Jeremi 52:31 - Sră Goh 2018

³¹ Nam dơ̆ pe jơt poh, tơnơ̆ mơ tŭ bơtau Juda la Jehôyakin kòl kup, hơ̆ la nam dơ̆ sơnròp bơtau Babilôn la Ebinmerôdak pa nggui hơđang sơbàn, ngai bàr jơt pram kơnhai jơt bàr, bơtau do ai bơta nđàc Jehôyakin bơtau Juda in, mơ cèng tơlik bơh hìu jàm;

Jeremi 52:31 Referans Kwoze

Đơs Crih 3:3

Mơya, ơ Yàng Jehôwa, Kơnràñ la khèl cang kìng añ jê; Kơnràñ la bơta gơklŏ añ jê, mơ la Bơtau pò tơngguh bồ añ jê.

Jơnau Pơnđik 21:1

Nùs bơtau dê ơm tòm tê Yàng Jehôwa ò gơkrơi be hiòng dà hòr; Kơnràñ lơh sơrkềng đah lơi jat nùs kòñ Kơnràñ dê.

Đơs Crih 27:6

Tŭ do bồ añ pò tơngguh hơđang rlau mơ jơh ală cau sò tơm gùt dar añ; Tòm sàl Kơnràñ dê añ rơp ơn phan ơn duh khoai bal mơ jơnau driau dờng hòn chò; Añ rơp đơs chò mơ jòng ro Yàng Jehôwa.

Sơnròp Gơlik Gơs 40:13

Tòm pe ngai tai, Pharaôn rơp toh ồng bơh dê hìu jàm, ai wơl gơnoar ồng in, ồng tong mơngàn Pharaôn dê tòm tê khai be lài òr, be tòm tŭ ồng gam gơs kwang at bồ yò ñô.

Sră Jop 22:29

Tòm tŭ kong cau ndai lơh ƀàssìl, mơ ồng đơs lah: ‘Hơ̆ la bơta pơnhừ să!’ Gen Kơnràñ rơp dong klàs cau pơndêt să.

Sơnròp Gơlik Gơs 40:20

Tus di ngai pe, la tòm toh di ngai deh Pharaôn, khai lơh dô bơta ñô sa ai cau lơh broă khai in, mơ khai toh cau kwang at bồ yò ñô, mơ cau kwang at bồ lơh ƀañ bơh di hìu jàm.

Jeremi 37:1

Jedekia, kòn klau Jôsia geh bơtau Babilôn la Nebukatnessar bơtào lơh gơs cau bơtau lơgar Juda, at bồ ala Jekônia, kòn klau Jehôyakim.