Jeremi 52:15 - Sră Goh 2018

¹⁵ Gơs pơnah ală cau rƀah ngan tòm làng bol, jơh ală cau gam wơl ơm tòm ƀòn, ală cau neh kong alah bơtau Babilôn, mơ ală cau chài rgơi lơh broă gam wơl, gen Nebujaradan, kwang at bồ ling gàr bơtau, kup cèng tơlik bơh lơgar.

Jeremi 52:15 Referans Kwoze

Sacari 14:2

Añ rơp pơjum tơrgòm jơh ală lơgar tòm Jerusalem nàng tòmlơh mơ gơ, ƀòn dờng rơp kong tòmpìt, ală hìu rơp kong phà kơñau, cau ùr rơp kong cau bic bơklơn. Nggùl ƀòn dờng rơp kong kup cèng gơs dĭ; mơya làng bol gam wơl rơp ò kòl tă tơlik bơh di ƀòn dờng.

II Ală Bơtau 25:8

Ngai poh kơnhai pram; nam dơ̆ jơt sin rài bơtau Nebukatnessar, bơtau Babilôn, kwang sền gàr bơtau Nebujaradan, dĭ gơna bơtau Babilôn, tus hơ Jerusalem.

II Ală Bơtau 25:11

Kwang sền gàr bơtau Nebujaradan kup cèng pơrdô jơh ală làng bol gam wơl tòm ƀòn, bal mơ jơh ală cau neh sang mpồl ling mơ lòt jat bơtau Babilôn mơ mpồl làng bol gam wơl.

Jeremi 39:9

Nebujaradan, cau lam bồ mpồl ling kơp gàr bơtau, kup ală làng bol gam ơm wơl tòm ƀòn, mơ ală cau kong alah, bal mơ ală cau gam ơm wơl tòm lơgar, cèng pơrdô hơ lơgar Babilôn.

Ejekiel 12:11

Mê đơs tĕ mơ bol khai lah: ‘Añ la dô nơm tềl sơnio bol mê in: Bơta añ neh lơh, gen kung rơp lơh behơ̆ bol khai in; bol khai rơp kong kup cèng pơrdô tòm lơgar ndai.’

Jeremi 1:3

kung neh đơs mơ khai tòm rài Jehôyakim, kòn klau Jôsia, bơtau Juda dê, jơl tus lồi sơnam dơ̆ jơt dùl rài bơtau Jedekia, kòn klau Jôsia, bơtau Juda dê, hơ̆ la sơnam cau tòm Jerusalem kong kup gơs dĭ tòm kơnhai dơ̆ pram.