Jeremi 9:11 - Sră Goh 2018

¹¹ “Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Jeremi 9:11 Referans Kwoze

Esai 25:2

Kơnràñ neh lơh ƀòn dờng in gơlik gơs dô gơnru bơcah lề, ƀòn dờng kơ̆ cê in gơlik gơs ƀòn dờng tơrlah tơrlơm, gơlang làng bol bơdìh ò gam la dô nơm ƀòn dờng tai, gơ rơp ò gơs tŭ lơi geh bơt bơtào wơl.

Jeremi 51:37

Babilôn rơp gơlik gơs gơnru tơrlah tơrlơm, Trồm so rhau ơm, Tiah ƀơ̆ iơh mơ bơrsèl tơnhial, Ò gơs làng bol ơm tai.

Jeremi 10:22

Iat tĕ, dô sap đơs! Iat tĕ, gơ neh tus, gơs bơta nggồr nggàc dờng tus bơh đah đang, lơh ală ƀòn Juda dê gơlik gơs tiah lòi srau, gơlik gơs trồm so rhau ơm.

Esai 34:13

Tòm lò rơp hòn làm tòm gơlang bơtau, lò mơ lò mrơt hòn tòm theng kơp gàr. Tềng hơ̆ rơp gơlik gơs tiah lòt rê so rhau dê, tiah ơm sềm klàng kò dê.

Esai 13:22

So rhau rơp khoal tòm ală theng kơp gàr kơ̆ cê gơ dê, so brê khoal tòm hìu gơlang dờng gơ dê. Tŭ tơngai gơ dê neh tus rềp, ală ngai gơ dê ò gam jŏ jòng tai.

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Ñìm Rac 3:47

Bơta rngòt rngơt, trồm jrô gơdùh hơđang bol hi bơta tơnroh, mơ tơrlah tơrling.”

Ñìm Rac 2:2

Yàng neh tơnroh ò nđàc sơngit, jơh ală tiah ơm Jakôp dê. Tòm bơta gơjrañ Kơnràñ dê, Kơnràñ neh lơh tơrlơm ală theng kơ̆ cê kòn ùr Juda dê; Kơnràñ neh tơmù tus di ù, tòm bơta ƀàssìl lơgar mơ ală kwang at bồ gơ dê.

Jeremi 34:22

Yàng Jehôwa đơs: ‘Añ rơp ai gơnoar sồr mơ lơh bol khai in rê wơl hơ ƀòn do; bol khai rơp lơh, rơp tòmpìt ai, mơ ai ồs chu pơrguc gơ. Añ rơp lơh ală ƀòn Juda gơlik gơs tiah sang lòi ngềt ngơt, ò gơs làng bol ơm.’”

Jeremi 26:18

“Mice ơm tòm Môreset, la cau đơs hwơr bơh rài Ejekia, bơtau Juda, neh đơs mơ jơh làng bol Juda lah: Yàng Jehôwa Gơnap Gơnoar đơs be do: ‘Siôn rơp kong troă kung be sre, Jerusalem rơp gơlik gơs kung be gơnru lŭ, Mơnơm Hìu duh khoai rơp gơlik gơs tiah brê dơr.’

Jeremi 25:11

Jơh lơgar do rơp gơlik gơs tiah sang lòi ngềt ngơt cù kìr, ală lơgar do rơp dòn duh bơtau Babilôn tòm poh jơt sơnam.’

Đơs Crih 79:1

Ơ Yàng Tom Trồ, ală làng bol bơdìh neh mut tòm sre brê Yàng dê, Lơh ƀơ̆ ƀơl Hìu Duh Khoai Sàng Goh Yàng dê, Mơ lòi Jerusalem in gơlik gơs lề lac.

Mice 6:16

Mê neh prap gàr ală bơta sồr lam Ômri dê, mơ jơh ală broă lơh hìu Ahap dê, mê neh lòt jat ală bơta bơyai bol khai dê. Gen tàng Añ rơp lơh mê in kòl sang srau gòi, làng bol mê tòm bơta bơtat bơtròh; Behơ̆ mê rơp kong àñ bơta sền òsơp làng bol Añ jê.

Mice 1:6

Behơ̆ tàng Añ rơp lơh Samari in gơlik gơs dô gơnru tơrlah tơrlơm tòm ƀlàng sre, dô bă tiah nàng tam ală suơn ño. Añ rơp tơndùh ală pơnai lŭ khai dê tòm thòng, mơ lòi ală mơnàng gơ dê ơm kuh.

Jeremi 26:9

Ñchi bơh tài mê ai sơnđan Yàng Jehôwa mơ đơs hwơr lah: ‘Hìu do rơp gơlik gơs kung be Silô, ƀòn dờng do rơp lòi srau mơ ò gơs cau ơm taih’?” Tŭ hơ̆ jơh làng bol gơrwàng gùt dar Jeremi tòm hìu Yàng Jehôwa.

Jeremi 25:18

Ai Jerusalem mơ ală ƀòn Juda dê, ală bơtau mơ ală kwang at bồ gơ dê, lơh bol gơ in gơlik gơs tiah sang lòi ngềt ngơt, kong sền òsơp, kong srat sơntơm kung be ngai do;

Esai 44:26

la Bơtau neh lơh gơlik gơs tòm toh be jơnau đơs ală cau duh broă Añ jê, mơ lơh gơlik di ngan ală jơnau đơs lài ală cau kong sồr Añ jê, la Bơtau neh đơs bơh Jerusalem lah: ‘Gơ rơp gơs cau ơm tòm hơ̆,’ bơh ală ƀòn dờng Juda lah: ‘Gơ rơp geh bơt bơtào, Añ rơp bơt bơtào wơl ală tiah hơ̆;’

Nehemi 4:2

Mơ đơs di đap ală cau lơh gơs dô mpồl bal mơ khai mơ di đap mpồl ling Samari dê lah: “Ñchi ală cau Juda òsô ò soàn hơ̆ ơm lơh taih? Bol khai rơp bơt wơl ală bơta sơl ơ? Bol khai rơp ơn phan duh khoai ơ? Bol khai rơp lơh sir tòm dô ngai ơ? Bol khai rơp ai ală lŭ gam wơl tòm gơnru thul ơmul hơ̆ mơ ai dô nơm lŭ neh ồs sa hơ̆ nàng lơh ơ?”

Yal Tơlik 18:2

Khai hòi driau dờng lah: “Babilôn dờng neh tơrlah tơrlơm, tơrlah tơrlơm rau! Gơlik gơs tiah ơm ală cà dê, rsòn jơh ală cà ƀơ̆ iơh, mơ rsòn jơh ală jơi sềm ƀơ̆ ƀơl cù kìr,

Lebi 26:32

Añ rơp lơh lơgar gơlik gơs tiah sang lòi rhàng gòi, tian gơs ală cau sò tơm di bol mê ơm tềng hơ̆ kung ai lơh krơi ngan.

Đơs Crih 44:19

Bulah behơ̆, Yàng neh lơh bol hi in lề lac tòm tiah so brê ơm, Ơn bol hi tòm bơta klam jơngo cik.

Jeremi 1:15

Behơ̆ gen, Añ rơp hòi jơh ală jơi bơtiàn ală làng bol đah đang, Yàng Jehôwa đơs behơ̆; bol khai rơp tus, mơ cau lơi kung ơn sơbàn he dê di mpồng dờng Jerusalem, gơrwàng lơh ală dơrñang gùt dar gơ, mơ sò tơm ală ƀòn Juda dê.

Jeremi 4:27

Bơh Yàng Jehôwa đơs be do: “Jơh lơgar rơp kòl sang srau gòi, Mơya Añ ò tơnroh jơh.

Jeremi 44:2

Yàng Jehôwa Gơnap Gơnoar, Yàng Tom Trồ Israel dê đơs be do: “Bol mê neh gŏ ală bơta rung rài mơ Añ neh tơndùh hơđang Jerusalem mơ ală ƀòn Juda dê. Ne, ală ƀòn hơ̆ ngai do gơkòl sang lòi ngềt ngơt ò gơs cau ơm,

Jeremi 49:33

“Hajor rơp gơlik gơs trồm pì òng, La tiah lòi srau sùm sùm. Ò gơs cau lơi ơm tềng hơ̆ tai, ò gơs dô nă cau lơi ơm tềng hơ̆!”

Jeremi 50:3

Bơh gơs dô làng bol tus bơh đah đang tòmdră mơ gơ, lơh lơgar gơ dê gơlik gơs ngềt ngơt, ò gơs làng bol ơm tai; cau mơ phan poan jơng rơp dô pleh jơh.”

Ñìm Rac 1:4

Ală gùng lòt hơ Siôn ñìm rac moat jrùng, bơh ò gơs cau tus pơjum sa chò hòp tai. Ală mpồng ƀòn dờng khai dê rhàng srau, ală cau gơnoar ơn phan duh khoai khai rơnđơh; Ală cau ơruh khai dê jê sồt bòl glar, mơ pơnah khai dê la bơta sràt bơtang.

Yal Wơl 29:23

Jơh dô nơm lơgar rơp gơlik kung be dô bă tiah sang lòi gòi bơh neh ồs sa, gơs mìng boh mơ siau, ò tùc tam, ò phan lơi hòn lik, ò chi che biap nha lơi hòn tềng hơ̆. Gơ rơp gơlik gơs kung be bơta tơnroh Sôdôm mơ Gômôrơ, Atma mơ Sebôim mơ Yàng Jehôwa neh tơnroh tòm bơta gơjrañ dờng Kơnràñ dê.

Đơs Crih 107:43

Cau lơi jak chài gen kơlôi sơnơng tĕ di ală bơta hơ̆, Mơ kơlôi sơnơng bơh bơta kòñ gơboh kơ̆ dơn Yàng Jehôwa dê.

Jeremi 8:22

Tòm Galaat ò gơs kơlhô ơ? Ò gơs cau gơnoar sơnơm ơm tềng hơ̆ ơ? Behơ̆, ñchi bơh tài bơta kòp jê làng bol añ jê ò geh sơmbòi taih?

Jeremi 16:10

Tŭ mê cèng jơnau do yal wơl làng bol in, bol khai ngan rơp lùp mê lah: ‘Ñchi bơh tài Yàng Jehôwa yal tơlik ală bơta rung rài do bol hi in taih? Bol hi gơs glài lơi? Tồi glài tòmdră lơi mơ bol hi neh tìs mơ Jehôwa Yàng Tom Trồ bol hi taih?’