Jeremi 7:24 - Sră Goh 2018

²⁴ Mơya bol khai ò dòn bơr, mơ ò ai tồr iat, kư̆ kơldang nùs tòm bơta iơh bơsak nùs kòñ bol khai dê, bol khai cơnđòa lòt tòm bơta kơlôi bơyai is bol khai dê, mơ tơnggòr hơ ngkòi, ò cơnđòa lòt hơđap.

Jeremi 7:24 Referans Kwoze

Jeremi 8:5

Behơ̆ ñchi bơh tài làng bol kư̆ dô ngài? Tòm bơta kư̆ tìs wơl sùm sùm ơ? Bol khai sơmbat prap bơta blac chừt, Bol khai ò bài rê wơl.

Jeremi 7:26

Mơya bol khai ò iat Añ, ò ơn tồr kơno, mơya lơh ngko bol khai kră kơldang. Bol khai lơh bơta iơh rmơh oă rlau mơ ồng pàng bol khai neh lơh.”

Yal Wơl 29:19

Jơh ală cau kơno ală jơnau srat să ho nền do, hừh nùs mơ kơlôi sơnơng is tòm nùs lah: ‘Añ rơp geh lơngap lơngai bulah añ kư̆ kơldang nùs lòt jat gùng is añ jê.’ Bơta hơ̆ rơp cèng tus bơta rung rài hơđang ù tiah sùh kung be hơđang ù tiah ro rañ.

Ejekiel 20:13

Mơya hìu Israel tòmdră mơ Añ tòm ƀlàng ngềt ngơt; bol khai ò lơh jat jơnau sồr Añ jê, mơya sang lòi ală bơta sồr lam Añ jê, bulah cau lơi lơh jat gen rơp geh kis bơh gơ, mơ bol khai neh sền òsơp oă ngan di ală ngai Saƀat Añ jê. Behơ̆ Añ neh kơlôi Añ rơp tuh bơta gơjrañ dờng Añ jê hơđang bol khai tòm ƀlàng ngềt ngơt, nàng tơnroh bol khai.

Jeremi 32:33

Bol khai ò wèt mat mơ Añ, mơya wèt ngkòi. Bulah Añ neh bơto sồr bol khai, guh gòñ mơ bơto tơngkah, mơya bol khai ò bài iat, ò dòp bơta bơto sồr.

Sră Ôse 4:16

Bơh Israel kơldang bồ kung be dô nơm kơnrồ dra kơldang bồ, gen mbe Yàng Jehôwa rgơi ròng siam bol khai kung be belàt kòn tòm ƀlàng ñhơt taih?

Ejekiel 20:21

Mơya ală kòn sau pơrlơ̆ dră mơ Añ; bol khai neh ò lơh jat ală jơnau sồr Añ jê, bol khai neh ò kơrhia prap gàr ală bơta boh lam Añ jê, bơh cau lơi lơh jat gen kòp nă rơp geh kis; mơ bol khai sền òsơp di ală ngai Saƀat Añ jê. Gen Añ kơlôi Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm ƀlàng ngềt ngơt.

Ejekiel 20:8

Mơya bol khai tòmdră mơ Añ, ò bài iat jơnau Añ; kung ò sang lòi ală rùp ràk Ejiptơ dê. Behơ̆ Añ đơs lah Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm lơgar Ejiptơ.

Jeremi 15:6

Yàng Jehôwa đơs lah: “Mê neh sang lòi Añ, Mê neh lòt ruc hơ ngkòi, Gen tàng Añ neh pò tê tòmdră mơ tơnroh mê. Añ neh làp dil bơta nđàc sơngit.

Jeremi 3:17

Tòm rài hơ̆ cau rơp sơnđan Jerusalem la sơbàn Yàng Jehôwa dê, mơ jơh ală lơgar gen pơjum wơl tòm Jerusalem, bơh sơnđan Yàng Jehôwa; mơ ò cơnđòa jat bơta kră kơldang nùs iơh bơsak he dê tai.

Jeremi 2:27

Bol khai đơs mơ dô nơm chi lah: ‘Kơnràñ la bèp añ,’ mơ đơs mơ lŭ lah: ‘Kơnràñ neh tơnggơs añ.’ Bơh bol khai neh wèt ngkòi hơ Añ, Mơ ò di la muh mat bol khai dê. Mơya, tòm tŭ rung rài, bol khai đơs lah: ‘Tus tĕ, dong kòl bol hi!’

Nehemi 9:29

Kơnràñ kung neh pơrhơng nàng lam bol khai rê wơl hơ bơta boh lam Kơnràñ dê. Bulah behơ̆, bol khai neh lơh lòt dô bă pơnhừ să, ò lơh jat ală gơnoar sồr Kơnràñ dê, tìs glài mơ bơta sồr lam mơ dilah cau lơi lơh jat bơta hơ̆ gen khai geh kis. Bol khai kơldang nùs wèt ngkòi hơ Kơnràñ, kơldang bồ mơ ò bài dòn bơr.

Ejekiel 20:16

Tài bơh bol khai neh sang lòi ală bơta boh lam Añ jê, mơ ò lơh jat ală jơnau sồr Añ jê, mơ sền òsơp di ală ngai Saƀat Añ, bơh nùs bol khai wèt hơ ală rùp ràk bol khai dê.

Jeremi 23:17

Bol khai kư̆ yal mơ cau sền òsơp di Añ lah: ‘Yàng Jehôwa đơs, bol mê rơp geh lơngap lơngai.’ Kung đơs mơ ală cau cơnđòa jat bơta kơldang nùs he dê lah: ‘Ò gơs bơta rung rài lơi rơp gơtơntus hơđang bol mê.’

Jeremi 9:14

Mơya bol khai kơldang bồ lòt jat nùs is bol khai dê, jat ală yàng Baal mơ ồng pàng bol khai neh bơto bol khai.”

Jeremi 13:11

Yàng Jehôwa đơs: “Kung be dô nơm che but gơđềt di but cau, gen Añ lơh jơh hìu Israel mơ jơh hìu Juda gơđềt mơ Añ kung behơ̆, nàng bol khai lơh gơs dô làng bol Añ, dô sơnđan, dô bơta jòng ro, mơ dô bơta gơklŏ Añ in, mơya bol khai ò bài iat.

Jeremi 16:12

Ai bol mê lơh bơta iơh rlau mơ ồng pàng bol mê dê; mơ do, bol mê kòp nă lơh jat nùs iơh kră kơldang bol mê dê, ò bài iat Añ.

Jeremi 17:23

Mơya, bol khai ò bài iat, ò bài ơn tồr kơno; bol khai kơldang ngko mơ ò bài iat Añ mơ ò bài dòp jơnau nting sồr.’

Jeremi 18:10

mơya dilah lơgar hơ̆ lơh bơta iơh di đap Añ mơ ò iat jơnau Añ, gen Añ rơp tòmgơl nùs bơh bơta lơngai mơ Añ lơh nền bol khai in.

Jeremi 18:12

Mơya bol khai đơs lah: ‘Hơ̆ la bơta ò kwơ! Bol hi kư̆ jat bơta rơndap bol hi dê; mơ kòp nă tòm bol hi rơp lơh jat bơta kră kơldang nùs iơh bol hi dê.’”

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Sră Ôse 10:6

Bơh să tòm gơ kung rơp kong cèng tus hơ Asiri lơh gơs phan ơn cau bơtau dờng lơgar hơ̆ in. Epraim rơp kong sền òsơp, mơ Israel rơp kong ƀàssìl ƀàsso bơh ală rùp ràk bol khai dê.

Mice 6:16

Mê neh prap gàr ală bơta sồr lam Ômri dê, mơ jơh ală broă lơh hìu Ahap dê, mê neh lòt jat ală bơta bơyai bol khai dê. Gen tàng Añ rơp lơh mê in kòl sang srau gòi, làng bol mê tòm bơta bơtat bơtròh; Behơ̆ mê rơp kong àñ bơta sền òsơp làng bol Añ jê.

Đơs Crih 81:13

Ô! Kơp kòñ làng bol Añ jê iat jơnau Añ, Kơp kòñ Israel lòt tòm ală gùng dà Añ jê!

Jeremi 3:13

‘Mìng mê pal dòp git tồi glài mê dê, Mê neh pơrlơ̆ dră mơ Jehôwa Yàng Tom Trồ mê dê; Mê neh lòt nrah nring digùl ală yàng ndai hơđơm kòp nơm chi tơlir, Mơ ò lơh jat jơnau Añ.’” Yàng Jehôwa đơs behơ̆.

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Jeremi 13:10

Làng bol iơh do ò bài iat jơnau Añ, cơnđòa jat bơta kơldang nùs bol khai dê, jat ală yàng ndai duh broă mơ duh khoai bol gơ, gen rơp gơlik kung be che but do ò gam niam dô êt lơi.”

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Jeremi 22:21

Añ neh đơs mơ mê tòm tŭ mê ơm tòm bơta bơtoah bơtoài; mơya mê đơs lah: ‘Añ ò bài iat.’ Do la gùng dà mê bơh tŭ kơnòm să, Mê neh ò dòn jơnau Añ.

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Daniel 9:6

Bol hi neh ò iat jơnau ală cau duh broă Kơnràñ dê la ală cau gơnoar hwơr neh ai sơnđan Kơnràñ mơ đơs mơ ală cau bơtau, ală cau kwang at bồ, ală ồng pàng bol hi dê, bal mơ jơh làng bol tòm lơgar.

Sacari 7:11

Mơya bol khai ò bài ơn nùs tồr, mơ wèt ngkòi kră kơldang, mơ sềt tồr ò bài iat.