Jeremi 51:15 - Sră Goh 2018

¹⁵ Să tòm Kơnràñ la Bơtau neh ai gơnap gơnoar Kơnràñ dê crơng gơs plai ù, Ai bơta jak chài Kơnràñ lơh gơs lơgar dunnia, Ai bơta àng loh Kơnràñ lì ơnàng ală tap trồ.

Jeremi 51:15 Referans Kwoze

Yal Tơlik 4:11

“Khoai Yàng la Yàng Tom Trồ bol he dê, Kơnràñ di pal dòp geh bơta gơklŏ, bơta ryŭ ryơm mơ gơnap gơnoar, Bơh Kơnràñ neh crơng gơs jơh ală phan, Mơ tài bơh nùs kòñ Kơnràñ dê gen ală phan hơ̆ neh gơlik gơs mơ geh crơng gơs.”

Jeremi 32:17

‘Khoai Yàng Jehôwa, Kơnràñ neh ngui gơnap gơnoar dờng làm jơh mơ pò tơlik tơwòr Kơnràñ dê mơ crơng gơs ală tap trồ mơ tiah; ò gơs bơta lơi la kalke Kơnràñ in.

Rôma 1:20

Ală bơta bơh Yàng Tom Trồ mơ mat òs ò rgơi gŏ, hơ̆ la gơnap gơnoar gam sùm sùm mơ nùs Yàng Kơnràñ dê, bơh dê tŭ crơng gơs trồ tiah kòn mơnus neh đal git loh làng ngan, tòm tŭ sền sơwì ală phan neh geh crơng gơs Kơnràñ dê, gen tàng bol khai ò rgơi tò să he.

Broă 14:15

“Ơ ală oh mi, ñchi bơh tài lơh bơta hơ̆ taih? Bol hi la kòn mơnus kung be ală oh mi sơl, bol hi bơto yal Jơnau Niam ală oh mi in, nàng oh mi wèt sang ală yàng roh lơm ne, mơ rê wơl hơ Yàng Tom Trồ gam kis sùm, la Bơtau neh crơng gơs trồ tiah, dàlềng mơ ală phan tòm hơ̆.

Jơnau Pơnđik 3:19

Yàng Jehôwa ngui bơta jak chài bơt bơtào plai ù; Ngui bơta git wă nàng lơh gơs ală tap trồ.

Sră Jop 9:8

Mìng dô nă Kơnràñ lì ală tap trồ, Mơ jă trơm ală ryà dàlềng dê.

Rôma 11:33

Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!

Esai 45:12

Hơ̆ la să tòm Añ neh lơh gơlik gơs plai ù, mơ crơng gơs jơi kòn mơnus ơm hơđang gơ. Tê Añ neh lì ală tap trồ; Añ neh rơndap ală mpồl sơmañ gơ dê.

Esai 44:24

Yàng Jehôwa la Bơtau Dong Tơwài mê dê la Bơtau neh lơh gơs mê bơh tòm kơndul mè, đơs be do: “Añ la Yàng Jehôwa, la Bơtau neh lơh gơlik gơs jơh ală phan, mìng dô nă Añ neh lì ală tap trồ, mìng dô nă Añ neh lă plai ù.

Esai 42:5

Do la jơnau đơs Jehôwa Yàng Tom Trồ dê, la Bơtau neh crơng gơs mơ pò ală tap trồ, mơ lă plai ù bal mơ jơh ală phan lik bơh gơ, la Bơtau ai nhơm tă ală làng bol ơm hơđang gơ, mơ ai hwềng ală cau cơnđòa lòt hơđang gơ:

Esai 40:26

Pò tĕ mat tơnggòr sền hơđang ală tap trồ: ñcau neh crơng gơs ală phan hơ̆ taih? Hơ̆ la Bơtau neh lơh gơlik gơs ală sơmañ mơ ală khà bol gơ dê, mơ hòi bol gơ jat ală sơnđan is gơ dê; tài bơh bơta pràn Kơnràñ dê la dờng Tòm gơnap gơnoar pràn Kơnràñ dê. Ò lòi hŭi dô nơm lơi.

Esai 40:22

Kơnràñ ơm nggui hơđang dơwàng plai ù dê, làng bol hơđang ù gơlơh kung be srah nting. Kơnràñ pò ală tap trồ kung be bài kơrnìng, mơ lă gơ kung be dô nơm sàl nàng ơm.

Đơs Crih 136:5

Kơnràñ neh ai bơta jak chài mơ crơng gơs ală tap trồ, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 104:2

Yàng ai bơta àng gòm să tòm Kơnràñ ò gơkrơi be ào, Yàng lì ală tap trồ be dô nơm sàl.

Broă 17:24

Yàng Tom Trồ la Bơtau neh crơng gơs dunnia mơ ală phan tòm hơ̆, la Yàng trồ tiah dê, ò ơm tòm hìu duh khoai bơh tê cau lơh gơs ò.

Esai 51:13

Bơh bol mê neh hŭi Yàng Jehôwa la Bơtau Crơng Gơs bol mê, la Bơtau neh lì ală tap trồ mơ lă mơnàng plai ù, bol mê kis tòm bơta rngòt rngơt sùm kòp ngai tài bơh bơta gơjrañ cau rồn bơklơn dê, la cau neh lơh nền tơnroh bol mê? Bơh ntềng đah bơta gơjrañ dờng cau rồn bơklơn dê taih?

Esai 48:13

Tê tòm Añ neh bơt ală mơnàng plai ù, mơ tê ma Añ neh lì ală tap trồ; tòm tŭ Añ hòi bol gơ tus, jơh ală bol gơ ntào ơn nùs kơlôi.

Đơs Crih 107:25

Kơnràñ sồr, gen gơs càl rbut dờng, Hơ̆ la yò tơngguh ală ryà dàlềng.

Đơs Crih 104:24

Ơ Yàng Jehôwa, ală broă Kơnràñ dê la oă ngan ò git lơh! Kơnràñ neh lơh jơh ală bơta dô bă jak chài ngan; Plai ù bềng lìu ală phan kis mơ Kơnràñ neh crơng gơs.

Jeremi 27:5

‘Să tòm Añ la Bơtau neh lơh gơs ù tiah, jơi kòn mơnus mơ jơi phan poan jơng ơm hơđang plai ù, bơh gơnoar dờng mơ tơwòr tê Añ jê pò tơlik, Añ ai gơ cau lơi in jat nùs Añ kòñ.

Sacari 12:1

Do la jơnau Yàng Jehôwa đơs bơh Israel. Yàng Jehôwa la Bơtau neh lì ală tap trồ, bơt mơnàng plai ù, mơ crơng gơs hwềng tòm kòn mơnus, neh đơs be do: