este 7:10

Cau bơtau đơs lah: “Yồng tĕ ngko khai hơđang hơ̆!” Behơ̆ bol khai yồng Haman hơđang jrong yồng cau mơ khai neh rcang nàng yồng Mordike. Gen bơta gơjrañ bơtau dê geh rài.

I Samuel 15:33

Mơya Samuel đơs lah: “Kung be đào mê dê neh lơh ală cau ùr ò gam kòn, Behơ̆, mè mê kung rơp ò gam kòn digùl ală cau ùr sơl.” Gen Samuel tơnchơt Agak di đap Yàng Jehôwa tòm Gilgal.

Ală Kwang Cahrña 1:7

Gen Adôni Bejek đơs lah: “Poh jơt nă cau bơtau neh kong koh jơh ràs tê me mơ ràs jơng me, dòñ sa phan hơđơm cơnòng añ jê, Yàng Tom Trồ neh sal wơl bơta añ neh lơh.” Bol khai lam bơtau hơ̆ tus hơ Jerusalem mơ khai chơt tềng hơ̆.

Esai 66:6

Iat tĕ jơnau nggồr nggàc hơ̆ bơh ƀòn dờng; iat tĕ ntas hơ̆ bơh di hìu duh khoai! Hơ̆ la ntas Yàng Jehôwa dê, Kơnràñ tơm wơl ală cau sò tơm di Kơnràñ jơh ală bơta bol khai pal kong.

Sacari 9:13

Añ rơp wàr Juda kung be Añ wàr àtak Añ jê mơ ơn Epraim kung be kam gơ dê; Ơ Siôn, Añ rơp bơtào tơngguh ală kòn klau mê dê tòmdră mơ ală kòn klau Grek dê mơ Añ rơp ngui mê gơlik kung be dô nơm đào tòm tê pràn cau tòmlơh dê.