Jeremi 49:7 - Sră Goh 2018

⁷ Bơh Edôm. Yàng Jehôwa Gơnap Gơnoar đơs be do: “Tòm Theman ngan ò gam gơs bơta jak chài ơ? Ală cau cri bơyai neh roh bơta chài rgơi rau ơ? Bơta jak chài bol khai dê neh roh rau ơ?

Jeremi 49:7 Referans Kwoze

Jeremi 49:20

Behơ̆ iat tĕ bơta Yàng Jehôwa neh lơh nền tòmdră mơ Edôm, mơ tơnggume broă Kơnràñ neh bơtào tòmdră mơ làng bol Theman: Ngan ală kòn dềt tòm mpồl bol khai rơp kong hwài lòt; nền cê ngan mpồl bol khai rơp kong rngòt rngơt.

Jeremi 25:21

ai Edôm, ai Môap, ai kòn sau Ammôn in;

Sơnròp Gơlik Gơs 36:15

Do la ală kwang ƀòn tòm ală kòn sau Esau dê: Ală kòn klau Eliphas, kòn tơnhoa Esau dê la kwang ƀòn Ômar, kwang ƀòn Sephô, kwang ƀòn Kenas,

Sơnròp Gơlik Gơs 25:30

Gen Esau đơs mơ Jakôp lah: “Mê ai añ in sa biap pơrhê hơ̆ bơh añ bòl glar ngan.” Tài bơh hơ̆ cau sơnđan Esau la Edôm.

Sră Jop 2:11

Mơ tai, tòm tŭ pe nă cau bơyô Jop dê, kơno jơh ală bơta bòl glar rung rài neh dùh hơđang khai, kòp nă neh lik bơh hìu he dê hơ̆ la Eliphas cau Theman, Bildat cau Sua, mơ Sôpha cau Naama. Bol khai tìp bal nàng lòt tòmpà bơta moat jrùng mơ pơndòm pơniang khai.

Sơnròp Gơlik Gơs 36:11

Ală kòn klau Eliphas dê la Theman, Ômar, Sephô, Gatham, mơ Kenas.

Habakuk 3:3

Yàng Tom Trồ tus bơh Theman, Bơtau sàng goh tus bơh mơnơm Pharan. (Selah) Bơta gơklŏ Kơnràñ dê jơm gòm ală tap trồ, mơ bơta jòng ro Kơnràñ bềng lìu ù tiah.

Jôel 3:19

Mơya Ejiptơ rơp gơlik gơs tiah sang lòi ngềt ngơt, Edôm rơp gơlik gơs ƀlàng ngềt ngơt srau gòi, tài bơh bol khai lơh bơta iơh bơsak gơwèt hơ làng bol Juda mơ lơh gơtuh mhàm ò gơs glài tòm ù tiah hơ̆.

Daniel 11:41

Khai kung rơp tòmpìt ai lơgar hàng mơnĕ, mơ oă lơgar rơp kòl tơnroh, mơya Edôm, Môap, mơ ală cau at bồ làng bol Ammôn rơp lik klàs bơh di tê khai.

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Esai 29:14

Behơ̆ Añ rơp lơh dô dơ̆ tai, dô bơta crih crài làng bol do in, nrơt nrơl mơ crih crài; bơta jak chài cau git wă dê rơp roh rui, mơ dơngoh jak ală cau git jak dê rơp pồn ndơp.”

Đơs Crih 137:7

Ơ Yàng Jehôwa, dan kah tòmdră mơ ală cau Edôm, tòm ngai Jerusalem kòl tơrlơm, Bol khai đơs lah: “Phà tơrlah tĕ, phà tơrlah tĕ! Tơmù tus di ală mơnàng gơ dê!”

Sră Jop 4:1

Gen Eliphas cau Theman ho wơl lah:

I Yal Yau 1:53

Kena, Teman, Mipsa,

Yal Wơl 23:7

Bañ cù kìr di dô nă cau Edôm tài bơh khai la oh mi bol mê dê. Bañ cù kìr di dô nă cau Ejiptơ, tài bơh bol mê neh ơm ing tòm lơgar khai dê.

Sơnròp Gơlik Gơs 36:34

Chơt bơtau Jôbap, gen Husam, cau lơgar Theman at bồ ala khai.

Sơnròp Gơlik Gơs 36:8

Esau hơ̆ la Edôm, ơm hơđang mơnơm Seir.

Sơnròp Gơlik Gơs 27:41

Esau gơjrañ kơuềng di Jakôp tài bơh bèp khai ai lơngai Jakôp in, gen đơs tòm nùs lah: “Ală ngai moat bèp dê mòr di, behơ̆ añ rơp tơnchơt Jakôp, oh añ.”

Sơnròp Gơlik Gơs 32:3

Jakôp sồr cau kong sồr lòt lài nàng tus hơ Esau bi khai, tòm kơnhwàl Seir lơgar Edôm dê.

Jeremi 8:9

Ală cau jak chài rơp gơkòl ƀàssìl, bol khai rơp gơdô nùs, mơ gơkòl kup cèng. Bơh di tŭ bol khai neh sang lòi jơnau Yàng Jehôwa dê; ñchi bơta jak chài gam ơm tòm bol khai taih?

Jeremi 12:14

Yàng Jehôwa đơs be do: “Ală cau gơp ƀòn iơh Añ jê, la cau tòmpìt sre brê mơ Añ neh ai làng bol Añ in, la Israel, lơh gơs phan jơtài: Añ rơp dus bol khai bơh digùl ù tiah bol khai dê, mơ rơp dus hìu Juda bơh digùl bol khai.

Jeremi 25:23

Dedan, Thema, Bus, ală cau koah sŏ gùt dar bồ;

Ejekiel 32:29

Edôm gơs tềng hơ̆, ală cau bơtau mơ ală cau kwang at bồ gơ dê; la ală cau pràn kơldang geh bic bal mơ ală cau kong tơnchơt bơh đào. Bol khai bic bal mơ ală cau ò siat gơltau, bal mơ ală cau mù tòm bơtô.

Esai 21:11

Dô jơnau đơs hwơr bơh Duma: Gơs cau bơh Seirơ hòi añ mơ đơs lah: “Ơ cau ling kơp gàr, mang ti mbe lơi? Ơ cau kơp gàr, mang ti mbe lơi taih?”

Ñìm Rac 4:21

Ơ kòn ùr Edôm, ơm tòm lơgar Us; hòn chò hừh hơh tĕ, Mơngàn kung rơp jun tus hơ ai, ai rơp bơñul mơ ơm kuh lòi rồ.