Jeremi 5:21 - Sră Goh 2018

²¹ Iat tĕ bơta do, ơ làng bol tùl gơla mơ ò wă wơng, La làng bol gơs mat mơ ò gŏ, Gơs tồr mơ ò kơno.”

Jeremi 5:21 Referans Kwoze

Ejekiel 12:2

“Ơ kòn mơnus, mê ơm digùl dô nơm làng bol jak tòmdră. Bol khai gơs mat nàng sền mơya ò gŏ, gơs tồr nàng iat mơya ò kơno, bơh bol khai la dô nơm làng bol jak tòmdră.

Broă 28:26

‘Lòt tus tĕ hơ làng bol do mơ đơs lah: Bol mê kơno mơya ò git wă dô êt lơi, Bol mê sền gen gŏ mơya ò git đal dô êt lơi.

Rôma 11:8

be neh cih lah: “Yàng Tom Trồ neh ai bol khai in hwềng nùs ò git kơlôi, Mat ò gŏ, tồr ò kơno jơl tus di ngai do.”

Jang 12:40

“Yàng neh lơh mat bol khai jơngo, nùs bol khai kră kơldang, Rngòt mat bol khai sền gŏ, nùs bol khai git wă, Mơ gơjrañ sang glài, Nàng Añ sơmbòi bol khai in.”

Jeremi 4:22

“Bơh làng bol Añ jê tùl gơla, Bol khai ò đal git Añ. Bol khai la kòn sau bơrngơl gơla, Bol khai ò gơs bơta git wă, Bol khai chài rgơi lơh bơta iơh, Mơya ò git mbe lơi lơh bơta niam.”

Jơnau Niam Jat Mak 8:18

Bol mê gơs mat mơ ò gŏ? Gơs tồr mơ ò kơno? Bol mê ò kah wơl ơ?

Jeremi 8:7

Bulah klàng kò ơm tòm tiah pah gòi, Git is tŭ tơngai gơ dê; Sềm ntòp, sềm pơrbèt, klàng ka, git đal tŭ tơngai tus bol gơ dê. Mơya làng bol Añ gen ò git, Bơta lơh nền Yàng Jehôwa dê!

Jeremi 5:4

Gen añ đơs: “Ală cau do mìng la cau rƀah, Bol khai ò gơs bơta git wă; Bơh bol khai ò git gùng dà Yàng Jehôwa dê, Bơta boh lam Yàng Tom Trồ bol khai dê.

Esai 44:18

Bol khai ò git bơta lơi, bol khai ò git wă bơta lơi; gar mat bol khai gơkòl lềt wơl gen tàng bol khai ò rgơi gŏ, nùs tồr bol khai gơkòl kal wơl gen tàng bol khai ò rgơi git wă.

Đơs Crih 94:8

Ơ cau tùl gơla rlau jơh tòm làng bol, git wă tĕ! Ơ cau bơrngơl gơla, tŭ lơi sồng bol mê gơlik jak chài taih?

Esai 27:11

Tòm tŭ ală ntê ro neh pă, ală cau ùr tus dòñ nàng sing ồs. Bơh do la dô nơm làng bol ò git wă, gen tàng Bơtau neh crơng gơs bol khai ò kòñ nđàc di bol khai, Bơtau neh mòn gơs bol khai ò yal tơlik bơta nđàc bol khai in.

Jơnau Pơnđik 17:16

Cau tùl gơla ò gơs dơngoh kòñ bơtê git, Ñchi kwơ ơn priă tòm tê khai in nàng blơi bơta jak chài taih?

Yal Wơl 32:6

Ơ làng bol bơrngơl gơla mơ ò kwơ, bol mê tơm wơl Yàng Jehôwa in behơ̆ ơ?” Kơnràñ ò di la Bèp bol mê dê la Bơtau Crơng gơs, Bơtau mòn gơs mơ bơtào gơs bol mê ò ơ?

Yal Wơl 29:4

Mơya jơl tus di tŭ do Yàng Jehôwa òhềt ai bol mê in dơngoh jak nàng git wă hala ală gar mat nàng sền gŏ hala ală trồm tồr nàng kơno.

Sră Ôse 7:11

Epraim gơlik be dô nơm sềm ntòp, bơrngơl, mơ siơ̆u dơngoh jak; bol khai hòi Ejiptơ dong kòl, bol khai lòt tus hơ Asiri.

Jeremi 10:8

Bol khai jơh tơl nă bơrngơl mơ tùl gơla. Bol khai geh bơta bơto sồr bơh rùp ràk Ò lin rlau mơ chi.

Jơnau Niam Jat Mak 4:12

Tồ bol khai in: sền gen gŏ mơya ò git đal, iat gen kơno mơya ò git wă. Behơ̆ gen bol khai rê wơl mơ geh toh glài mòn.”

Rôma 1:20

Ală bơta bơh Yàng Tom Trồ mơ mat òs ò rgơi gŏ, hơ̆ la gơnap gơnoar gam sùm sùm mơ nùs Yàng Kơnràñ dê, bơh dê tŭ crơng gơs trồ tiah kòn mơnus neh đal git loh làng ngan, tòm tŭ sền sơwì ală phan neh geh crơng gơs Kơnràñ dê, gen tàng bol khai ò rgơi tò să he.

Esai 43:8

Cèng tơlik tĕ ală cau gơs mat mơya ò gŏ, gơs tồr mơya ò kơno.

Jeremi 5:20

Yal tơnggit tĕ ală jơnau do hìu Jakôp in; Yal tơlik tĕ gơtòm Juda lah:

Jeremi 6:10

Añ rơp đơs mơ ñcau, mơ sồr cau lơi kơrhia, Nàng bol khai rgơi kơno taih? Ne, tồr bol khai neh sềt, bol khai ò rgơi kơno. Jơnau Yàng Jehôwa dê gơwèt mơ bol khai be phan sền òsơp, Bol khai ò lơh niam nùs tòm gơ.

Sacari 7:11

Mơya bol khai ò bài ơn nùs tồr, mơ wèt ngkòi kră kơldang, mơ sềt tồr ò bài iat.

Yal Wơl 29:3

Mat tòm bol mê neh gŏ ală broă gơlòng bòl glar dờng hơ̆, ală tềl is crih crài mơ ală bơta krơi dờng.

Jeremi 7:13

Yàng Jehôwa đơs: ‘Mơ tŭ do, bơh bol mê neh lơh ală broă hơ̆, Añ neh guh gòñ bơh àng drim bơto sồr bol mê, mơya bol mê ò iat; mơ tòm tŭ Añ hòi bol mê, mơya bol mê ò ho wơl,