Jeremi 6:10 - Sră Goh 2018

¹⁰ Añ rơp đơs mơ ñcau, mơ sồr cau lơi kơrhia, Nàng bol khai rgơi kơno taih? Ne, tồr bol khai neh sềt, bol khai ò rgơi kơno. Jơnau Yàng Jehôwa dê gơwèt mơ bol khai be phan sền òsơp, Bol khai ò lơh niam nùs tòm gơ.

Jeremi 6:10 Referans Kwoze

Broă 7:51

Ơ ală cau kơldang bồ, nùs mơ tồr ò siat gơltau ne! Ală ồng tòmdră sùm mơ Yàng Hwềng Goh; ồng pàng ală ồng dê be lơi gen ală ồng kung behơ̆ sơl!

Jang 7:7

Dunnia ò rgơi gơjrañ kơuềng di bol mê, mơya gơjrañ kơuềng di Añ, tài bơh Añ lơh cơng dunnia in git lah ală broă bol khai dê la iơh bơsak.

Jeremi 7:26

Mơya bol khai ò iat Añ, ò ơn tồr kơno, mơya lơh ngko bol khai kră kơldang. Bol khai lơh bơta iơh rmơh oă rlau mơ ồng pàng bol khai neh lơh.”

Hebrơ 11:7

Bơh bơta dòn Nôe geh Yàng yal lài bơh ală bơta òhềt gŏ, khai gơs nùs duh rngòt mơ lơh gơs dô nơm ơhò nàng dong klàs hìu nhă khai dê; bơh bơta dòn hơ̆ khai lơh nền glài dunnia, mơ khai gơlik gơs cau pơrdòn bơta song ring bơh bơta dòn.

Esai 53:1

Ñcau neh dòn ală jơnau bol he kơno? Mơ tơwòr tê Yàng Jehôwa dê neh geh ràng tơlik ñcau in taih?

Lik Ejiptơ 6:12

Mơya Môise đơs mơ Yàng Jehôwa lah: “Làng bol Israel rơp ò iat añ tài bơh añ ò jak đơs, gen Pharaôn rơp iat añ ơ?”

II Timôthe 4:3

Bơh tŭ tơngai rơp tus mơ cau ò bài iat bơta bơto sồr jơnau song; mơya bơh bol khai kòñ iat jơnau bơkah tồr, gen rơp jat nùs hàm kòñ is he dê mơ pơjum ală cau bơto ơm gùt dar he,

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

Rôma 7:22

Bơh jat cau đah dơlam, añ geh hừh nùs tòm bơta boh lam Yàng Tom Trồ dê;

Broă 7:60

Gen khai cùn gơltang, hòi dờng lah: “Khoai Yàng, dan bañ tuh glài do hơđang bol khai!” Lồc khai đơs jơnau hơ̆ gen bic tơn.

Jang 9:40

Ală cau Pharisi ơm rềp tềng hơ̆ kơno ală jơnau hơ̆, gen đơs mơ Kơnràñ lah: “Bol hi kung la cau jơngo sơl ơ?”

Luka 20:19

Ală cau bơto bơta boh lam mơ ală cau gơnoar lam bồ ơn phan duh khoai git Kơnràñ đơs pơnyơu hơ̆ la sơnio bơh bol khai, gen tòm jơ hơ̆ bol khai jòi bơta nàng kup Kơnràñ, mơya bol khai rngòt di làng bol.

Luka 11:45

Digùl ală cau bơto bơta boh lam, gơs dô nă cau đơs mơ Kơnràñ lah: “Ơ Cau Bơto, ồng đơs behơ̆ kung gơlơh ƀàssìl di bol hi sơl.”

Mathiơ 3:7

Mơya tòm tŭ Jang gŏ oă cau Pharisi mơ cau Saduse tus hơ khai nàng gơs Ƀaptem, gen khai đơs mơ bol hơ̆ lah: “Ơ jơi bơtiàn bơs tur ne, ñcau neh yal bol mê in pleh klàs dê bơta gơjrañ dờng rơp tus taih?

Amôs 7:10

Gen Amajiah, cau gơnoar ơn phan duh khoai Betel dê, pơyoa jơnau đơs mơ Jerôbôam la bơtau Israel dê lah: “Amôs bơtào kai gơrmơ̆i tòmdră mơ bơtau tòm làm bă tiah digùl hìu Israel. Lơgar ò rgơi ơnòng jai jơh ală jơnau khai dê.

Ejekiel 33:9

Mơya dilah mê neh yal tơnggit lài cau iơh bơsak in nàng khai pleh bơh ală gùng dà bol khai dê, mơya bol khai ò pleh bơh gùng dà bol khai dê, gen cau iơh bơsak rơp chơt bơh tồi glài bol khai dê, ai mê rơp geh dong klàs bơta kis mê dê.”

Ejekiel 33:3

mơ dilah cau kơp gàr gŏ đào tus hơđang lơgar gen khai uh kơlwòk nàng yal tơnggit lài làng bol in,

Jeremi 4:4

Ơ bol mê, la cau Juda mơ làng bol ơm tòm Jerusalem, Siat gơltau tĕ să tòm he Yàng Jehôwa in, Mơ siat gơltau nùs bol mê dê! Dilah ò behơ̆, bơta gơjrañ Añ rơp hơng kung be ồs, Chu pơrguc bol mê, mơ ò gơs cau lơi đơp chơt gơ ò, Tài bơh ală bơta iơh bol mê neh lơh.”

Đơs Crih 119:174

Ơ Yàng Jehôwa, añ kơp kòñ ngan bơta dong klàs Yàng dê; Añ hừh nùs bơh bơta boh lam Kơnràñ dê.

Đơs Crih 119:77

Dan bơta kòñ nđàc Yàng dê tus mơ añ, nàng añ in geh kis; Bơh bơta boh lam Kơnràñ dê lơh añ in hừh nùs.

Đơs Crih 119:70

Nùs bol khai dê lơmă mơ ală alai, Ai añ gen hừh nùs tòm bơta boh lam Yàng dê.

Đơs Crih 119:35

Dan lam añ lòt tòm gùng bơta sồr lam Yàng dê, Bơh añ hừh nùs jat gùng hơ̆.

Đơs Crih 119:24

Añ hừh nùs bơh ală jơnau sồr kràñ cê Yàng dê, Ală jơnau hơ̆ kung be ală cau gơnoar bơyai broă añ jê.

Đơs Crih 119:16

Añ rơp hừh nùs tòm ală jơnau sồr Yàng dê; Añ rơp ò hŭi jơnau Kơnràñ dê.

Đơs Crih 40:8

Ơ Yàng Tom Trồ añ jê, añ chò hòp lơh jat nùs kòñ Kơnràñ dê; Bơta boh lam Yàng dê ơm tòm nùs añ.”

Đơs Crih 1:2

Mơya khai chò hòp bơh bơta boh lam Yàng Jehôwa dê, Mơ kơlôi sơnơng bơh bơta boh lam hơ̆ ngai mơ mang.

Yal Wơl 29:4

Mơya jơl tus di tŭ do Yàng Jehôwa òhềt ai bol mê in dơngoh jak nàng git wă hala ală gar mat nàng sền gŏ hala ală trồm tồr nàng kơno.

Jeremi 5:21

Iat tĕ bơta do, ơ làng bol tùl gơla mơ ò wă wơng, La làng bol gơs mat mơ ò gŏ, Gơs tồr mơ ò kơno.”

Jeremi 9:26

hơ̆ la Ejiptơ, Juda, Edôm, kòn sau Ammôn, Môap, mơ jơh ală cau koah sŏ di gah tồr mơ ơm tòm ƀlàng bràs. Bơh jơh ală làng bol do ò kong siat gơltau, mơ jơh hìu Israel neh ò siat gơltau tòm nùs.”

Esai 42:20

Mê neh gŏ oă bơta, mơya ò sền sơwì dô êt lơi; mê gơs trồm tồr àng loh, mơya mê ò kơno dô êt lơi.

Jeremi 7:13

Yàng Jehôwa đơs: ‘Mơ tŭ do, bơh bol mê neh lơh ală broă hơ̆, Añ neh guh gòñ bơh àng drim bơto sồr bol mê, mơya bol mê ò iat; mơ tòm tŭ Añ hòi bol mê, mơya bol mê ò ho wơl,

Jeremi 35:13

“Yàng Jehôwa Gơnap Gơnoar, Yàng Tom Trồ Israel dê, đơs be do: Lòt tĕ, đơs mơ cau Juda mơ làng bol Jerusalem lah: Yàng Jehôwa đơs: ‘Bol mê ò bài bơtê, mơ ò bài iat jơnau Añ ơ?

Ejekiel 3:7

Mơya hìu Israel rơp ò bài iat mê tài bơh bol khai ò bài iat Añ, bơh jơh dô nơm hìu Israel neh kră nùs mơ kơldang bồ.