Jeremi 50:20 - Sră Goh 2018

²⁰ Yàng Jehôwa đơs: “Tòm ală ngai hơ̆ mơ tòm tŭ hơ̆, cau rơp jòi bơta iơh Israel dê, mơ rơp ò gơs dô nơm glài tai; jòi tồi glài Juda dê, mơ rơp ò gŏ dô nơm glài lơi tai ò; bơh Añ rơp toh glài ală cau tòm mpồl bol khai mơ Añ neh lòi wơl.”

Jeremi 50:20 Referans Kwoze

Mice 7:19

Kơnràñ rơp kòñ nđàc tai di bol he, Kơnràñ rơp jă trơm ală tồi glài bol he dê hơđơm jơng Kơnràñ mơ sang sơrbì jơh ală bơta tồi glài iơh bơsak bol he dê tòm ală tiah jrô dàlềng dê.

Jeremi 31:34

Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Esai 1:9

Dilah Yàng Jehôwa Gơnap Gơnoar Dờng Làm Jơh ò lòi wơl bol he in dô êt nă cau gam kis, gen bol he rơp gơlik gơs be Sôdôm, mơ tòm toh be Gômôrơ.

Đơs Crih 103:12

Đah mattơngai lik la ngài mơ đah mattơngai mut kàr lơi, Gen Kơnràñ kung tă sang bơta tìs glài bol he dê ngài kàr hơ̆ sơl.

II Pier 3:15

Pal kah tĕ lah bơta kong ơt Yàng bol he dê la bơh bơta dong klàs oh mi dê, kung be Pol, bi kòñ gơboh bol he dê, jat bơta jak chài neh ai khai in mơ cih sră pơyoa oh mi in sơl.

Esai 44:22

Añ neh jùt sang bơta tìs glài mê dê kung be mhwal lơut, tồi glài mê dê kung be dà tŭ. Rê wơl tĕ mơ Añ, bơh Añ neh dong tơwài mê.

Khà Làng Bol 23:21

Ò jòi gŏ bơta tồi glài tòm Jakôp, ò jòi bàn bơta dồn sa rƀah tòm Israel. Jehôwa Yàng Tom Trồ bol khai dê ơm bal mơ bol khai; jơnau driau dờng jòng ro Bơtau ơm digùl bol khai.

Rôma 6:13

kung bañ ơn să jan he tồi glài in, nàng lơh gơs phan ngui bơta iơh bơsak dê, mơya ơn tĕ să tòm oh mi Yàng Tom Trồ in, kung be ală cau neh chơt mơ kis wơl mơ ơn să jan he Yàng Tom Trồ in, nàng lơh gơs phan ngui bơta song ring dê.

Jeremi 33:15

Tòm ală ngai hơ̆ mơ tŭ tơngai hơ̆, Añ rơp lơh dô nơm Ntê bơta song ring gơcat Dabit in; Bơtau hơ̆ rơp lơh gơs bơta song ring song ngan tòm lơgar do.

Rôma 11:6

Mơya dilah bơh bơta nđàc gen ò di bơh broă lơh tai; dilah ò behơ̆ gen bơta nđàc ò tai la bơta nđàc.

Rôma 5:16

Mơ tai, bơta ai gòi do, ò di be broă gơlik tus bơh dô nă cau tìs glài ò: Bơta cahrña tài bơh dô nơm glài lam tus hơ bơta lơh nền glài, mơya bơta ai gòi bơh đang trồ tơnơ̆ mơ oă dơ̆ tìs glài, gen lam tus hơ bơta geh kòp la song ring.

Broă 3:26

Behơ̆ Yàng Tom Trồ neh sac rwah Cau Duh Broă Kơnràñ dê, mơ sồr Khai lòt tus ai lơngai ală oh mi in sơnròp ngan, mơ lơh kòp nă cau in tòm ală oh mi pơrlac sang bơta tồi glài iơh bơsak he dê.”

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

Jeremi 50:4

Yàng Jehôwa đơs: “Tòm ală ngai hơ̆ mơ tòm tŭ hơ̆, làng bol Israel mơ làng bol Juda dô bă bal rê wơl, lòt ndang ñìm ndang, jòi jat Jehôwa Yàng Tom Trồ bol khai dê.

Jeremi 44:14

tian gơs tòm ală cau Juda gam wơl lòt tus ơm tòm Ejiptơ, gen ò gơs cau lơi lik klàs, hala gam kis, nàng rê wơl hơ lơgar Juda. Bulah bol khai kòñ ngan rê wơl kis tềng hơ̆, bol khai rơp ò rê wơl, mìng la dô êt nă cau neh dô klàs lơm.’”

Đơs Crih 17:3

Dilah Yàng lòng sơwì nùs añ, còp añ tòm trồ mang, Dilah Yàng lòng añ, gen jòi ò bàn bơta iơh bơsak lơi ò; Bơr añ ò tìs glài.

Esai 33:24

Ò gơs cau lơi ơm tòm Siôn rơp đơs lah: “Añ kòp jê,” cau ơm tềng hơ̆ rơp geh toh bơta tồi glài bol khai dê.

Jeremi 33:8

Añ rơp lơh goh jơh ală bơta iơh bơsak bol khai neh tìs glài tòmdră mơ Añ; Añ rơp toh jơh ală bơta iơh bơsak bol khai neh tìs glài mơ Añ mơ tòmdră mơ Añ.

Ejekiel 18:22

Ò gơs dô nơm tồi glài lơi khai neh tìs rơp gơkòl tơngkah wơl tòmdră mơ khai. Tài bơh ală bơta song ring khai neh lơh gen khai rơp kis.

Sacari 3:9

Bơh hơđang pơnai lŭ mơ Añ neh ơn di đap Jôsua, hơđang dô nơm lŭ hơ̆ gơs poh nơm gar mat, mơ Añ rơp pac jơnau hơđang gơ, mơ Añ rơp tă tơlik bơta tồi glài bơh di lơgar do tòm dô ngai,” Yàng Jehôwa Gơnap Gơnoar Dờng Làm Jơh đơs behơ̆.

Đơs Crih 85:3

Yàng neh tơnruc jơh bơta gơhào gơjrañ Kơnràñ dê, Neh pơrlac wơl bơta gơjrañ dờng Yàng dê.

Esai 10:21

Dô mpồl gam wơl rơp rê wơl, hơ̆ la dô mpồl gam wơl Jakôp dê rơp rê wơl hơ Yàng Tom Trồ Gơnap Gơnoar Dờng.

Ñìm Rac 4:22

Ơ kòn ùr Siôn, bơta lơh glài ai neh tơl, Kơnràñ rơp ò phi ai kong kup cèng gơs dĭ tai! Ơ kòn ùr Edôm, Kơnràñ rơp lơh glài ai; Kơnràñ rơp ràng tơlik tồi glài ai dê!

Sôphôni 3:12

Mơya Añ rơp lòi wơl digùl bol mê ală cau lơbơn niam mơ tơnliah să. Bol khai rơp jòi jat mơ kìng crŭ tòm sơnđan Yàng Jehôwa dê.