Jeremi 51:33 - Sră Goh 2018

³³ Bơh Yàng Jehôwa Gơnap Gơnoar, Yàng Tom Trồ Israel dê, đơs: “Kòn ùr Babilôn tòm toh be làn pơrjă kòi Tus di kơnhai pơrjă kòi; Gam dô êt jŏ tai, Kơnhai toès gơ dê rơp tus.”

Jeremi 51:33 Referans Kwoze

Esai 21:10

Ơ cau neh kong pơrjòt mơ cau tòmpơr kòi tòm làn añ jê, bơta añ neh kơno bơh Yàng Jehôwa Gơnap Gơnoar Dờng, la Yàng Tom Trồ Israel dê, añ neh yal tơnggit bol mê in rau.

Jôel 3:13

Ơn tĕ mơ̆, bơh kơnhai toès neh tus. Tus tĕ pat plai ño, bơh mpal pat tơrnòm neh bềng, mơ ală thùng dờng neh bềng, bơh bơta iơh bơsak bol khai dê dờng ngan.

Sră Ôse 6:11

Ơ Juda, bơh mê kung behơ̆ sơl, dô kơnhai toès neh lơh nền rau. Tòm tŭ Añ rơp bơtào wơl sre brê làng bol Añ jê.

Mice 4:13

Ơ Kòn ùr Siôn, guh tĕ mơ pơrjòt tĕ! Bơh Añ rơp lơh ai in ală ngke mơ lòs, mơ ală nđias jơng mơ kòng; mơ ai rơp pòng bơcah lề lac oă làng bol. Ai rơp ơn phan bol khai tòmpìt geh Yàng Jehôwa in, ơn bơta pas sơm bol khai dê Yàng Jehôwa in la Yàng jơh dunnia dê.”

Mathiơ 13:39

Cau sò tơm sih gar hơ̆ la cà ràk, kơnhai toès la ngai lồi dut rài do, cau toès la cau gơnrơh.

Mathiơ 13:30

Lòi tĕ jơh bàr bơta hòn bal tus di kơnhai toès; tus di kơnhai toès añ rơp sồr cau toès lah: Lài ngan tơrgòm tĕ ñhơt drung, cap wơl gơs tơrñap nàng chu, mơya tơrgòm prap tĕ kòi mi tòm đam añ jê.’”

Habakuk 3:12

Tòm bơta gơjrañ dờng Kơnràñ cơnđòa lòt gan plai ù; mơ tòm bơta gơhào gơjrañ Kơnràñ jă trơm ală làng bol.

Amôs 1:3

Yàng Jehôwa đơs be do: “Bơh tồi glài Damas dê, oă rlau mơ pe, poan dơ̆, Añ rơp ò jùt sang bơta lơh glài Añ jê, tài bơh bol khai neh pơrjòt Galaat mơ gai lòs pơrjòt kòi.

Esai 18:5

Bơh lài mơ kơnhai toès, tòm tŭ bơkào neh jơh, mơ bơkào gơlik dô dơrkum plai ño dum, Kơnràñ rơp ngui pềs koh nàng koh ală cat sơmbut, koh sang ală ntê oă nha.

Esai 47:1

Ơ kòn ơruh dềt Babilôn dê, mù tĕ nggui tòm thul ơmul! Ơ kòn ùr cau Kalde, mù nggui tĕ tòm ù, ò gơs sơbàn! Bơh ai rơp ò tai geh sơnđan la lơbơn mơ hàng mơnĕ tai.

Jeremi 51:32

Ală tiah hào plung gơkòl tòmpìt ai, Ală bŏ proh gơkòl chu mơ ồs, Mơ ală ling neh rngòt rngơt.”

Mice 4:12

Mơya bol khai ò git bơta kơlôi sơnơng Yàng Jehôwa dê, bol khai ò wă wơng bơta rơndap Kơnràñ dê, bơh Kơnràñ neh tơrgòm bol khai kung be ală cap kòi cèng tòm làn pơrjòt kòi.