Jeremi 50:17 - Sră Goh 2018

¹⁷ Israel la dô mpồl belàt tìs nrah, gơkòl klìu triă ting jat. Lài ngan bơtau Asiri neh brồ kup sa loan gơ; lồi dut Nebukatnessar, bơtau Babilôn, neh kơnjah ntìng gơ.”

Jeremi 50:17 Referans Kwoze

Jeremi 2:15

Ală klìu triă neh ơluh ơhùm tòmdră mơ khai, Bol gơ ơluh ơhùm dờng ngan, Mơ gơlơh ù tiah khai dê gơlik gơs ngềt ngơt. Ală ƀòn dờng khai gơkòl tơnroh gơprah, ò gơs cau ơm.

I Pier 2:25

Bơh oh mi kung be belàt neh lòt tìs nrah, mơya tŭ do neh rê wơl hơ Bơtau Ê Belàt mơ Bơtau sền gàr hwềng soàn oh mi dê.

Jôel 3:2

Añ rơp pơjum bal jơh ală làng bol, mơ cèng bol khai mù tòm thòng Jehôsaphat, Añ rơp cahrña bol khai tềng hơ̆, sơwì làng bol Añ jê mơ sre brê Añ jê cau Israel, tài bơh bol khai neh lơh nrah nring làng bol Israel digùl ală lơgar. Bol khai neh tòmpà ù tiah Añ jê,

Jeremi 50:6

Làng bol Añ jê ngan la dô mpồl belàt tìs nrah; ală cau ê lam bol gơ tìs gùng, wĕ bol gơ lòt ngài hơđang ală mơnơm, lòt bơh mơnơm tus di dòr, bol gơ hŭi mpồl bol gơ dê.

Daniel 6:24

Jat jơnau sồr bơtau dê gen cau cèng tus ală cau neh yă Daniel, mơ sơrbì bol khai bal mơ bau kòn bol khai dê tòm wàng klìu triă. Tòm tŭ bol khai òhềt dùh tus di kơnàng wàng dê, gen ală klìu triă neh brồ kap mơ crè ntìng jơh tơl nă.

Ejekiel 34:12

Be cau ê lòt jòi mpồl belàt khai dê, tòm tŭ bol khai neh ơm digùl ală belàt nrah nring khai dê, behơ̆ Añ rơp lòt jòi mpồl belàt Añ jê. Añ rơp dong tă bol gơ bơh di jơh ală tiah bol gơ neh lòt nrah nring tòm dô ngai gơs mhwal mơ jơngo cik.

Jeremi 52:1

Jedekia nggui hơđang sơbàn tòm tŭ khai neh bàr jơt dùl sơnam; at bồ jơt dùl sơnam tòm Jerusalem. Mè bơtau dê sơnđan la Hamutal, kòn ùr Jeremi dê, cau Lipna.

Jeremi 51:38

Bol khai rơp dô bă bal ơluh ơhùm kung be klìu triă brồ dam, Ơhùm kung be klìu triă kòn.

Jeremi 49:19

Gơ kung be klìu triă guh bơh ală brê me Jordan dê guh tus hơ ală ƀlàng ñhơt tơlir sùm. Nisơna Añ rơp lơh Edôm in ntoat dô, mơ Añ rơp bơtào cau mơ Añ neh sac rwah nàng at bồ gơ: Bơh ñcau be Añ taih? Ñcau khin pơrlòng mơ Añ taih? Gơs cau ê belàt lơi rgơi ntào di đap Añ sơl?

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Esai 47:6

Añ neh gơhào gơjrañ di làng bol Añ jê, Añ lơh ƀơ̆ ƀơl sre brê Añ, Añ jào bol khai tòm tê ai dê, mơ ai ò yal tơlik bơta nđàc sơngit, Ai ơn dô nơm yô kơnjơ̆ rlau ir hơđang cau kra krồñ.

II Yal Yau 33:11

Behơ̆ Yàng Jehôwa neh cèng tus ală cau at bồ mpồl ling bơtau Asiri dê, bol khai kup jàm Manase, ơn dô nơm gai kwĕ di muh khai, kơt khai mơ che sreng kòng mơ cèng khai tus hơ Babilôn.

II Yal Yau 28:20

Behơ̆ bơtau Tilglat Pilneser, Asiri dê lòt tus tòmdră mơ khai, ò lơh khai in pràn kơldang, mơya sơlo rồn bơklơn khai.

II Ală Bơtau 24:1

Tòm rài Jehôyakim at bồ, gen Nebukatnessar, bơtau Babilôn, guh tòmpìt lơgar Juda. Gen Jehôyakim gơlik gơs cau duh broă khai tòm pe sơnam, mơya bơtau Jehôyakim pơrlơ̆ nùs mơ tòmdră wơl mơ Nebukatnessar.

II Ală Bơtau 15:29

Tòm rài Peka bơtau Israel, Tilglat Pileser bơtau Asiri, tus gơrwàng tòmpìt ai Iyôn, Abel Betmakah, Janôah, Kedes, Hajor, tiah Galaat, Galile, mơ jơh kơnhwàl Neptali; gen khai cèng làng bol ală lơgar hơ̆ rê hơ Asiri.

II Ală Bơtau 15:19

Pul, bơtau Asiri, tus tòmlơh mơ lơgar; Menahem ai Pul in dô rbô talơng priă, nàng dong khai bơtào kơ̆ lơgar tòm gơnoar bơtau khai dê.

II Ală Bơtau 24:10

Tòm tŭ hơ̆, ală dĭ gơna Nebukatnessar, bơtau Babilôn, lòt tus hơ Jerusalem mơ gơrwàng ƀòn dờng.

II Ală Bơtau 25:1

Tòm nam dơ̆ sin rài Jedekia, ngai jơt kơnhai jơt, bơtau Nebukatnessar, Babilôn dê, bal mơ jơh mpồl ling khai dê, tus tòmlơh mơ Jerusalem; mơ khai sơntơp sàl di đap ƀòn, mơ bơt dơrñang gơrwàng gùt dar ƀòn.

Esai 15:9

Bơh dà hiòng Dimôn gơs bềng mhàm, mơ Añ rơp cèng bơtơl tai hơđang Dimôn, Ală cau Môap dô klàs bơh dô nơm klìu triă, bơh ală cau gam wơl tòm lơgar.

Jeremi 5:17

Bol khai rơp sa loan plai đo mơ ƀañ mê dê, Bol khai rơp sa kòn klau kòn ùr mê; Bol khai rơp sa mpồl belàt mơ mpồl kơnrồ mê, bol khai rơp sa chi ño mơ chi ƀal mê dê. Bol khai rơp ai đào tơnroh ală ƀòn dờng kơ̆ cê mê dê, la tiah mơ mê gơn kơnòm!”

Jeremi 10:25

Dan Kơnràñ tuh bơta gơjrañ dờng Kơnràñ dê hơđang ală lơgar ò git Kơnràñ, Mơ hơđang ală làng bol ò hòi dan dê sơnđan Kơnràñ. Bơh bol khai neh sa loan Jakôp, Mơ neh sa loan; Bol khai neh sa pơrguc Jakôp, mơ lòi srau gòi tiah ơm khai dê.

Jeremi 21:7

Yàng Jehôwa đơs: ‘Tơnơ̆ mơ hơ̆, Añ rơp jào Jedekia, bơtau Juda, dĭ gơna mơ làng bol khai dê, hơ̆ la ală cau gam wơl tòm ƀòn dờng, neh klàs bơh pluh plàng, pềs tà, jơgloh rung, Añ rơp phi bol khai tòm tê Nebukatnessar, bơtau Babilôn, tòm tê ală cau sò tơm bol khai dê mơ ală cau kòñ jòi bơta kis bol khai dê. Nebukatnessar rơp tơnchơt bol khai mơ đào, ò pơlai, ò kòñ nđàc, ò git nđàc sơngit.’