Jôel 1:4 - Sră Goh 2018

⁴ Phan lơi srah nting lòi wơl gen srah nting dờng sa; phan lơi srah nting dờng lòi wơl gen srah nting dềt sa; phan lơi srah nting dềt lòi wơl gen srah nting ndai sa.

Jôel 1:4 Referans Kwoze

Jôel 2:25

Añ rơp tơm wơl bol mê in bơh ală sơnam neh kong srah nting sa roh, srah nting dờng, srah nting dềt, srah nting ndai la mpồl ling dờng mơ Añ neh sồr tus digùl bol mê.

Amôs 4:9

“Añ neh pù lơh bol mê bơh bơta ro rañ, mơ but bơsềt; Añ neh lòi srau gòi ală suơn, mơ ală suơn ño bol mê dê; srah nting sa loan chi ƀal mơ chi ôlibe bol mê dê, mơya bol mê kung ò rê wơl mơ Añ.” Yàng Jehôwa đơs behơ̆.

Amôs 7:1

Do la bơta mơ Jehôwa Yàng Tom Trồ neh sơnio añ in: Kơnràñ lơh gơs srah nting di di tŭ ñhơt sơntòm hòn wơl, hơ̆ la ñhơt hòn wơl tơnơ̆ mơ tŭ koh ñhơt bơtau dê.

Esai 33:4

Ơ ală lơgar, phan kup geh bol mê dê rơp kòl tơrgòm be ală tu kòng kìm; cau brồ tus hơđang gơ be dô mpồl srah nting.

Đơs Crih 78:46

Kơnràñ jào phi mìr sre bol khai dê ală tu in sa, Mơ jào phi plai đo bơh tơngai broă bol khai dê ală srah in sa.

Lik Ejiptơ 10:4

Dilah mê ò bài lòi bol khai in lik lòt, ngai hìng Añ rơp cèng srah nting tus tòm lơgar mê dê.

Jeremi 51:14

Yàng Jehôwa Gơnap Gơnoar neh ai să he mơ srat să lah: ‘Añ ngan rơp lơh mê in bềng mpồl ling, gal be srah nting; rơp driau bơta pha lin hơđang mê.’

Đơs Crih 105:34

Kơnràñ đơs, gen tus srah nting, Mơ srah par tus oă ngan ò git nđò;

II Yal Yau 7:13

Tòm tŭ Añ kal ală tap trồ nàng ò gơs mìu hala ai jơnau gơnoar sồr ală srah nting sa loan tòm lơgar, hala sồr bơta kòp jê pluh plàng tus digùl làng bol Añ jê,

Yal Wơl 28:38

Bol mê rơp sih oă gar kòi tòm ƀlàng sre mơya bol mê rơp toès mìng dô êt lơm tài bơh ală srah nting rơp sa loan gơ.

Jeremi 51:27

“Bơtào tĕ bồng bi tòm lơgar; Uh kơlwòk tòm ală lơgar; Rcang sir ală làng bol tòmlơh mơ gơ! Pơjum tĕ ală lơgar Ararat, Mini, Askena, tus lơh gơ! Bơtào tĕ dô nă kwang at bồ mpồl ling! Cèng tĕ ală ơseh guh kung be srah nting!

I Ală Bơtau 8:37

Dilah tòm lơgar gơlik gơs bơta jơgloh rung, pluh plàng, ro rañ, but bơsềt ồm lề, srah nting, srah, hala gơs cau sò tơm gòm gơrwàng ală tiah ơm bol khai dê, hala gơs bơta rung rài, kòp jê lơi;

II Yal Yau 6:28

Dilah gơs bơta jơgloh rung hala bơta kòp jê pluh plàng tòm lơgar, ro jrùh chi che, but bơsềt bơh dà tŭ, srah nting hala tu; dilah ală cau sò tơm gơrwàng bol khai bơh bơta lơh pơnring lơi tòm lơgar; bulah gơs bơta jê sồt, bulah gơs bơta kòp jê lơi;

Yal Wơl 28:42

Ală mpồl srah nting rơp sa roh jơh ală chi che bal mơ kòi mbo lơgar bol mê dê.

Lik Ejiptơ 10:5

Bol gơ rơp jơm gòm ù tian gơs cau ò rgơi sền gŏ ù tai. Bol gơ rơp sa roh jơh ală phan mìu piar lòi wơl; bal mơ ală chi hòn tòm ƀlàng sre bol mê dê.

Malaci 3:11

Añ rơp lah pơrhơng srah nting nàng gơ ò sa tơnroh ală plai đo bơh ù bol mê dê; mơ ală tòm ño tòm ală suơn bol mê dê rơp ò rung plai gơ dê lài mơ tŭ tus kơnhai pic plai,” Yàng Jehôwa Gơnap Gơnoar Dờng Làm Jơh đơs behơ̆.