Jeremi 50:42 - Sră Goh 2018

⁴² Bol khai at àtak mơ tà, bol khai jàñ bơsak ò gơs nùs nđàc sơngit. Sap bol khai kung be dàlềng nggồr; Bol khai hào ơseh mơ tus, ơm jat tap sèng rcang nàng tòmlơh. Ơ, kòn ùr Babilôn.

Jeremi 50:42 Referans Kwoze

Esai 5:30

Tòm ngai hơ̆, bol khai rơp driau dờng tòmdră mơ gơ ò gơkrơi be nggồr dàlềng. Mơ dilah gơs cau sền tòm lơgar, mìng gŏ klam jơngo mơ bòl glar; bulah bơta àng kung rơp gơlik jơngo bơh ală puk mhwal.

Jeremi 47:3

Kơno ntas jơng ơseh ntoat, mơ ntas kong rơndeh tòmlơh nggồr ur ur, ală mè bèp ò wèt wơl sền kòn, bơh ală tê bol khai dê gơlik lơbơn òsô,

Jeremi 8:16

Ntas sap ơseh hòi neh kơno bơh Dan; kơno sap ơseh tòmlơh ơhih, làm jơh ù tiah lơnggơr; Bơh bol khai neh tus, sa loan ù mơ ală phan gơlik bơh ù, sa loan ƀòn mơ jơh làng bol ơm tòm gơ.

Esai 47:6

Añ neh gơhào gơjrañ di làng bol Añ jê, Añ lơh ƀơ̆ ƀơl sre brê Añ, Añ jào bol khai tòm tê ai dê, mơ ai ò yal tơlik bơta nđàc sơngit, Ai ơn dô nơm yô kơnjơ̆ rlau ir hơđang cau kra krồñ.

Yal Tơlik 16:6

Bơh bol khai neh lơh gơhòr mhàm ală cau sàng goh mơ ală cau gơnoar hwơr dê, gen Kơnràñ neh ai bol khai in hùc mhàm, la di pal ngan!”

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.

Jeremi 50:14

Rcang gơrwàng tĕ Babilôn Ơ ală cau la cau wàr àtak! Pañ tĕ gơ, bañ pơlai kam; Bơh gơ neh tìs glài tòmdră mơ Yàng Jehôwa.

Esai 14:6

Hơ̆ la ală cau ò dơh lơh ală làng bol tòm tŭ gơhào nùs, at bồ ală lơgar tòm bơta gơjrañ mơ bơta rồn bơklơn ò gơs cau lơi rgơi kơryan.

Esai 5:28

Kam sơna bol khai dê sơmplàñ, jơh àtak bol khai dê neh wàr; kơnđias ơseh bol khai dê kră be lŭ tơrneh, kong rơndeh bol khai dê kung be càl rbut.

Đơs Crih 74:20

Dan kah wơl bơta ho bal Kơnràñ dê, Bơh ală tiah klam jơngo tòm lơgar gơs bềng bơta rhung rhang.

Đơs Crih 46:6

Ală làng bol lơh nggồr nggàc, ală lơgar tơrluh tơrlơm; Yàng tơlik jơnau ntas, gen ù lề jơh.

Esai 47:1

Ơ kòn ơruh dềt Babilôn dê, mù tĕ nggui tòm thul ơmul! Ơ kòn ùr cau Kalde, mù nggui tĕ tòm ù, ò gơs sơbàn! Bơh ai rơp ò tai geh sơnđan la lơbơn mơ hàng mơnĕ tai.

Jeremi 30:14

Ală cau kòñ gơboh mê neh hŭi mê, Ò kơlôi rcang mê in dô êt lơi; Bơh Añ neh lơh mê kong sồt kung be cau sò tơm lơh, Lơh glài mê kung be cau rhung rhang lơh glài, Tài bơh bơta tìs glài mê dờng ngan, Tồi glài mê oă ngan.

Jeremi 50:9

Bơh do, Añ rơp bơtào bơh đah đang oă lơgar pràn, mơ tus tòmdră mơ Babilôn, ală làng bol hơ̆ rơp rcang tòmlơh mơ Babilôn, mơ bơh hơ̆ gơ kong tòmpìt ai. Kam bol khai pañ kung be kam cau ling jak tòmlơh, ò rê wơl tê gòi.

Jeremi 51:27

“Bơtào tĕ bồng bi tòm lơgar; Uh kơlwòk tòm ală lơgar; Rcang sir ală làng bol tòmlơh mơ gơ! Pơjum tĕ ală lơgar Ararat, Mini, Askena, tus lơh gơ! Bơtào tĕ dô nă kwang at bồ mpồl ling! Cèng tĕ ală ơseh guh kung be srah nting!

Ejekiel 26:3

Gen tàng Jehôwa Yàng Tom Trồ đơs lah: ‘Ơ Tirơ! Do, Añ tòmdră mơ mê, mơ Añ rơp chồl oă lơgar tus tòmdră mơ mê, kung be ryà dàlềng gơrơndul khuh behơ̆ sơl.

Jôel 2:5

Bol gơ ntoat be rơndeh ơseh sơnđoh hơđang ală bồ mơnơm, gơs sap be ntas ồs sa rhe, kung be mpồl ling pràn kơldang brồ tus tòm tiah tòmlơh.