Jeremi 46:10 - Sră Goh 2018

¹⁰ Ngai hơ̆ la ngai Yàng Jehôwa, Yàng Tom Trồ Gơnap Gơnoar; Hơ̆ la ngai sal tê, Kơnràñ rơp sal tê cau sò tơm di Kơnràñ. Đào rơp loan jơl tus hòm, Hùc mhàm bol khai jơl tus rài tơhìr; Bơh Yàng Jehôwa la Yàng Tom Trồ Gơnap Gơnoar, Gơs bơta ơn phan duh khoai tòm lơgar đah đang, di gah hiòng Ơphrat.

Jeremi 46:10 Referans Kwoze

Yal Wơl 32:42

Añ rơp lơh ală kam àtak Añ jê bơñul bơh mhàm, tòm tŭ đào Añ jê sa loan poac: mhàm ală cau kong koh tơnchơt mơ ală cau kong kup cèng, mơ bồ ală cau kwang cau sò tơm dê.”

Jôel 1:15

Ơ hơh! Bơh ngai hơ̆, bơh ngai Yàng Jehôwa dê neh tus rềp! Gơ rơp tus kung be bơta tơnroh gơprah gơpring tus bơh Bơtau Gơnar Dờng.

Jeremi 46:2

Bơh Ejiptơ, bơh mpồl ling bơtau Ejiptơ dê, Pharaôn Nekô, tŭ hơ̆ bơtào sàl ling rềp hiòng Ơphrat, tòm Karkemis; hơ̆ la mpồl ling gơkòl Nebukatnessar bơtau Babilôn lơh alah, tòm nam dơ̆ poan rài Jehôyakim kòn klau Jôsia bơtau Juda dê.

Jeremi 46:6

Cau ngac ngan kung ò rgơi dô, cau pràn ngan kung ò geh klàs. Bơh đah đang, di gah hiòng Ơphrat, Bol khai gơtup mơ gơpừ!

Luka 21:22

Bơh hơ̆ la ală ngai lơh glài, tồ jơh ală bơta neh cih gơlik gơs di ngan.

Jôel 2:1

Uh tĕ kơlwòk tòm Siôn; ntas jơnau yal tơnggit hơđang mơnơm sàng goh Añ jê. Lòi jơh làng bol tòm lơgar rơm să, bơh ngai Yàng Jehôwa dê mòr tus, ngai hơ̆ neh tus rềp rau.

Jeremi 51:6

Dô tĕ bơh digùl Babilôn, Kòp nă dong klàs tĕ bơta kis he dê! Bañ tài bơh tồi glài gơ mơ kong chơt roh. Bơh do la tŭ tơngai sal tê Yàng Jehôwa dê, Kơnràñ tơm wơl gơ in di pal.

Jeremi 50:15

Hòi driau tĕ tòmdră mơ gơ jơh ală đah. Gơ neh kong alah, Ală theng gơ neh tơrlơm, Ală dơrñang gơ neh tơlup. Bơh do la bơta sal tê Yàng Jehôwa dê! Sal tê tĕ gơ; Lơh gơ in kung be gơ neh lơh.

Esai 63:4

Bơh ngai sal tê gơ ơm tòm nùs Añ, mơ nam dong tơwài Añ jê neh tus.

Esai 13:6

Ñìm rac tĕ, bơh ngai Yàng Jehôwa dê neh rềp; ngai hơ̆ tus kung be bơta tơnroh bơh Bơtau Gơnap Gơnoar Làm Jơh.

II Ală Bơtau 24:7

Mơ tai, bơtau Ejiptơ ò khin lik bơh lơgar khai dê tai, tài bơh bơtau Babilôn neh tòmpìt ai lơgar gơrê bal mơ bơtau Ejiptơ, bơh croh Ejiptơ jơl tus hiòng Ơphrat.

Esai 61:2

nàng yal tơnggit nam ai bơta nđàc Yàng Jehôwa dê, mơ ngai sal tê Yàng Tom Trồ bol he dê; nàng pơndòm pơniang jơh ală cau ñìm rac pơt wòl;

Sră Jop 24:1

“Ñchi bơh tài ală tŭ tơngai ò geh lơh nền bơh Bơtau Gơnap Gơnoar Làm Jơh taih? Mơ ñchi bơh tài ală cau git Kơnràñ ò tŭ lơi gŏ ngai Kơnràñ dê?

Esai 31:8

Gen cau Asiri rơp gơpừ bơh lơmpiat đào, ò di đào kòn mơnus dê; mơ đào ò di la đào kòn mơnus dê rơp sa loan bol khai. Bol khai rơp dô bơh di đap đào hơ̆, mơ ală cau klau pơnu bol khai rơp kong duh broă bòl glar.

Jeremi 12:12

Hơđang jơh ală dòr kơlờl tòm ƀlàng bràs; Cau phà kơñau neh tus; Bơh đào Yàng Jehôwa dê loan lơgar do Bơh bồ do tus hơ bồ ne, Ò gơs dô nă lơi geh lơngap lơngai.

Jeremi 46:14

“Yal tơlik tĕ tòm Ejiptơ; yal Mikdôl in, Yal tơnggit Nôp mơ Tahpanhes in, đơs lah: ‘Mut ơm tĕ tòm toh di tiah ơm, mơ rcang kơp, Bơh đào neh loan gùt dar mê.’

Jeremi 50:18

Behơ̆ gen, Yàng Jehôwa Gơnap Gơnoar, Yàng Tom Trồ Israel dê đơs be do: “Behơ̆ tàng, Añ rơp lơh glài bơtau Babilôn mơ lơgar khai, kung be neh lơh glài bơtau Asiri.

Ejekiel 21:28

Ai mê, ơ kòn mơnus, đơs hwơr tĕ mơ lah: ‘Bơh kòn sau Ammôn mơ jơnau tràl sơrbil bol khai dê, gen Jehôwa Yàng Tom Trồ đơs be do: Dô nơm đào, dô nơm đào, neh tă tơlik nàng sreh tơnchơt; neh tồl nàng sa loan, mơ gơcrà be puhlèp!

Sacari 6:6

Rơndeh gơs ală ơseh jù lòt hơ lơgar đah đang, rơndeh gơs ală ơseh kò lòt hơ lơgar đah mattơngai mut, mơ rơndeh gơs ală ơseh pàl sơnràng lòt hơ lơgar đah đơm”

Esai 2:12

Bơh Yàng Jehôwa Gơnap Gơnoar Dờng gơs dô ngai, tòmdră mơ jơh ală cau pơnhừ să mơ ală cau jòng să, mơ tòmdră mơ jơh ală cau yò tơngguh is să he;